O pasado xoves 16 de maio poidemos coñecer a historia, as partes e o son da gaita galega grazas á exposición de Álvaro Ardións, alumno de 4º de EP que ademáis interpretou tres peciñas para nós.

Para ver a galería de fotos, coma sempre, preme na imaxe:

Un xoves máis o noso pequeno experto en Harry Potter, Markel Villaverde, falounos deste personaxe da literatura fantástica, de todas as súas aventuras literarias e tamén das películas que nos contan a súa historia.

Podes premer na foto para ver as imaxes deste divertido recreo de xoves experto.

Co gallo da conmemoración do Día das Artes Galegas, neste ano 2019 dedicado á figura de Luis Seoane, desenvolvéronse unha serie de actividades artísticas durante este mes de abril grazas á colaboración da nosa ex-alumna e artista plástica, Silvia Capelo.

• O alumnado de 3º de ESO e algúns profesores desta etapa realizaron murais en cartulina reinterpretando a obra de Seoane.
• O alumnado de Infantil traballou con Silvia Capelo realizou unha obra conxunta, a modo de mosaico, coa técnica do collage.
• O alumnado de 1º, 2º e 3º de EP fixo unha reinterpretación das ilustracións dos personaxes de As laranxas máis laranxas de todas as laranxas, de Carlos Casares.
• O alumnado de 4º, 5º e 6º de EP desenvolveu un obradoiro de aproximación ao gravado sobre os tres temas presentes na obra de Seoane: o mar, a terra e a muller.
• O alumnado de ESO pintou de xeito colaborativo un mural no patio da escola, despois dunha chuvia de ideas coa artista Silvia Capelo a partir da obra muralística de Luis Seoane.

Nas vindeiras semanas as pezas realizadas por todo o alumnado estarán expostas nos corredores do cole, así que estades convidados a vir velas cando queirades.

PREME NA IMAXE PARA VER A GALERÍA DE FOTOS!!

A semana do 8 ao 12 de abril, co gallo do Día das Artes Galegas, homenaxearemos a figura de Luis Seoane mediante a realización de obradoiros de arte da man de Silvia Capelo. 

Todo o alumnado de todas as etapas educativas desenvolverá o seu talento artístico e os corredores e paredes do noso centro lucirán fermosamente decorados.

Aquí tedes o cartel coas datas e horarios das actividades:

Aquí tedes as fotografías premiadas no Concurso de Fotografía sobre Patrimonio Memoria en Construción, convocado pola Biblioteca Escolar.

A entrega de premios terá lugar o vindeiro luns 11 de marzo, ás 12 da mañá, no espazo multiusos do CPI San Vicente.

Parabéns ás persoas premiadas e moitísimas grazas a todos os autores e autoras das 90 fotos presentadas. Non foi doado, para o xurado, decidir entre tantas e tan fermosas fotos de elementos do noso patrimonio material.

Pronto publicaremos a totalidade das fotos!

FOTOGRAFIAS PREMIADAS 2019 por Mar Sueiro