Cada semana adicamos, como mínimo unha sesión, a reflexionar sobre temas que implican aspectos trascendentais nas vivencias dos seres humanos e que na nosa escola nos gusta traballar desde as primeiras idades como forma de axudar a evolucionar o pensamento.

Dentro destas temáticas atópanse as emocións, que escollo en base a preocupacións, experiencias e vivencias que van xurdindo nos diferentes momentos da convivencia. 

Preparamos o ambiente e lemos o conto para, posteriormente, iniciar unha sesión de filosofía en base a unhas preguntas iniciais. Traballamos con libros como: Teño medo para o medo, El árbol de los recuerdos para a morte, La vocecita para a xustiza, A cousa que máis doe do mundo para as mentiras…

Neste 2º Trimestre, como parte das propostas de Biblioteca, estivemos a traballar a poesía. Alén de ler moitos poemarios, reflexionamos que a poesía pode ser moi variada.

Despois comezamos a traballar os tipos de palabras, creando o noso propio banco de palabras. 

Elexindo palabras ao azar compuxemos as nosas frases poéticas e asociamos a estas unha emoción. E así nace o  poemario que aquí vos presentamos tamén en formato e-book. 

Agardamos que o pasedes tan ben lendo coma nós facendo.

Nun recanto da aula inferior, creamos unha instalación de arte adicada a Matisse. Fomentamos así un espazo de aprendizaxe da súa vida e obra cos aspectos máis significativos das mesmas.

Grazas a ela coñecemos o seu nome, algúns dos seus cadros, recortamos como Matisse e creamos con pinceis como o autor.

Ao longo destas semanas visitounos Jessica para falarnos de cousas moi interesantes sobre os alimentos e a alimentación. 

Con ela repasamos e aprendimos nomes de froitas, verduras, cereais, e tamén falamos sobre cantidades e de alimentos bons e menos
bons. Todas unhas aprendizaxes moi necesarias para a nosa saúde.

E que mellor forma de rematar que con un batido frutas que estaba para chupar os dedos.

Para o taller de cabazas coas familias decidimos cociñar unha galletas de medo. Pasamos momentos divertidos coas formas e a decoración, sempre tendo en conta de rebaixar os niveis de zucre para estar un pouquiño máis sans.

Este video de promoción da parroquia de Sedes enmárcase no Proxecto de Centro, Pasiño a Pasiño  imos polo no camiño. Dado que a  primeira camiñata será en Sedes facemos un video promocional da parroquia cos espazos máis detacados para o alumnado de SEDES.

Agardamos gostedes moito.

Dentro do noso proxecto decidimos elaborar un video que dise a coñecer a nosa parroquia ao resto do CRA, para isto empregamos as
tecnoloxías e seguimos os pasos que a continuación se detallan:

• eleximos os lugares
• sacamos fotos. A verdade é que só algunhas porque viñeron moitos días de moi mal tempo, pero imos tanto que xa tiñamos un montón.
• Eleximos en gran grupo o que queríamos dicir de cada lugar. Era importante que todas e todos falaran e participaran nesta parte porque tiña que ser un video que transmitise o sentir do grupo.
• Por último no programa dixital Canva eleximos fondos, letras, escribimos, gravamos o audio...

Foi un traballo bonito e completo, cun resultado moi emotivo que podedes ver na entrada seguinte.

Comezamos o curso cunha actividade que reflexa o propósito da nosa Escola, a vontade de dar unha atención integral ás necesidades educativas dos nenos e nenas coa participación activa das familias. 

A colaboración nesta actividade para que a plantiña creza forte, segura e fermosa, materializa o vínculo familia-escola como elemento necesario para que os nenos e nenas vivan esta etapa con plenitude.

Para realizar esta actividade inspirámonos no Libro SEMILLAS, de Desireé Acevedo, que reflexa a importancia desta etapa no desenvolvemento integral dos nenos e nenas

BO INICIO DE CURSO !!!

Desta vez mergullámonos como caranguexiños con Rosi, mamá de Sabela, e Cris, mamá de Zeltia. Xa con esta calor apetece facer como Cangrejita e ir probar o mar.

Traballamos a reo e mentras esperamos a que seque...,  bailamos, que en Sedes sempre estamos preparadas para un baile a ritmo de Xabier Díaz ou Tanxugueiras. Aínda que neste día non faltaron os Cantajuegos.

Moitas Grazas Cris e Rosi, pasámolo moi ben!!.

O 15 de Maio conmemórase o Día da familia. Familias grandes, pequenas, de nais, de pais, avós, avoas.... ao fin todas aquelas persoas que nos acollen e nos dan a calor que precisamos para soster  as nosas emcións, de grande e de peques.
Desde o Equipo de Infantil deseñamos os ingredientes que precisamos para sentirnos ben coas nosas familias. 

Na Escoliña de Sedes misturamos todos eses ingredientes, pero ademais de querernos máis como grupo e ser  como unha grande familia, tamén nos saíron... Madalenas!! que sorte tivemos ;-)