Skip to Content

Formación Profesional

Visita e formación en Stellantis (Vigo)

Mér, 2023-01-18 10:13 — admin

Os alumnos de 2º curso do Ciclo de Robótica asistiron a semana pasada a unha formación teórica nas instalacións de Stellantis en Vigo.

                              

A formación constaba de dous módulos e as xornadas permitiron profundizar nas competencias transversais de comunicación e liderado. Os alumnos visitaron salas temáticas sobre Industria 4.0.

Probas de acceso aos ciclos formativos de grao medio e grao superior de FP 2023

Lun, 2023-01-16 09:56 — admin

Xúntase a Orde do 5 de decembro de 2022 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2023 (códigos de procedemento ED312C e ED312D).

Prazos de inscrición:

  • Probas de acceso a ciclos formativos de grao medio: O prazo de inscrición estará abranguido entre os días 27 de febreiro e 10 de marzo de 2023, ambos os dous incluídos.
  • Probas de acceso a ciclos formativos de grao superior: O prazo de inscrición estará abranguido entre os días 23 de xaneiro e 3 de febreiro de 2023, ambos os dous incluídos.

Máis información:

Xornadas de Automatización Industrial (VIGO-2022)

Lun, 2022-11-21 09:56 — admin

Os alumnos do 2º curso de Automatización e Robótica participaron os pasados 16 e 17 de novembro nas Xornadas de Automatización Industrial, celebradas en Vigo, onde tiveron ocasión de coñecer os avances nas tecnoloxías e solucións para a automatización industrial.

     

Nas xornadas coñeceron os últimos adiantos de empresas punteiras do sector, e serviron para completar a formación especializada do noso alumnado.

Curso de Beckhoff

Mér, 2022-06-29 22:20 — admin

A última semana do curso, e ata o 23 de xuño, o alumnado de 1º e 2º de Ciclo Superior de Electricidade recibiu o curso de Beckhoff, empresa que implementa sistemas de automatización abertos en base á tecnoloxía de control baseada en PC. O obxectivo foi capacitar a este alumnado para o desenvolvemento de aplicacións xenéricas con TwinCAT 3 PLC. 

Parabéns ás persoas asistentes!

Medalla de bronce para o IES Macías o Namorado

Mér, 2022-06-08 22:31 — admin

O pasado venres 6 de xuño os nosos alumnos de 2º de FPB Samuel Batalla Gago e Marcos Barros Caamaño recibiron a MEDALLA DE BRONCE pola súa participación no FPBásicaSkills Galicia 2022, na especialidade de Electricidade e Electrónica.

Organizado pola Secretaría Xeral de Educación e Formación Profesional, FPBásicaSkills Galicia 2022 ten como obxectivo darlle unha maior proxección e difusión aos ciclos de formación profesional básica e programas formativos que se imparten en Galicia.

 

Moitos parabéns a Samuel e a Marcos!! 

Recordatorio: prazo inscrición probas de acceso a ciclos formativos de grao medio 2022

Mér, 2022-03-09 13:42 — admin

RECORDATORIO IMPORTANTE:

Lembramos que está aberto o período de inscrición para probas de acceso a ciclos formativos de grao medio, do 3 ao 16 de marzo de 2022, ambos incluídos.

Máis información premendo en: convocatoria 2022.

Accións formativas dirixidas prioritariamente a persoas desempregadas (AFD)

Sáb, 2022-03-05 10:19 — admin

No IES Macías o Namorado queremos facer difusión do CURSO AFD de Montaxe e mantemento de sistemas de automatización industrial, que se impartirá no noso centro do 28 de marzo ao 3 de agosto.

Consulta toda a información no seguinte documento ou chamando ao teléfono do IES: 881 86 67 70.

Medalla de prata para o IES Macías o Namorado

Xov, 2021-10-14 12:16 — admin

Estamos de parabéns!

Temos que felicitar ao noso alumno Miguel Pousada Parente, que cursa 2º Ciclo Medio de Instalacións eléctricas e automáticas no centro, por acadar a MEDALLA DE PRATA na súa modalidade no Galiciaskills 2021. Para ver os resultados da competición preme aquí.

Moitos parabéns, Miguel!

              

Galiciaskills 2021: 6º campionato galego de Formación Profesional

Mér, 2021-10-06 22:56 — admin

Este venres 8 de outubro o alumno Miguel Pousada Parente, que cursa 2º curso do Ciclo Medio de Instalacións eléctricas e automáticas, representará ao noso centro no Galiciaskills, un campionato de Formación Profesional que a Consellería de Cultura, Educación e Universidade vén convocando dende hai xa 6 anos.

Con esta iniciativa preténdese dar maior proxección e difusión á Formación Pofesional que se imparte en Galicia.

Moita sorte, Miguel!

Distribuir contido