O pasado venres día 14 de xuño tivo lugar ás 12 da mañá, no salón de actos do noso centro, a gala dan Gran final da XIII Olimpíada Cultural " O saber ten premio no Fernando Blanco".

O equipo gañador do 1º premio, cunha dotación de 600€, cortesía de XEAL, foi para "Espazo en branco". O 2º premio recaeu en " AFE" con valor de 400€ patrocinado por GERCA , e o 3º posto foi para "Os Aldeáns" cun valor de 300€ cortesía de ROGET, tras enfrontarse a un dobre reto; por unha banda, nunha primeira fase, tiveron que dar resposta a un total de vinte preguntas ao igual que xa fixeran nas anteriores eliminatorias, pasando a unha segunda fase os dous equipos con maior puntuación, a cal consistía nun debate que versaba sobre a AI no ámito educativo, onde sería valorada entre outros aspectos a capacidade de argumentación, a coherencia, oratoria...por parte dun xurado formado por tres docentes do centro educativo.

A gala, que foi amenizada musicalmente polos grupos de música do IES Fernando Blanco, así como diversos videos sobre diferentes actividades desenvoltas durante este curso, foi maxistralmente presentada polo periodista Fran Hermida e contou coa presenza da nosa Inspectora de educación, Dona Magdalena Duarte.

Parabéns aos equipos participantes e aos seus docentes,  e moitas grazas aos patrocinadores, (XEAL, GERCA e ROGET) así como aos membros da comisión organizadora e a Fran Hermida pola súa colaboración.

• FAMILIA PROFESIONAL ADMINISTRACIÓN E XESTIÓN
• FAMILIA PROFESIONAL ELECTRICIDADE E ELECTRÓNICA
• FAMILIA PROFESIONAL INSTALACIÓN E MANTEMENTO

O noso alumnado de 4º ESO de matemáticas aplicadas acaba de ser recoñecida cunha mención no XIV Concurso da Incubadora de Sondaxes e Experimentos na Facultade de Matemáticas da USC, por un proxecto desenvolvido nesta materia e capitaneado pola docente Sofía Cendán.

Moitos parabéns.

Este venres día 7 de xuño o noso centro vestiuse de gala para festexar a festa de graduación do noso alumnado de 2º de Bacharelato do curso 23-24

GALERÍA DE IMAXES DE LA VOZ DE GALICIA

O acto estivo presentado por Samira Pose, Uxía Outes e Ángel Suárez. Tamén interviron a directora do noso centro, Sonia López e o xefe de estudos Paulo Calvo xunto aos titores Celtia Sar e Fernando Castro. Pola banda do alumnado tomou a palabra Camilo Pablo Espasandín e Lucas Sanmartín, Lume Fernández e Lucía Domínguez, e Ángel Suárez con Laila López.

Ademáis, o alumnado escolleu á raiña e ao rei da graduación.

Para finalizar serviron uns pinchos no xardin, para remataron cunha cea onde asistiron alumnado e docentes.

O compromiso do IES Fernando Blanco coa limpeza dos areais da contorna non ven de novo. En colaboración coa asociación Mar de Fábula, nesta ocasión, a recollida de plásticos e demáis materiais de refugallo que están a contaminar a nosa contorna, levouse a cabo na praia da Concha, no Concello de Cee.

O noso alumnado de 1º da ESO ademáis de levar a cabo labores de limpeza tivo a ocasión de reflexionar sobre o impacto que se está a producir nesta praia ao comprobar o aumento de de desperdicios acumulados nestas mesmas datas en comparación con edicións pasadas.