Skip to Content

Electricidade

Xornadas de Automatización Industrial (VIGO-2022)

Lun, 2022-11-21 09:56 — admin

Os alumnos do 2º curso de Automatización e Robótica participaron os pasados 16 e 17 de novembro nas Xornadas de Automatización Industrial, celebradas en Vigo, onde tiveron ocasión de coñecer os avances nas tecnoloxías e solucións para a automatización industrial.

     

Nas xornadas coñeceron os últimos adiantos de empresas punteiras do sector, e serviron para completar a formación especializada do noso alumnado.

Curso de Beckhoff

Mér, 2022-06-29 22:20 — admin

A última semana do curso, e ata o 23 de xuño, o alumnado de 1º e 2º de Ciclo Superior de Electricidade recibiu o curso de Beckhoff, empresa que implementa sistemas de automatización abertos en base á tecnoloxía de control baseada en PC. O obxectivo foi capacitar a este alumnado para o desenvolvemento de aplicacións xenéricas con TwinCAT 3 PLC. 

Parabéns ás persoas asistentes!

Charla/obradoiro Roboplus

Dom, 2022-04-03 10:53 — admin

O pasado xoves 31 de marzo, a empresa Roboplus, afincada en Porriño, desenvolveu no noso centro unhas xornadas técnicas coa temática "Robótica colaborativa", nas que se fixo a presentación dun dos seus robots da marca Universal Robotics.

O alumnado de 2º curso de CS de Automatización e Robótica Industrial puido ver as características do robot, o seu ámbito particular de programación, ademais de realizar diversas prácticas coa unidade desprazada ao centro: desde movemento simple de pezas coa pinza neumática ata labores de apilado e paletizado por niveis. 

Velaquí algunhas fotos:

Visita á feria Enerxétika Silleda

Lun, 2022-02-07 23:20 — admin

O pasado venres 4 de febreiro, o alumnado de 2º curso de CM de Electricidade asistiu á Feria Internacional de Galicia Enerxétika, organizada en Silleda.

Negocio, innovación, análise e divulgación foron os eixes dun foro imprescindible para a interacción das empresas coa súa contorna ante o momento excepcional e determinante que vive o sector da enerxía.