No recibidor do instituto pódese ver a exposición de maquetas do sistema solar realizadas polo alumnado de 1º ESO na asignatura de Bioloxía.

O alumnado de 3º ESO realizou estes traballos na materia de Artes Plásticas inspirándose na obra da artista Bridget Riley.
Esta exposición está enmarcarda no proxecto interdisciplinar "Mulleres na sombra", que estamos a desenvolver no instituto durante este curso e que se centra no tema da igualdade.

Este curso celebramos de novo o Día das Bibliotecas. Nesta ocasión centrámonos na formación de usuarios, para acercar ao alumnado de 1º de ESO á Biblioteca.

Despois de recibir unha explicación sobre a ubicación dos fondos, as alumnas e alumnos participaron nun concurso que tiña como obxectivo familiarizalos con estes fondos e ensinarlles o funcionamento da Biblioteca.

No recibidor do centro permanecerá a exposición "Os 9 anos de Fraguas en Lugo" entre os días 21 e 25 de outubro, recordando os anos nos que Antonio Fraguas, a quen se lle adicou o Día das Letras Galegas en 2019, vivíu e traballou nesta cidade.
A exposición foi presentada ao alumnado polo xornalista e escritor Xulio Xiz.

Un ano máis, a Biblioteca e o Equipo de Dinamizacion Língüística convocan o concurso de relatos de terror por estas datas nas que celebramos o Samaín.

Empezou o novo curso e, como todos os anos, comezan as lecturas e as reunións dos distintos clubs de lectura.
Invitamos ao alumnado e aos pais e nais a que se anoten nun deles, xa que así poderemos disfrutar da lectura, intercambiar opinións sobre os libros que lemos, facer novos amigos e tomar chocolate con churros.

O pasado venres día 11 de outubro, tivemos o pracer de contar no IES de Monterroso co afamado artista ABRAHAM CUPEIRO.
Construtor e trompetista, Abraham recupera e pon en valor o patrimonio artístico e cultural do pasado. A súa obra baséase no interese, compilación e construción de instrumentos musicais perdidos no tempo para o seu emprego na música actual, mesturando ditas sonoridades coas música de hoxe en día.

A actividade, programada polo departamento de Música, desenvolveuse no Salón de Actos do propio IES ante a presenza do alumnado de Música 3º e 4º de ESO, e de Hª da Música de 2ª de Bacharelato. 

O pasado curso o alumnado do IES de Monterroso logrou reunir 30 teléfonos móbiles estropeados ou en desuso. Coa reciclaxe do coltán que conteñen as súas pantallas contribuímos a diminuír a extracción deste mineral nas mina da República Democrática do Congo e a Fundación Jane Goodall poderá coidar dun chimpancé no seu centro de recuperacíon de primates de Tchimpounga durante un ano. Agora temos que decidir que chimpancé queremos apadriñar.

Pincha nos nomes dos chimpancés que podemos apadrinar para coñecelos.

 Nos vindeiros días un profesor pasará polas aulas para preguntarche que chimpancé che gustaría apadriñar. Aquel chimpancé que reciba maior número de votos será o escollido.

 Feito isto o centro de recuperacíon de primates de Tchimpounga enviaranos información sobre el cada tres meses contándonos os seus progresos e as súas trastadas.

 E non te esquezas de seguir traendo teléfonos móbiles. O punto de recollida segue estando na entrada da cafetería e se logramos reunir outros 30 o vindeiro curso poderemos apadriñar outro chimpancé.

O Ministerio de Educación publica a Resolución do 29 de xullo de 2019, da Secretaría de Estado de Educación e Formación Profesional, pola que se convocan becas de carácter xeral para o curso académico 2019-2020, para estudantes que cursen estudos postobligatorios.

O Ministerio de Educación publica a la Resolución de 23 de xullo de 2019, da Secretaría de Estado de Educación y Formación Profesional, pola que se convocan axudas para alumnos con necesidade específica de apoio educativo para o curso académico 2019-2020.