Lingua Galega e Literatura

Departamento de Lingua Galega e Literatura

Contos do mundo

Xov, 09/02/2017 - 22:21 — IES A Sangriña

Start: 02/02/2017 09:10

End: 14/03/2017 10:15

Timezone: Etc/GMT+1

continentes do mundo

Deu comezo o ciclo de contacontos "Contos do mundo" que estamos a levar a cabo entre o CEIP A Sangriña e o noso instituto, organizado por ambas as dúas Bibliotecas. Neste caso os contacontos son moi especiais: trátase do noso alumnado, que fará rir e soñar a rapazas e rapaces do colexio veciño.

No colexio traballan por proxectos, e a temática deste ano son os países do mundo: cada nivel céntrase nun país (Senegal, Cuba, Australia etc.), e os contos que nós lles levamos para lles contar na súa biblioteca gardan relación cos ditos países.

Alén do carácter lúdico e didáctico, está resultando unha experiencia moi positiva para todas e todos, moi motivadora, enriquecedora, e que ademais camiña cara a estreitar lazos na nosa comunidade educativa.

Calendario

Instrucións para tomar café

Xov, 17/03/2016 - 14:46 — IES A Sangriña

Start: 17/03/2016 12:20

End: 17/03/2016 14:00

Timezone: Etc/GMT+1

O escritor e sociolingüista Manuel Núñez Singala presentou está mañá no noso centro o seu libro Instrucións para tomar café. Aproveitou a charla, dirixida ao alumnado de bacharelato, para reflexionar sobre o proceso de creación literaria, sobre o acto de lectura, e tamén sobre a lingua de noso e a relación que os falantes temos con ela.

Calendario

As tecnoloxías ao servizo das linguas

Xov, 17/03/2016 - 13:01 — IES A Sangriña

Start: 17/03/2016 10:15

End: 17/03/2016 12:00

Timezone: Etc/GMT+1

"As tecnoloxías ao servizo das linguas" foi o título da charla que o profesor da USC, Ernesto González Seoane, impartiu esta mañá ao alumnado de ESO.

Nela falounos da revolución que supuxo a aparición das novas tecnoloxías e mais Internet para o estudo da lingua, e o cambio significativo no método de traballo que tales aparicións conlevaron para a lingüística, en xeral, e a lexicografía, en particular.

Presentou tamén os principais recursos informatizados da lingua galega, dispoñibles de balde en Internet, algúns de grande utilidade para o alumnado, como poden ser o Tesouro informatizado da lingua galega, o utilísimo Dicionario de dicionarios, o Tesouro do léxico patrimonial galego e portugués, a Cartografía dos apelidos de Galicia ou o Ránking dos 19 nomes máis populares en Galicia (2000-2014).

Calendario

"Ecolinguística. As línguas como património da humanidade esquecido"

Ven, 08/01/2016 - 23:33 — IES A Sangriña

Start: 08/01/2016 12:00

Timezone: Etc/GMT+1

A escritora e profesora Teresa Moure impartiu hoxe no noso centro unha charla sobre Ecolingüística, na que nos presentou esta nova perspectiva ecoloxista aplicada á relación entre lingua e visión do mundo, o concepto de lingua, a unidade e a diversidade lingüística e a morte das linguas.

As linguas son parte do noso patrimonio, e forman parte do medio ao que pertencemos. Parece un principio ético, por riba de calquera ideoloxía, coidalas e respectalas. En palabras de Teresa Moure, "a lingua é a masa do pensamento", isto é, cada lingua reflicte unha forma de ver o mundo. Se unha lingua morre, todos perdemos.

Explicounos que o brutal impacto do imperialismo e a colonización no ritmo de desaparición da biodiversidade ten o seu correlato no ámbito cultural e lingüístico. Reflexionou sobre a morte (ou "asasinato") das linguas, en xeral, e sobre o caso do galego, en particular, e a este respecto opinou que cómpre buscar unha nova estratexia de defensa do galego, mirando máis cara ao sur.