Nesta semana do libro o alumnado de Infantil e Primaria tivo a sorte de recibir a visita de dúas autoras cuxas obras desfrutaron os pequenos e pequenas de Infantil e Primaria. Laura Suárez desenvolveu un obradoiro de ilustración co alumnado de 2º, 3º, 4º e 6º de EP a partir do seu fermoso libro Monte Pindo.

Charo Pita fixo desfrutar ao alumnado de Infantil e 1º de EP cunha divertida sesión de contacontos.

E os nosos pequenos reporteiros e reporteiras aproveitaron a súa visita para facerlle unha entrevista a cada unha das nosas convidadas.

Aquí podedes escoitar a entrevista do alumnado de 2º de Primaria a Laura Suárez:

E aquí a entrevista do alumnado de 1º de EP a Charo Pita: 

Publicada na nosa canle de podcast o primeiro capítulo da peza teatral Planeta Bugallo, de Raquel Castro e interpretada polas voces do alumnado de 5º de primaria.  

Dentro do plan de innovación educativa Contratos-Programa da Consellería de Educación, o alumnado do CPI de San Vicente está a estrear a súa canle de podcast de radio O son da Baña. 

Nesta canle iremos publicando diversos programas especializados con entrevistas, reportaxes, traballos de investigación e tamén audiocontos para os máis pequenos.