Escolares, Complementarias, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Ed. infantil, Idioma estranxeiro
Mellorando a convivencia
A roda dos conflitos foi un recurso que nos axudou moito a mellorar a convivencia da nosa aula.
Primeiro eflexionamos entre todos e todas cales eran as principais causas dos conflitos, fixemos dramatizacións de diferentes situacións , así como tamén falamos de como se podían evitar ou buscar unha solución da forma máis pacífica posible. De forma conxunta decidimos que apartados tería a nosa roda e este foi o resultado.
Os primeiros días a figura do adulto tiña que estar presente como guía para buscar solucións, pero en moi pouco tempo xa resolvían os conflitos de forma autónoma chegando eles mesmos a acordos e recurrindo a ela tantas veces como consideren que é necesario.
Poesía con sentimento
Neste 2º Trimestre, como parte das propostas de Biblioteca, estivemos a traballar a poesía. Alén de ler moitos poemarios, reflexionamos que a poesía pode ser moi variada.
Despois comezamos a traballar os tipos de palabras, creando o noso propio banco de palabras.
Elexindo palabras ao azar compuxemos as nosas frases poéticas e asociamos a estas unha emoción. E así nace o poemario que aquí vos presentamos tamén en formato e-book.
Agardamos que o pasedes tan ben lendo coma nós facendo.
IOGA NA ESCOLA DE DOMIRÓN
Os nenos e nenas de 5 anos compartiron con nos unha sesión de ioga na que nos ensinaron moitas posturas e como conseguían concentrarse e calmarse. Nos copiamos deles e tamén o fixemos bastante ben, como nos gusta o ioga!!!!.Deixámosvos unhas fotos dalgunha das sesións que compartimos
TRABALLANDO AS EMOCIÓNS: COMO ME SINTO HOXE?
Na clase xunto ao espazo da calma temos unha zona na que hai unha especie de estación onde podemos reflexar como me sinto hoxe?. Non é para facer todos os días, é para que se un día reflexionamos sobre deste tema ou ocorre algo que poida ser motivo de reflexión do noso estado de ánimo poidamos ir á estación do ánimo e reflexar alí como nos sentimos.
A continuación van unhas fotos dos nenos/as da clase colocando a súa foto no estado de ánimo dacordo ao que eles consideran que están sentindo nese momento.
ENGLISH WORKSHOPS
No segundo trimestre, coa colaboración do Concello de Narón, tivemos a sorte de contar con obradoiros en inglés nas tres escolas do CRA de Naron (Domirón, Sedes e o Val), foi moi divertido!
VEN A SEDES!
Este video de promoción da parroquia de Sedes enmárcase no Proxecto de Centro, Pasiño a Pasiño imos polo no camiño. Dado que a primeira camiñata será en Sedes facemos un video promocional da parroquia cos espazos máis detacados para o alumnado de SEDES.
Agardamos gostedes moito.
Elaboración: Video Ven a Sedes
Dentro do noso proxecto decidimos elaborar un video que dise a coñecer a nosa parroquia ao resto do CRA, para isto empregamos as
tecnoloxías e seguimos os pasos que a continuación se detallan:
- eleximos os lugares
- sacamos fotos. A verdade é que só algunhas porque viñeron moitos días de moi mal tempo, pero imos tanto que xa tiñamos un montón.
- Eleximos en gran grupo o que queríamos dicir de cada lugar. Era importante que todas e todos falaran e participaran nesta parte porque tiña que ser un video que transmitise o sentir do grupo.
- Por último no programa dixital Canva eleximos fondos, letras, escribimos, gravamos o audio...
Foi un traballo bonito e completo, cun resultado moi emotivo que podedes ver na entrada seguinte.
XERMOLOS DE FELICIDADE
Comezamos o curso cunha actividade que reflexa o propósito da nosa Escola, a vontade de dar unha atención integral ás necesidades educativas dos nenos e nenas coa participación activa das familias.
A colaboración nesta actividade para que a plantiña creza forte, segura e fermosa, materializa o vínculo familia-escola como elemento necesario para que os nenos e nenas vivan esta etapa con plenitude.
Para realizar esta actividade inspirámonos no Libro SEMILLAS, de Desireé Acevedo, que reflexa a importancia desta etapa no desenvolvemento integral dos nenos e nenas
BO INICIO DE CURSO !!!
INARA CÓNTANOS, DANIELA PIRATA
DÍA DE ROSALÍA
O 23 de Febreiro é o día de Rosalía de Castro e, como ben sabedes, na Escola celebrámolo coa actividade ROSALÍA NA RÚA.
Ademais do video da actividade de todo o CRA, podedes ver todo o traballo na Escola de Sedes pintar as teas, decorar, plantar os pensamentos... que culminou cunha xoranada ben bonita no parque do Local. Que ben o pasamos, agardamos repetir moitas veces.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »