PAPÁS, MAMÁS, AVÓS, AVOAS, FILLOS E FILLAS, NETOS E NETAS...

 AMOR PARA A TODA A VIDA

OLA,SON RODRIGO.

ESTIVEN NO PAZO DO TAMBRE COS MEUS PAIS E A VERDADE É QUE O PASEI MOI BEN. SE AINDA NON O VÍSTEDES, ANÍMOVOS A QUE O FAGADES PORQUE PAGA A PENA VIR.

ESTÁ EN PONTE NAFONSO, Ó FONDO DA RÍA DE NOIA, ONDE DESEMBOCA O RÍO TAMBRE.

 TEN UNS XARDÍNS MOI GRANDES E O ESPAZO PARA CORRER ESTÁ GARANTIDO.

A MEDIDA QUE ÍA ENTRANDO, ESCOITÁBASE O CROAR DAS RÁS, HABÍA MOITAS:

UNHAS ENRIBA DE FOLLAS, OUTRAS NADANDO, UNHAS PEQUENIÑAS…

SÓ ESCOITARA UNHA VEZ O CROAR DUNHA RÁ E AQUÍ O ÚNICO QUE SE OÍA ERA "CROÁ,CROÁ” TODO O TEMPO !!!

HAI CABALOS E ATA ME QUERÍAN SUBIR A UN PERO EU DIXENLLE QUE PREFERÍA SUBIR ÓS DE MENTIRA QUE TAMÉN HABÍA.

ANIMÁDEVOS A IR,  QUE VOS IDES DIVERTIR!!!

Raúl e a súa familia convídannos a visitar a fervenza do río Toxa, en Silleda.
E, para que nos animemos, envíannos unha fermosa presentación...

OLA, SON MATEO
UNHA TARDE CHUVIOSA DIN UN BO PASEO COA MIÑA NAI E A MIÑA AVOA PARA DESCUBRIR PAISAXES DA AUGA QUE HAI PRETO DA MIÑA CASA, EN TARAGOÑA, E QUÉROVOS AMOSAR ALGUNHA DAS IMAXES

ESTE É O MUÍÑO DO REJO, ONDE ANTIGAMENTE SE MOÍA MILLO.
 AQUÍ PODEDES VER POR ONDE ENTRA A XENTE E POR ONDE ENTRA A AUGA!!

ESTES SON O LAVADOIRO DA FONTE DA CRUZ E O LAVADOIRO DE OUROLO. GÚSTAME ENSINARVOS ESTE ÚLTIMO PORQUE MIÑA AVOA AXUDOU A ARRANXALO NO ANO 2007 CANDO TRABALLOU NUN OBRADOIRO DE RESTAURACIÓN EN RIANXO.

AQUÍ TENDES A FONTE DA XOANIÑA NO CUBELIÑO E A FONTE DE OUROLO, ONDE VEÑO COLLER AUGA CO MEU AVÓ PARA BEBER NA CASA.
HOXE BOTA MOITA AUGA, PERO HAI DÍAS DE VERÁN NA QUE BOTA BEN POUCA !!

Á ESQUERDA PODEDES VER O NACEMENTO DA FONTE DA RATEIRA NO BOJOLLÓN. Á DEREITA, A IMAXE DUN REGATO FORMADO POLA CHUVIA QUE CAERA DURANTE ESES DÍAS.

O RÍO DA FONTE DA CRUZ DESMBOCA NO MAR NA PRAIA DO PORTO DE VIGO, ONDE AÍNDA SE PODE ATOPAR A BARCA DALGÚN MARIÑEIRO.

E ESTE É O POZO DE CHE, NO BOJOLLÓN.
É MOI FONDO E TEN MOITA, MOITA AUGA !!!

GUSTOUVOS O MEU PASEO ?

Á FAMILIA DE HUGO GÚSTALLE A IDEA DE ALIMENTARSE DE FORMA SAUDABLE...

E A NÓS GÚSTANNOS AS IDEAS DA FAMILIA DE HUGO !!!

DESPOIS DE TER LEVADO DE PRÉSTAMO DA BIBLIOTECA UN LIBRO DE COCIÑA PARA FACER RECEITAS EN FRÍO, QUIXERON AGASALLARNOS CUNHA ARTÍSTICA E DELICIOSA BROCHETA DE FROITAS ELABORADA CON PERA, UVA, KIWI, MELÓN, MANDARINA, MANGO, FRESA ,PIÑA, PLÁTANO...

PÓDESE PENSAR NUNHA MERENDA ESCOLAR MÁIS SAUDABLE?

CANDO ENCENDEMOS A LUZ, POÑEMOS A FUNCIONAR O MICROONDAS OU O DESHUMIDIFICADOR, ESTAMOS EMPREGANDO ENERXÍA ELÉCTRICA.

SABES QUE MOITA DESTA ENERXÍA PROVÉN DA AUGA...?

" A ENERXÍA HIDRAÚLICA É A ENERXÍA DA AUGA. PRODÚCESE COA FORZA DA AUGA CANDO FAI MOVER UN RODICIO QUE SE CHAMA TURBINA. DESPOIS A ELECTRICIDADE LÉVASE POR CABLES E CHEGA ATA AS CASAS "

(explicación aportada polos nenos da aula de 4 e 5 anos da escola)

POR QUE UNHA BÓLA GRANDE FLOTA NA AUGA E UNHA MÁIS PEQUENA AFÚNDESE?

OS OBXECTOS FLOTAN OU AFÚNDENSE DEPENDENDO DA SÚA DENSIDADE E A DA AUGA...

CANDO DISOLVEMOS SAL, NON SÓ CONSEGUIMOS CAMBIARLLE O SABOR A AUGA, TAMÉN LLE ESTAMOS CAMBIANDO A DENSIDADE.

O SAL QUE LLE BOTAMOS A AUGA FAI QUE ESTA SEXA MÁIS DENSA ( MÁIS GORDA, MÁIS ESPESA, MÁIS FORTE, CON MÁIS MÚSCULO...DIN ALGUNS NENOS) POR ESO OS OBXECTOS PODEN FLOTAR MELLOR NA AUGA SALGADA QUE NA DOCE.

ATA A AUGA DOCE PODE FLOTAR NA SALGADA :

CONXELAMOS UN POUCO DE AUGA DO GRIFO ( DOCE) TINGUIDA CUN  COLORANTE E  POÑEMOS DESPOIS UNS CUBIÑOS NUN RECIPIENTE CON AUGA TAMÉN DOCE. Ó SE DERRETER A AUGA DO XEO MESTURARASE CO RESTO DE AUGA DOCE.

SEN EMBARGO, Ó LICUARSE O XEO EN AUGA CON SAL OBSERVAREMOS COMO A AUGA DOCE FLOTA ENRIBA DA SALGADA PORQUE É MENOS DENSA. E NON SE MESTURARÁ SE NON A REMEXEMOS !!!

A AUGA SALGADA TEN SABOR SALGADO PORQUE TEN MINERAIS DE SAL DISOLTOS.

A AUGA DOCE, TEN SABOR DOCE PORQUE DISOLVERON NELA AZUCRE...?

SE LLE BOTAMOS AZUCRE, CONSEGUIMOS QUE A AUGA TEÑA SABOR DOCE, PERO CHÁMASELLE AUGA DOCE A TODA AQUELA AUGA QUE NON É SALGADA.

A AUGA DOS RÍOS, FERVENZAS, POZOS E POZAS, MANANCIAIS, A AUGA DO GRIFO E A AUGA DA CHOIVA...TODA É AUGA DOCE.

PERO, TODA ESTA AUGA DOCE É MOI POUQUECHIÑA SE A COMPARAMOS COA GRAN CANTIDADE DE AUGA SALGADA QUE HAI NO NOSO PLANETA !!!

E..., TODA A AUGA SERVE PARA BEBER?

POIS NON...

SE OBSERVAMOS UNHA REPRESENTACIÓN DO PLANETA TERRA OU O VEMOS FOTOGRAFADO DENDE O ESPAZO, VEREMOS QUE A MAIOR PARTE DEL ESTÁ CUBERTO DE AUGA.

POR QUE NON CHAMALO ENTÓN...

PLANETA AUGA ?