Trinta estudantes de Medicina da USC achegáronse esta semana ao noso cole para poñer en marcha o hospital de osiños co noso alumnado de Infantil e 1º ciclo de Primaria.
Pequenos e pequenas aprenderon con eles hábitos de vida saudable e tamén a perderlle o medo aos profesionais da saúde.
Continuando co noso proxecto de vida saudable e de coñecemento da riqueza natural, cultural e patrimonial da nosa contorna, o vindeiro xoves 19 de maio, o alumnado e profesorado do cole vai sair camiñar para conmemorar o Dïa as Letras Galegas.
Desde o 21 ao 28 de marzo no corredor principal do edificio de Primaria, onda a Biblioteca, teremos esta interesantísima exposición promovida por Xandobela. Vén a coñecer media ducia de referentes da cultura e a arte galegas con perspectiva de xénero!
Co gallo do 25 de novembro, alumnado e profesorado amosou o seu rexeitamento á violencia de xénero a través de murais, lemas, cartaces, lectura de poemas e un minuto de silencio en homeanxe a todas as vítimas cuxo número desexamos que descenda ata desaparecer das estatísticas e da sociedade.
Dentro do plan de innovación educativa Contratos-Programa da Consellería de Educación,o alumnado do CPI de San Vicente está a estrear a súa canle de podcast de radio O son da Baña.
Nesta canle iremos publicando diversos programas especializados con entrevistas, reportaxes, traballos de investigación e tamén audiocontos para os máis pequenos.
