Equipo de dinamización da lingua galega

O venres 5 de maio realizouse a entrega dos premios correspondentes ao Concurso Febreiro (marzo, abril,...) mes do amor no Fernando Blanco, ao que o alumnado puido presentar cartas de amor, relatos, imaxes,... en dúas categorías.

Na categoría da ESO de cartas de amor resultou gañador Víctor Hugo Barrientos García de 2º da ESO.

Na categoría de bacharelato e ciclos formativos de imaxe con relato a gañadora foi Ariadna Mar Castro Aresmes de 2º de bacharelato.

Os premiados leron as súas obras e recibiron un agasallo consistente en dúas entradas, para cada un, para os Cines Xunqueira de Cee.

Parabéns Víctor e Ariadna!!

Este mércores 25 de xaneiro, tivo lugar a carreira campo a través da comarca Costa-Fisterra no circuíto do Refoxo (Cee) coas categorías de benxamín, alevín, infantil e cadete. Esta carreira está incluída no programa Xogade.

Na mesma participou parte do alumnado do IES Fernando Blanco dos grupos de 1º, 2º e 3º da ESO.

O mércores 21 de setembro o alumnado de 1º da ESO, acompañados pola súa titora Lorena e a súa profesora e profesor Silvia e Sergio, tiveron unha xornada de convivencia e exercicio físico aproveitando o bo tempo que vai estes días.

Saíron do instituto pola mañá e foron camiñando ata a praia de Restrelo en Sardiñeiro seguindo un tramo do Camiño de Santiago.

Unha vez na praia o alumnado participou en xogos e actividades físicas co obxectivo de promover a socialización e o achegamento entre o novo alumnado.

O pasado 10 de xuño o alumnado de 1º da ESO acompañados polas súas profesoras Silvia Santamaría e Beatriz Lemos e polo seu profesor Sergio Carballo, realizaron unha excursión ás Illas Cíes, arquipélago que forma parte do Parque nacional das illas atlánticas, ese día tiveron unha visita guiada polas Cíes, actividades recreativas e puideron tamén disfrutar da praia.

Aquí van algunhas fotos da xornada.

Píntega, estricar, reviravolta, aturuxo, xurelo, xeito, parafuso, funil, landra, foliada,… máis de duascentas palabras galegas adornarán ao longo da semana do 16 ao 22 de maio os espazos comúns do noso instituto, penduradas ao longo dos corredores e nos ocos das escaleiras.

Esta curiosa exposición comeza xa na entrada do centro con dous paneis que falan da “Forza das Palabras” en conmemoración do día das letras galegas 2022.

Os paneis proveñen do decorado dunha obra de teatro en inglés representada hai tempo no instituto, converténdose nos paneis actuais na reciclaxe realizada polo profesorado do centro, pintando por riba uns vistosos piñeiros e decorado con letras de vinilo nas que se pode ler “Letras Galegas”, “A forza das palabras”.

Pola súa banda, o alumnado e o Equipo de dinamización da lingua galega recortaron e colocaron as palabras que finalmente compoñen a curiosa mostra de palabras da nosa lingua, para que logo o alumnado, seguindo as indicacións das súas profesoras, apunte as palabras que non coñeza e busque o seu significado.

O xurado do XVI Concurso de microrrelato deu a coñecer hoxe as gañadoras e gañadores do mesmo.

Podedes acceder aos nomes dos premiados así como aos microrrelatos gañadores no link do Equipo de dinamización da lingua galega, na parte dereita da web ou facendo clic na seguinte ligazón:

PREMIADAS/OS NO XVI CONCURSO DE MICRORRELATOS

Día internacional para a eliminación da violencia contra a muller

Para traballar esta problemática social co alumnado, os días 15 e 26 de novembro ao longo de tres pases, o alumnado de 4º da ESO, 1º de Bacharelato e dos distintos Ciclos Formativos asistiron á representación da obra de teatro Animais de compañia, do grupo de teatro Farándula Velutina.

Luns 15 de novembro representouse no salón de actos a obra de tetro Animais de compañía, de Fernando Castro Paredes que é profesor de Lingua castelá e literatura no noso centro.

“Sabes en que se parecen unha muller e un can? En que os dous son animais de compañía.”

Marta, a protagonista desta peza, oíu moitas veces esta frase da boca do seu pai. Educada na violencia e na represión, afronta agora na idade adulta un matrimonio cun home que a minimiza ata anulala e mesmo recorre aos malos tratos para impoñer a súa autoridade. A morte da mascota da familia xera unha profunda fenda na relación. Marta atrévese a enfrontarse ao seu marido e sofre as consecuencias, pero acaba dando un paso decisivo cara á súa liberación.

Unha peza sobre a violencia de xénero, o amor aos animais e a liberdade individual.

A obra foi representada polo grupo de teatro Farándula Velutina. 

Houbo dous pases debido ás restricións de aforo do salón de actos polo protocolo COVID.

O venres 31 de outubro celebramos a festa do Samaín no salón de actos co alumnado da ESO.

O grupo de teatro Tuéjele, dirixido pola profesora Marina Gómez e Fernando Castro (ambos pertencentes ao Departamento de Lingua e Literatura Castelá), foi o encargado, un ano máis, de representar as fantásticas historias de terror inventadas e adaptadas por estes dous profesores.

Os doce actores e actrices da ESO e Bacharelato, que este curso compoñen o grupo de teatro, escenificaron cinco historias: As xemelgas, O estraño señor Kellerman, Un paquete para Laura, Adeus papá e A morte en persoa.

Moitas grazas a todos e todas polo voso gran traballo e POR facernos pasar unha FANTÁSTICA xornada de MEDOOOOOO!!

Recordades que hai unhas semanas vos contabamos que o alumnado de 1º e 2º da ESO fixeran uns marcapáxinas?

MARCAPÁXINAS SOLIDARIOS

E agora Save the Children agradece a este alumnado a súa colaboración con esta iniciativa.

O luns 7 de xuño o alumnado de 4º da ESO, acompañados polo seu profesor de Educación Física Fabián e pola PT do instituto Silvia, realizou o roteiro entre Traba e Laxe. Unha belísima excursión bordeando a costa e pasando por espectaculares praias como a de Traba, Arnado, Soesto e a praia de Laxe.

Esta excursión estivo organizada polo departamento de Educación Física e o Equipo de dinamización da lingua galega (EDLG)

O alumnado de 1º da ESO, acompañados de Fabián, o seu profesor de Educación Física e de Silvia e María, as PT do noso centro, fixeron o roteiro de Cee a Sardiñeiro polo Camiño de Santiago, para acabar a xornada na praia de Restrelo. Alí pasaron o resto da mañá xogando e bañándose. 

Vídeos sobre Xela Arias a quen se lle dedica o Día das Letras Galegas 2021 elaborados por alumnado de 4º da ESO do noso instituto.

O xurado do XV Certame de microrrelatos do IES Ferrnando Blanco deu a coñecer os traballos premiados.