FAI CLIC SOBRE A IMAXE PARA AGRANDAR

O IES Fernando Blanco forma parte da Rede de Centros de Capacitación Dixital dependentes da Consellería de Educación. É por isto que ofrece durante o mes de outubro cursos de capacitación dixital para persoas maiores de 55 anos ou colectivos vulnerables. 

As persoas destinatarias non poden estar cursando ningunha outra ensinanza regrada, ESA, bacharelato de adultos, EOI. Si serán candidatas e candidatos as persoas que cursen ensinanzas non regradas ou ensinanzas básicas iniciais.

A duración dos cursos é de 30 horas, serán impartidos os martes, mércores e xoves do mes de outubro, tres horas ao día. Haberá quendas de 16:00 a 19:00h e de 18:30 a 21:30 e serán un máximo de 15 persoas. Os cursos comezarán o vindeiro 3 de outubro. Se hai moita demanda desenvolverase outra quenda que comezará o día 10. Xúntase calendario coa folla de inscrición.

Para máis información chamar ao centro ou consultar no correo electrónico ies.fernando.blanco@edu.xunta.gal

Unha vez rematado o curso e cumpridos os obxectivos certificarase que asistiu con aproveitamento ao curso de capacitación dixital cunha duración de 30 horas asociada a unha cualificación de nivel 2 do Catálogo Nacional de cualificacións profesionais (IFC748_2).

PRAZO DE INSCRICIÓN OU MATRÍCULA DENDE O MÉRCORES 20 DE SETEMBRO ATA O 2 DE OUTUBRO PARA A  1ª QUENDA OS DOUS HORARIOS, POSIBLEMENTE SE PERMITA SEGUIR MATRICULÁNDOSE ATA O 9 DE OUTUBRO SE HAI DEMANDA.

FOLLETO INFORMATIVO

FOLLA DE INSCRICIÓN CON HORARIOS E QUENDAS

IMPRESO DE MATRÍCULA

O luns 11 de setembro ás 8:30 o alumnado irá ás aulas indicadas no documento adxunto coas súas titoras ou titores.

GRUPOS-AULAS

Os libros de texto para o curso 2023/24 están publicados na pestana CURSO 2023-2024 no menú despregable.

Tamén se pode acceder facendo clic AQUÍ

Lembramos que no IES Fernando Blanco se poden cursar na modalidade de Educación para as persoas adultas, en horario de tarde/noite, de luns a xoves. A matrícula realízase nos primeiros días de setembro, comezando as clases a partir do luns 11 de setembro. 

As ensinanzas que se imparten son:

 
A) ENSINANZAS BÁSICAS INICIAIS
 
Destinatado a todas as persoas adultas sen titulación previa que desexen unha formación básica inicial en lecto-escritura e cálculo así como prepararse para o acceso á educación secundaria para persoas adultas.
 
B) EDUCACIÓN SECUNDARIA
 
Destinada a todas as persoas adultas que desexen obter o título de graduado en educación secundaria. Estas ensinanzas de secundaria poden realizarse, con carácter xeral, en dous cursos académicos, correspondentes aos catro cursos da Educación Secundaria Obrigatoria (ESO). Aínda así, as persoas adultas poden permanecer cursando estas ensinanzas o tempo que o seu ritmo de aprendizaxe precise.
Ao alumnado, poderánselle validar diferentes cursos ou materias, dependendo dos estudos de EXB ou ESO que certifiquen. Así mesmo, se proceden do estranxeiro e teñen estudos sen homologar ou validar, pódese facer unha proba de nivel para asignalo ao curso axeitado.
 
C) CASTELÁN E GALEGO PARA PERSOAS MIGRANTES
 
Como novidade, xa dende o curso pasado se ofertan tamén ensinanzas para a aprendizaxe de castelán e galego para persoas migrantes. Son Ensinanzas Non Regradas impartidas en horario de tarde destinadas á poboación migrante, maiores de 16 anos. Para estas ensinanzas a matrícula estará aberta durante todo o ano.
 
Non dubidedes en consultar calquera dúbida.

No IES Fernando Blanco hai prazas vacantes no CS Dual de Automatización e robótica industrial, as persoas interesadas e que cumpran os requisitos de acceso a ciclos formativos de grao superior, poden presentar a súa solicitude, xunto cunha copia do seu DNI polas dúas caras, certificado dos estudos que alega para o acceso e o seu curriculum vitae en formato Europass.

Poden presentar a documentación de forma presencial na oficina do IES Fernando Blanco.