2023

O 31 de outubro, para festexar o Samaín vaise programar esta película no salón de actos

Os mortos van á présa é un filme galego dirixido e escrito por Ángel de la Cruz que se estreou o 13 de marzo de 2009. Conta cun equipo case integramente galego, agás a actriz Neus Asensi, unha das protagonistas. Foi rodado en Ribadeo (provincia de Lugo), onde tivo lugar a estrea.

O filme narra as historias de tres parellas pertencentes a distintas xeracións, cunha vila mariñeira e as crenzas da Galicia tradicional como fondo. A historia comeza cando unha camioneira chega á vila e o seu vehículo queda atrancado nunha ponte, o que impide o traslado do cadaleito dun home acabado de finar ese mesmo día.

 O 10 de novembro foi declarado pola Unesco como Día Mundial da Ciencia para a Paz e o Desenvolvemento. Por este motivo dende hai 12 anos en Galiza celébrase   o Mes da Ciencia en Galego,   centrado este ano  na saúde e  nas figuras de Alexander Fleming e  Domingo García Sabell.

No IES David Buján estamos preparando unha chea de actividades  para celebrar  esta data  como se merece e mostrar a vitalidade da nosa lingua tamén neste campo.  

1. CONCURSOS

Tamén nos podemos divertir en galego e coa ciencia. Participa e xoga. Podes gañar gorentosos premios e puntos do EDLG.  Os concursos estarán abertos ata fins de novembro. Non esquezas pór o teu nome completo, curso e grupo. Os que máis puntos consigan terán premios.  

• Mulleres científicas. A ver canto sabes?

• Desafíos matemáticos. Estás preparado? 

2. CONFERENCIAS

• Dr. Diego Martínez Santos, físico e investigador do Instituto Galego de Física de Altas Enerxías en Santiago de Compostela. Premio 2013 da Sociedade Europea de Física ao Mellor Físico Novo de Europa. "A Física de partículas no século XXI". Día 3 de novembro, ás 12:00

• Dr. Francisco Javier De Toro Santos, Xefe de Servizo de Reumatoloxía do CHUAC e vicepresidente do colexio de Médicos da provincia da Coruña. Día 17 de novembro ás 12:00.

• Dª Mónica Cartelle Gestal, profesora de Microbioloxía e Inmunoloxía na Universidade de Louisiana, nos Estados Unidos. Día 24 de novembro ás 12:30.

3. DRAMATIZANDO A CIENCIA

Toda a información aquí

Outras actividades dinamizadoras activas no centro.

• Concurso musical mensual. Toda a información aquí e aquí
• Coreografíate.Toda a información aquí 

O IES DAVID BUJÁN súmase a esta festa que, cada 26 de setembro, nos lembra a importancia e mais a necesidade de preservar e fomentar a rica diversidade cultural e lingüística, así como de incrementar o grao de entendemento intercultural e lingüístico a través do impulso da aprendizaxe de linguas.

Para celebrar esta data a  semana que vén prográmanse  dous concursos  no centro:

1. CONCURSO : CANTAS LINGUAS COÑECES?

Antes de iniciar o concurso debes indicar nome, apelidos, curso e grupo. Para poder identificarte no caso de premio. Podes facer todas as partidas que queiras. O que ten máis importancia son os acertos e despois o tempo, como xa sabes.

Xa podes comezar, tes que  pór a teu nome,... e premer en começar. Xa verás cantas linguas coñeces! Sorte!! 

Concurso "Cantas Linguas coñeces?"

2. ADOPTA UNHA PALABRA. Escolle unha palabra que esperte en ti un sentimento e investiga como se di nas diversas linguas europeas. Despois fai unha nube de palabras. Toda a información aquí

PARTICIPA!!

GORENTOSOS PREMIOS!!

O 20 de xuño estará connosco a galetiktoker Leticia Mirás, Leti da Taberna.

Leticia comezou a publicar vídeos en cave de humor durante o confinamento e xa ten 31.000 seguidores .

https://www.tiktok.com/@letidataberna

Despois de feitos os sorteos pendentes (Musigal e o concurso musical de maio) estes son os últimos gañadores.

Parabéns!!

Poden  recoller o premio do departamento do EDLG