Este ano escolar 2020-2021 o equipo de Seccións Bilingües contará co apoio dun auxiliar de conversa para mellorar e completar o proceso de aprendizaxe da lingua estranxeira nos cursos de 5º e 6º de Educación Primaria.

Este auxiliar de conversa será un rapaz chamado Matt, que deberá partillar dous centros educativos. Por mor da pandemia, non poderá facelo ao mesmo tempo, polo que o noso centro contará cos seus servicios na segunda metade do curso.

Xa tivemos varios contactos con el e sabemos que ten experiencia noutras escolas galegas, así como que é estadounidense. Este dato deu a idea ao equipo de Seccións Bilingües para organizar un proxecto anual ao redor dos EEUU. Así, ao longo do curso traballaremos as culturas, festividades e celebracións varias deste país dende unha perspectiva artística.

Deste xeito, a primeira actividade do curso foi emular as eleccións presidenciais celebradas este mes de novembro. Para evitar competencias persoais e incentivar o traballo cooperativo, creamos uns carteis propagandísticos por equipos cunha temática en común, a nosa escola.

Tras realizar os carteis, expuxemos un gran mural na entrada do colexio para que todos e todas o puideran ver. Despois, cada neno e nena dos distintos niveis de Primaria votaron polo seu favorito.

Parabéns aos alumnos e alumnas de 5º e 6º polo voso traballo!

Our school is the best!  

Se nos anteriores traballos utilizamos a contorna das nosas mans para facer debuxos, nesta nova actividade usamos números para as nosas creacións.

Desta maneira, en base ao 1, 3, ou 6... elaboramos debuxos varios.

Aquí mostramos algúns exemplos. 

Outra das actividades que fixemos durante o confinamento, debuxos plegables que nun principio representa un animal e ao desplegalo... sorpresa!

Aquí temos algúns exemplos que quedaron ben chulos!  

Durante este confinamento, os nenos e nenas de 5º e 6º de EP foron facendo distintos traballos nas súas casas que imos ir mostrando neste espazo.

Comezamos con este traballo onde se buscaba acadar un efercto 3D.

Aquí temos algúns exemplos. 

Os nenos e nenas de 5º e 6º fixeron varias actividades para conmemorar o Día da Paz (World Peace Day).

En Plástica creamos un gran mural do símbolo da paz, recortando as siluetas das nosas propias mans en diferentes cores.

Co mesmo símbolo, a un nivel máis individual, os alumnos/as elaboraron un traballo artístico nos seus cadernos de debuxo coa técnica de salpicado, usando pinturas e cepillos de dentes.

Aquí podemos observalos en acción e ver algúns resultados.