Skip to Content

Novidades

Encontro con Mª Eugenia Fernándes Montilla, enxeñeira técnica aeronáutica

07/03/2022 19:40
Europe/Madrid

O martes 8 de marzo, o alumnado de ESO conmemorará o Día da Muller e o Día da muller e a nena na ciencia e tecnoloxía participando dun encontro con Mª Eugenia Fernádes Montilla, enxeñeira técnica aeronáutica.

A Baña investiga, novo programa da nosa canle O Son da Baña

20/02/2021 13:34
Europe/Madrid

Presentamos o primeiro episodio de A Baña Investiga, un novo programa da nosa canle de radio O son da Baña no cal publicaremos traballos de investigación desenvolvidos polo noso alumnado. 

Este primeiro episodio foi realizado por un grupo de 4 alumnas e alumnos de 1º de ESO qe quixeron saber máis sobre a moda sostible e o impacto ambiental da industria da moda. 

O SON DA BAÑA: A canle de podcast do alumnado do CPI de San Vicente

28/01/2021 19:09
Europe/Madrid

Dentro do plan de innovación educativa Contratos-Programa da Consellería de Educación, o alumnado do CPI de San Vicente está a estrear a súa canle de podcast de radio O son da Baña. 

Nesta canle iremos publicando diversos programas especializados con entrevistas, reportaxes, traballos de investigación e tamén audiocontos para os máis pequenos.

Recomendacións literarias para o 25 N

23/11/2020 15:18
Europe/Madrid

Interesantísimas recomendacións de lectura sobre mullerers afoutas e pioneiras, feminismo e igualdade realizadas polas nosas reporteiras de A Baña Informa de 1º de ESO A e B.

Todas estas lecturas e moitas máis están á vosa disposición na nosa Biblioteca Escolar.

 

Venres 30: Magosto anti COVID

30/10/2020 11:20
Europe/Madrid

No cole da Baña non queremos que o virus nos impida celebrar o magosto, así que, en colaboración coa ANPA e cumprindo con todos os protocolos sanitarios, o venres 30 de outubro comeremos castañas no recreo (se o tempo nolo permite, claro...).

Para iso precisamos da colaboración de todas as familias enviando por cada neno/a unha manchea de castañas xa picadas e un recipente para recollelas de xeito individual. 

Nas aulas de Infantil e Primaria xa están elaborando os seus cucuruchos personalizados, pero pregamos que o alumnado de ESO traia para ese día un recipiente para recoller as súas castañas, que pode ser un sinxelo brick de leite valeiro e cortado pola metade. 

O reparto das mesmas farao o profesorado nas zonas de recreo asignadas a cada grupo e respectando en todo momento as distancias de seguridade e as medidas sanitarias que marca o protocolo COVID de centro. 

Se algunha nai ou pai quere colaborar coa preparación das castañas e a distribución das mesmas en caixas por cursos, pode comunicar coa ANPA (ampavieirodoensino@gmail.com) ou coa dirección do centro para coñecer os detalles de organización. 

HOXE, 11 DE OUTUBRO, O CPI DE SAN VICENTE SAE DO ARMARIO

11/10/2019 05:46
Europe/Madrid

PREMIOS CONCURSO DE FOTOGRAFÍA "AUGA"

24/03/2018 18:34
Europe/Madrid

A Biblioteca Escolar en colaboración co ENL, o Proxecto Ríos e o Proxecto Voz Natura ven de organizar un concurso de fotografía cuxa temátixa foi a auga.

O pasado xoves, 22 de marzo, Día Mundial da Auga, entregamos os premios aos pequenos e grandes artistas seleccionados, despois dunha difícil decisión por parte do xurado, xa que a participación foi alta e a calidade dos traballos, boísima.

Aquí tedes aos fachendosos premiados nas categorías de Infantil, Primaria e ESO  (os adultos premiados non poideron asistir á entrega dos premios pero xa llos fixemos chegar ás súas casas).

 

Se premedes na foto podedes ver o resto da reportaxe da entrega de premios:

premios fotografia auga

 

Ademáis, nestas presentacións podedes ver unha pequena selección dos traballos presentados nas 4 categorías. Esperamos que vos gusten e que a participación sexa aínda maior nos próximos concursos de fotos.

Parabéns, artistas!!

 

 

INFANTIL_PRIMARIA de Mar Sueiro

 

ESO ADULTOS 2 de Mar Sueiro

ARRANCAN AS ACTIVIDADES DE VOLUNTARIADO DE BIBLIOTECA

30/01/2018 20:22
Europe/Madrid

A Consellería de Educación ven de publicar a listaxe de centro admitidos nas actividades de Voluntariado de Biblioteca e o noso centro participa por primeira vez nesta fermosa actividade con 12 alumnos de 6º de EP e 7 de ESO. 

Este alumnado colaborador e voluntario, desenvolverá distintas actividades durante os recreos:

  • axudar ás profesoras responsables co servizo de préstamo e devolución así como a organización dos fondos
  • asesorar aos máis pequenos na procura e selección de lecturas
  • ensinar aos seus compañeiros a utilizar os ordenadores de consulta
  • e explicar as instruccións e a dinámica dos Xogos Educativos da biblioteca, para todos os pequenos que queiran aprender a xogar con eles

E, por outra banda, o alumnado de 6º de EP exercerán de PADRIÑOS de lectura dos pequenos de Educación Infantil, cos que compartirán a lectura de contos durante a Hora de Ler dúas veces ao mes.

Preme na imaxe e poderás ver aos orgullosos padriños cos seus pequenos afillados que, o vindeiro luns 5 de febreiro, desfrutarán da súa compañía lendo xuntos.

 logo voluntariado de lectura

NADAL DE LECTURAS

18/12/2014 00:09
Europe/Madrid

A biblioteca Escolar quere animar aos rapaces e rapazas así como ás súas familias a incluír libros entre os seus desexos e agasallos de Nadal.

E por se pode servir de axuda ou orientación, publica para todos eles estas guías de lecturas recomendadas para o Nadal que todos levarán nas súas mochilas, xunto cos seus boletíns de notas e unha chea de ganas de disfrutar do descanso, a familia e o fogar.

 

Para os alumnos de Infantil e Primaria recomendamos:

 

E para os mozos e mozas de ESO:

 

UN PROXECTO DE PREMIO!

03/11/2014 21:51
Europe/Madrid

A Consellería de Educación ven de publicar a resolución do Concurso de Traballo por Proxectos coordinados ou coa participación da Biblioteca Escolar, que convocou no pasado mes de maio coa intención de recoñecer boas experiencias de traballo por proxectos interdisciplinares ou de investigación coordinados ou apoiados pola Biblioteca Escolar.

Os nosos rapaces de 3º de Primaria (agora xa en 4º) xunto coa súa profesora, Mª Josefa Becerra, e sempre apoiados pola Biblioteca, desenvolveron un fermoso e completísimo traballo sobre a Nutrición ao que chamaron Comesán e que presentaron ilusionados ao concurso. Xunto con eles, participaron outros 91 centros de toda Galicia.

Lemos a resolución, nerviosos, e temos a enorme alegría de comprobar que estamos entre os 16 centros galardoados!!!!!

NORABOA, RAPACES, NORABOA, PROFE!

Nada mais fermoso que ver recoñecido o esforzo.

comesan 2014

   

Distribuir contido


by Dr. Radut