O venres 23 de febreiro conmemoramos o Día de Rosalía no comedor escolar degustando un delicioso caldo de gloria. 

Antes da degustación o alumnado leu o poema Miña casiña, meu lar, que ilustraba os manteis individuais cedidos pola Fundación Rosalía de Castro. 

Hoxe o alumnado de Infantil, Primaria e ESO degustou de novo os deliciosos produtos que nos proporcionan dende o programa Come Local. 

A coidada e agarimosa preparación da tenreira galega e a pataca de Galicia da man de María e Pilar fixeron chuparse os dedos a todos os nosos esixentes comensais. 

Dende hoxe ata o 8 de setembro permanecerá aberto o prazo de admisión de solicitudes dos membros da comunidade educativa para actuar como colaboradores voluntarios nas tarefas de atención e apoio ao alumnado usuario do comedor escolar durante o curso 2023/2024. 

Poderán desenvolver esta tarefa: 

• nais, pais, titores legais ou acolledores familiares de alumnos/as que estean cursando no curso 2023-2024 estudos no centro docente respectivo. Estas persoas non poderán desempeñar as funcións de colaboración no comedor durante dous cursos escolares consecutivos.

Despois de un estudio detallado da mellor e máis segura distribución das paradas da ruta 6 en colaboración coas familias usuarias da mesma, a empresa Monbús pon en funcionamento a ruta 6 remodelada a partir do luns 10 de outubro. 

A hora de saída da primeira parada será ás 8:35, tal e como estaba fixada inicialmente. 

No documento adxunto tedes a distribución das paradas no percorrido de entrada e saída. 

A dirección do centro en colaboración cunha comisión de nais e pais voluntarios e a empresa de transporte Monbús presentamos no mes de xuño unha proposta de optimización e remodelación de rutas de tranpsorte que podedes consultar no documento anexo. 

Segundo nos informa a empresa de tranporte as novas rutas entrarán en funcionamento a partir de mañá mesmo, 8 de setembro.