Como despedida do verán e acollida do outono, o Equipo de Dinamización Lingüística ten previsto realizar unha serie de actividades a finais deste mes de Outubro.

As actividades programadas serán as seguintes:

- Exposición de composicións artísticas realizadas con productos do outono (cabazas, castañas, landras, noces, espigas, bugallos …). Poderán achegalas entre o 23 e o 27 de Outubro, excepto as que sexan con cabazas que só se poden achegar o día 30 e 31.

- Certame de relatos curtos de medo. (Ver documentación anexa).

- Recompilación de receitas nas que se empreguen produtos do Outono.(Ver documentación anexa).

- Celebración do Magosto e Samaín o día 31 de Outubro. Este día gozaremos dunha xornada lúdico-festiva na que asaremos castañas e realizaremos diferentes obradoiros ambientados no outono. Por iso, precisamos que o alumnado traia unha manchea de castañas picadas para o día 30. 

Atención nenas e nenos, mozos e mozas, profes e profas!!!

Os mandados do meco hai que obedecer, 

se ao final da semana, orellas queremos comer. 

Remata o trimestre e tamén un ano tan especial coma dificil para todos nós, profesorado, alumnado e familias. 

No cole da Baña non queremos que o virus nos impida celebrar o magosto, así que, en colaboración coa ANPA e cumprindo con todos os protocolos sanitarios, o venres 30 de outubro comeremos castañas no recreo (se o tempo nolo permite, claro...).

Para iso precisamos da colaboración de todas as familias enviando por cada neno/a unha manchea de castañas xa picadas e un recipente para recollelas de xeito individual. 

Nas aulas de Infantil e Primaria xa están elaborando os seus cucuruchos personalizados, pero pregamos que o alumnado de ESO traia para ese día un recipiente para recoller as súas castañas, que pode ser un sinxelo brick de leite valeiro e cortado pola metade. 

O reparto das mesmas farao o profesorado nas zonas de recreo asignadas a cada grupo e respectando en todo momento as distancias de seguridade e as medidas sanitarias que marca o protocolo COVID de centro. 

Se algunha nai ou pai quere colaborar coa preparación das castañas e a distribución das mesmas en caixas por cursos, pode comunicar coa ANPA (ampavieirodoensino@gmail.com) ou coa dirección do centro para coñecer os detalles de organización.