Skip to Content

blogue de : teresa

Imaxe de teresa

POMPÓNS DE PAZ

A semana pasada conmemoramos a semana da paz e a non violencia. Desde a proposta do Equipo de Dinamización da Lingua Galega (EDLG) na que en anacos de tela escribimos mensaxes de paz; decidimos encher o patio de pompóns con mensaxes de non violencia.

O noso agradecemento aos traballadores de xardinería que ese día pasaron a traballar no patio da nosa escola e tan amablemente colgaron as mensaxe no alto da nosa árbore.

 

 

 

 

 

 

 

Imaxe de teresa

ANIVERSARIOS PRIMEIRO TRIMESTRE CURSO 2019 - 2020

O mércores 18 de decembro celebramos os aniversarios das nenas e nenos que cumpriron anos ao longo deste trimestre. Ademais convidáronnos a unha merenda de pan de ovo e zumes.

Moitas felicidades!!!

 

 

 

 

 

 

 

 

 

Tamén tivemos un agasallo moi fermoso de parte da familia de Leo e Noa.

Moitas gracias!!

 

Imaxe de teresa

TALLER PARA O FESTIVAL DE NADAL

O martes pola tarde tivemos un taller para confeccionar o atrezzo do festival de Nadal que celebraremos no Pazo da Cultura o vindeiro venres 20 de decembro.

Moitas gracias pola colaboración de todas as familias nesta actividade.

Imaxe de teresa

A VOLTAS CO PROXECTO

Ao longo destas semanas estivemos avanzando no traballo sobre o proxecto da neve. Ademais de recoller e escribir a información dos libros que falan do tema, estivemos experimentando coa neve e as súas versións.

Aproveitamos nos días anteriores a observar detidamente o noso contorno: houbo días que sarabiou cando o tempo foi moi chuvioso ou días que xeou cando o tempo foi máis seco e as temperaturas baixas. Non é neve, pero si o máis parecido que podemos atopar na nosa localidade.

Noutra xornada pintamos con xeo de cores que adubaron con colorante alimentario; no que crearon as súas cores a través de mesturas.

Esta semana experimentamos cos tres estados da auga. Levamos xeo á aula, tocámolo e falamos das sensacións que nos producía. Falamos do proceso de transformación pensando en que elementos do contorno se deben modificar para que a transformación sexa posible. Cadaquén deu o seu parecer e todas as respostas tiveron cabida.

Aquí tedes as imaxes da sesión.

 

 

 

 

 

Para rematar, todas e todos xogaron co xeo e a auga.

Imaxe de teresa

MERENDA TERRORÍFICA

 

MERENDA DE SAMAÍN

Este martes, en Sísamo, tivemos taller de cociña na que preparamos unha merenda propia do Samaín. Houbo pantasmas, tumbas, cadaleitos, lápidas e para beber sangue...

Todo isto foi posible á colaboración de Verónica, nai de Leo e Noa. O noso agradecemento polo seu traballo, implicación na actividade e  por proporcionarnos esta merenda tan deliciosa.

 

 

 

 

 

 

 

 

 

Distribuir contido


by Dr. Radut