PROXECTOS

 A dúbida xurdiu ....De onde veñen as plantas?, E os bulbos? Reprodúcense todas por igual?? Tiñamos de investigar! Buscamos sementes! Todas as froitas e verduras as teñen???

              Xogamos a identificar , probamos e uliscamos!!                                                                                                                                                                                                                                                                          

TRASNADAS DELICIOSAS

Na xornada de hoxe, traballamos sobre o visto a comezos desta semana. Lembramos o nome das capas da Terra. Desta vez, Német, o trasno da nosa escola, deixounos unha maleta con algo no seu interior. A través de preguntas tiñamos que descubrir que se agochaba dentro.

- Está frío?

- Que forma ten?

- Pesa moito?

- De que cor é?

-...

Levamos unha grande sorpresa cando descubrimos o que se agochaba no seu interior.

E a pregunta que nos xurdía agora era: para que sería toda esa comida?

Segundo nos contou Német, a idea era representar a pequena escala como se moven as placas sobre o manto. Uns conceptos moi abstractos pero que os podíamos facer tanxibles a través daquela experiencia. O manto está composto por unha parte fluída e viscosa coma as natillas que tanto nos gustan e a corteza terrestre estaba representada polos sobaos que se desprazan e se moven sobre ela. Quedounos algo así:

Vimos como en ocasións as placas se separan e orixinan máis corteza aparecendo as montañas, volcáns, illas,..., como as placas se sumerxen unha debaixo da outra e se destrúe corteza ou como as placas chocan dando lugar as montañas, volcáns...

De toda a experiencia, o que máis nos gustou é que o podíamos degustar sen risco de queimarnos: porque sabemos que o manto é magma ardente... Así que preparamos, para todo aquel que quixo, un pouco de "manto" e un anaco de "corteza" que nos soubo delicioso.

O CORPO

Ao longo deste mes estivemos traballando o corpo, as súas partes principais, articulacións, órganos,... Para iso servímonos de diversos recursos como cancións e bailes, arte (pintura, escultura,...)

No día de hoxe utilizamos para traballar o corpo a escultura do David de Michelangelo. Vimos a imaxe e respostamos a diversas preguntas:

- por que está espido?

- será pequena a estatua ou grande?

- que mira?

As respostas foron diversas e variadas.

Está espido porque:

- Non lle puxeron roupa.

- porque era o seu fogar.

É grande ou pequeno:

- É grande porque está enriba dun tronco.

- É grande como un elefante.

Que está mirando:

- caca.

- a outra escultura parecida á que hai en Carballo.

- o teito porque hai moscas.

- unha parede.

- un espello.

- unha bicicleta.

-...

Para saber canto medía achegamos o dato da súa altura (sen o basamento)

4'10m. Entón medimos canto era esa distancia e se collería de pé no interior da escola. Logo comparamos as nosas alturas coas da estatua.

Este foi o resultado.

Algunha das cancións que cantamos relacionadas co corpo son:

- partes da cara: Este olliño pimpilín.

https://orellapendella.gal/?s=este+olli%C3%B1o+pimpilin&post_type=post

- partes do corpo: Arriba está a cabeza...

https://www.youtube.com/watch?v=mVR73kODnWE

CONTINUARÁ...