Actividades e novas

Este venres 26 de marzo terá lugar o último encontro do Club de Lectura organizado polo EDLG deste centro. 

No Día Mundial da Poesía o EDLG lanzamos unha nova actividade dinamizadora dentro da nosa programación anual 2020/21. Neste Genial.ly poderedes facer un breve cuestionario con tres preguntas a partires de (extractos de) poemas en lingua galega, e ao final da presentación atoparedes as instrucións para explorar a vosa creatividade e convertervos en poet(is)as!

A actividade de escritura creativa diríxese a todos os membros da comunidade educativa da EOI de Vilagarcía (profesorado, alumnado e PAS). Podedes enviar as vosas creacións até o 11 de abril ao enderezo electrónico edl@eoivga.org. Ao remate, faremos unha compilación dos vosos poemas neste apartado da web e nas redes sociais do EDLG. Non se publicarán datos persoais dos participantes.

Plumas preparadas? Papel listo? Xa!

A Banda da Loba homenaxea a Xela Arias nun videoclip.

O Día Internacional da Lingua Materna foi recoñecido pola UNESCO en 1999 en conmemoración aos incidentes acontencidos na celebración do Día do Movemento da Lingua Bengalí en 1952. O galego e o bengalí comparten a palabra 'xanela' co mesmo significado. Así, que aproveitando as verbas de Moncho Iglesias Míguez no artigo Ekuxei, día da lingua materna, o EDLG do noso centro proponvos unha actividade co lema:

"As linguas son xanelas abertas ao respecto pola diversidade cultural e lingüística."

O venres 19 de febreiro celebrarase o segundo encontro do club de lectura 'O xardineiro dos ingleses' de Marcos Calveiro. Nesta xuntanza abordaremos os catro primeiros capítulos do libro e para iso partiremos das cuestións que se amosan nesta imaxe. 

¿Gústache ler? ¿Queres participar no noso club pero non sabes se che gustará o libro?

Aquí vos deixamos un vídeo e unha ligazón a outro que vos serán de gran axuda para unirvos a nós!

'O xardineiro dos ingleses', de Marcos Calveiro: amor, espías e aventurashttps://www.crtvg.es/informativos/o-xardineiro-dos-ingleses-de-marcos-calveiro-amor-espias-e-aventuras-3709159

Booktrailer de O xardineiro dos ingleses

Anímaste a participar neste club de lectura organizado polo EDLG? Nesta ligazón pódense ver dous vídeos de presentación do libro: un booktrailer e unha noticia na CRTVG.

As xuntanzas serán en galego e faranse por videoconferencia. A seguinte sesión será o venres 19 de febreiro ás 16.30h. Se aínda estás interesado/a en unirte, inscríbete aquí https://forms.gle/Bx9sDwpccqo6LoWQ8 

Preme nesta ligazón para consultar as bases: https://pbs.twimg.com/media/EsChThcXIAIbbJ5?format=jpg&name=4096x4096