Skip to Content

Tecnoloxía

Visita ao MUNCYT, Casa das ciencias e Encontro acampa pola paz

O 9 de xuño o alumnado de 2º e 3º da ESO acompañado por Cristina Ledo e Juan Mayo fixeron unha excursión á Coruña organizada polo departamento de tecnoloxía e tiveron ocasión de visitar o MUNCYT, a Casa das Ciencias e o Encontro acampa pola paz e o dereito ao refuxio nos xardíns de Méndez Núñez.

Velaí algunhas fotos da visita:

Visita ao MUNCYT, Casa das ciencias e Encontro acampa pola paz

Visita ao MUNCYT, Casa das ciencias e Encontro acampa pola paz

Visita ao MUNCYT, Casa das ciencias e Encontro acampa pola paz

Visita ao MUNCYT, Casa das ciencias e Encontro acampa pola paz

Visita ao CIS de Ferrol

CIS de Ferrol 1

42 alumnos e alumnas de 3º e 4º da ESO e de 1º Bacharelato do Fernando Blanco, acompañados de Cristina Ledo, Sofía Cendán e Sergio Carballo visitaron o CIS Tecnoloxía e Deseño en Ferrol o pasado 25 de maio para participar nos talleres D’TEC “Mundos Virtuais e “Descubrindo Materiais”. O alumnado, divididos en dous grupos participaron alternativamente nos dous talleres.

O obradoiro de Mundos Virtuais ten a finalidade de achegar á mocidade tanto a actividade que desenvolve o CIS Tecnoloxía e Deseño como aproximalos á creación de contidos en realidade aumentada e realidade virtual. Durante o taller o alumnado experiementou de primeira man con  Dispositivos de VR como o Google cardboard o OculusRift. Ademáis, o alumnado participou na creación dun exemplo de mundo VR ou Iniciación a Cospaces así como na creación dunha contorna navegable.

CIS de Ferrol 2

No taller “Descubrindo os novos materiais”, a través dun conxunto de actividades, entre as que destacamos a elaboración manual dunha pelota saltarina usando un polisilicato de sodio, os rapaces mergulláronse no mundo dos novos materiais, descubrindo un campo de coñecemento de investigación que ten unha grande importancia pero é un descoñecido para gran parte da poboación.

Unha vez rematada a visita e antes de regresar a Cee, o alumnado visitou a praia de Cabanas onde puideron comer os bocatas que trouxeron da casa.

Profesorado curso 2021/2022

Cristina Ledo Regal (Xefa de Departamento)

Francisco Javier Otero Romero

 

 

Distribuir contido


by Dr. Radut