Skip to Content

Educación Infantil, Educación Primaria, Equipos de centro, Act. Complementarias, ENDL, TICs, Proxecto Lector

Imaxe de AnaFernandez

RETRINCOS DE HISTORIAS!

 

Con motivo do 25N a comunidade educativa do CRA PONTE DA PEDRA fixemos unha exposición no Mercado Municipal de Carballo co que pretendemos poñer de manifesto o rexeitamento contra a violencia cara á muller.

Neste proxecto conxunto traballamos unidas a familia e a escola durante o mes de novembro a través de pequenos relatos e vivencias de mulleres importantes que constrúen a historia das nosas vidas.

Para iso, cada neno e nena, nalgúns casos acompañados delas, achegaron á escola unha prenda de roupa representativa desa muller, resaltando o papel dela no seu crecemento emocional.

Logo da achega, e a través dunha quedada conxunta, as familias e os nenos e nenas cortaron e uniron retrincos desas prendas que son a base da instalación interactiva da que pretendemos que todos e todas participedes deixando un retrinco da vosa historia.

   



Imaxe de AnaFernandez

SAÍDA Á BIBLIOTECA

O martes todo o colexio visitamos a Biblioteca Rego da Balsa de Carballo. 

Acercámonos ata Carballo en autobus, visitamos a biblioteca e gozamos dun contacontos cun rato moi divertido.

Todas e todos o pasamos moi ben!!


Imaxe de AnaFernandez

MONSTROS CON MAZORCAS

 

A semana do Samaín os nenos e nenas trouxeron ás aulas monstros feitos con mazorcas de millo para facer unha exposición e decorar as escolas.

O resultado foi maravilloso, auténticas obras de arte feitas con moita imaxinación.

Moitas grazas familias!!

 



Imaxe de AnaFernandez

OS NOSOS MONSTROS

 

A semana pasada apareceu nas aulas do CRA unha misteriosa caixa con diferentes pezas  (caixas, pinas, corcho, noces, mazorcas,...) acompañada dunha nota. Tratábase dunha misión para as nenas e nenos con motivo do Samaín.

O monstro rosa mandounos un video pedíndonos axuda urxentemente, os seus amiguiños tiveron un accidente e quedaron reducidos a pezas, que eran as que estaban na caixa. A nosa misión foi contruir aos seus amigos, os monstros antes de que fora tarde. Os nenos e nenas non perderon nin un minuto e construiron os monstros cun resultado espectacular como podedes ver no video.

Son uns auténticos artistas!! 

 

 

 

Imaxe de AnaFernandez

TEATRO LIDO Xosé Manuel Eirís

No mes de outubro, as nenas e nenos da escola de Cances e de Sísamo participaron no XIX Concurso Escolar de Teatro Lido Xosé Manuel Eirís, dentro das actividades do FIOT que organiza o concello de Carballo e a asociación cultural Telón e Aparte en colaboración co Grupo Voz.

A "Banda do Pichorro" de Cances dramatizaron o conto "A historia da tartaruga e o ourizo".

"A Raiña" de Sísamo interpretaron a historia titulada "O convite".

Distribuir contido


by Dr. Radut