Como cada ano o Concello de Sober organizou a visita de Papá Noel ao noso colexio e como cada ano,  a súa chegada é un momento moi emocionante para os nosos nenos e nenas que o reciben sempre con moita ilusión; por iso queremos compartir as imaxes deste encontro, compartindo así a súa ilusión con todos vós.

    Na galería de imaxes atoparedes todas as fotos do alumnado individuais ou por grupos familiares aínda que faltan algúns que lle tiveron medo e non se quixeron achegar a Papá Noel.

GALERÍA  DE  IMAXES

    Hoxe despedimos a  Alba, ex-alumna do centro que estivo realizando o Prácticum I, e Sandra, substituta de Montse durante esta avaliación.

   Para despedirnos delas e que levasen un bo de recordo do seu paso por Sober, entregámoslles un libro con debuxos e textos que o alumnado lles fixo como mostra de agarimo e un pequeno agasallo.

 Desexámosvos que vos vaia moi ben aínda que nós botarémosvos moito de menos!!

   Na última reunión do club de lectura desta avaliación, rematamos as sesións dedicadas ao libro Mitos e Lendas da Ribeira Sacra coa visita dos seus autores: Dani Viéitez e Iria Iglesias.

  Nesta reunión os membros do club de lectura puideron falar con eles de todo o relacionado co proceso de creación dun libro desde a idea inicial ata que chega aos lectores.

    Algo que lles resultou moi interesante e sorprendente deste proceso foi o traballo de ilustración dixital, xa que Iria e Dani mostráronlles como se debuxa e como evolucionan as ideas desde o boceto inicial ata o resultado final.

  Outros temas que tratamos foron o traballo de investigación e documentación que tiveron que facer para escribir este libro e a importancia das lendas e da cultura popular dun pobo.

      Tamén pudiemos falar sobre os gustos persoais dos nenos e das nenas e compartir o seu punto de vista cos autores: que lendas lles gustaron máis, cales menos, cales non entenderon ben, por que case todas tiñan que ver con namorados...

      Ademais aproveitamos para falar con eles sobre outros dos seus libros, dos seus comezos como autores e ilustradores, de próximos proxectos...

    E antes de marchar, os autores aínda tiveron un tempiño para dedicarlle unhas palabras e unhas ilustracións ao membros do club.

  MOITAS  GRAZAS,  IRIA  E  DANI,  POR  ESTA  VISITA

E   POR  COMPATIR  CON  NÓS  O  VOSO  TEMPO!!

XA  ESTAMOS  DESEXANDO  LER  O  VOSO  PRÓXIMO  LIBRO!!

    Hoxe celebramos unha nova sesión do club de lectura Viaxando polas letras na biblioteca do colexio cun invitado especial: Alfonso Campos, membro da Asociación O Colado do vento, ex-alumno do centro e pai dos nosos compañeiros Noé e Estrela.

    Invitamos a Alfonso a participar no noso club de lectura porque estivemos lendo o libro Mitos e lendas da Ribeira Sacra e el é un gran coñecedor da sabedoría popular do noso concello.

   Foi unha actividade moi interesante porque ademais de contarnos varias lendas, ilustrounos as mesmas con imaxes dos lugares onde se sitúan: un marco arredor do que están soterrados dous namorados, a desembocadura do Cabe no Sil, diferentes pedras e penedos... de xeito que os nenos e as nenas do club ían identificando as lendas con lugares que eles coñecían.

     Nesta sesión Alfonso falounos de lendas de mouros, de santos, relacionadas coa agua, coas orixes dos pobos, cos petroglifos... e tamén compartiu con nós un par de lendas escritas como cantares de cego, unha lida por el e outra na que participaron os membros do club.

      Despois o noso invitado estivo nos estudos de Radiuvín onde lles contou a Daniela e a Nayara moitas máis cousas sobre as lendas e a súa importancia.

MOITAS  GRAZAS  ALFONSO  POR  DEDICARNOS  ESTE  RATIÑO  E  POR  SEMENTAR  NO ALUMNADO O  INTERESE  POLA  TRADICIÓN  ORAL  DA  NOSO  CONCELLO.

 

    O proxecto Cartas dende a ría continúa e esta semana os nenos e as nenas do CEIP de Seara (Moaña) recibiron as nosas primeiras cartas.

    No seguinte enlace podedes ver a publicación que fixeron no seu blog cando as recibiron,

parece que lles fixeron moita ilusión!!

CARTAS  DENDE  A  RIBEIRA  SACRA

    Hoxe a biblioteca do colexio convertiuse nun auditorio!

   Para complementar o proxecto sobre a familia dos instrumentos de percusión que estivemos levando a cabo nesta avaliación, contamos coa presenza do grupo de percusión do Conservatorio Municipal "Mestre Ibáñez" de Monforte de Lemos.

   Alba, Laura, Noé, Aarón e o seu mestre José Luis empezaron falándonos da orixe da percusión pois xa na prehistoria se utilizaban pedras e madeira para facer ritmos. Por iso as tres primeiras obras foron obras nas que non utilizaron instrumentos: 

Palos y claves na que empregaron as baquetas só para golpearo chan e golpearse entre elas.

La cocina na que tocaron diferentes utensilios e pezas de vaixela que podemos atopar en calquera cociña 

e Feet and hands que é unha obra de percusión corporal. 

   Na segunda parte do concerto tocaron varias obras nas que puidemos escoitar instrumentos de percusión de madeira, de metal e de parche. Neste caso tocaron unha versión da obra Seven nation army de The White Stripes.

Tamén puidemos diferenciar instrumentos de percusión de altura determinada e indeterminada e decatarnos do ben que soan todos xuntos como nesta versión da canción Happy de Pharrell Williams

  Ademais comprobamos que con esta familia de instrumentos se poden interpretar cancións de todos os estilos musicais, como mostra aquí deixamos unha obra baseada nalgúns éxitos de Michael Jackson.

  Unha diferenza entre os músicos que estudan percusión e outros instrumentistas é que os percusionistas teñen que aprender a tocar todos os instrumenos que compoñen esta familia por iso, se vos fixades, veredes que os cinco membros deste grupo cambian de instrumento continuamente de xeito que todos eles tocan todos os instrumentos. Compartimos agora un arranxo da obra Oye como va, un coñecido mambo de Santana.

   Para rematar, o grupo de percusión interpretou tamén dúas coñecidas panxoliñas coas que o noso alumnado se puxo a cantar nada máis recoñecelas, recoñecédelas vós?

  Esperamos que todo o noso alumnado sexa consciente a partir de agora de que os instrumentos de percusión non son só o triángulo, o bombo, a pandeireta ou a batería senón que hai moitísimos máis instrumentos de percusión e tamén, que sexan conscientes da súa importancia dentro dunha orquestra ou dunha banda. 

   Ao finalizar fixémoslle entrega duns agasallos cos que agradecer este ratiño que pasaron con nós na biblioteca e este marabilloso concerto! 

  Despois catro dos compoñentes do grupo estiveron nos estudos de Radiuvín para falar sobre música, sobre percusión e sobre eles mesmos con Germán, Carlota e Javier.

Para rematar queremos volver a darlle as grazas por esta colaboración ao CONSERVATORIO MUNICIPAL MESTRE  IBÁÑEZ de Monforte de Lemos e, sobre todo, a José Luis, mestre de percusión, e aos alumnos que forman este grupo.

Se queredes ver todas as imaxes desta actividade, só tedes que seguir o enlace:

GALERÍA  DE  IMAXES

   Dentro da actividade As familias contan hoxe recibimos a Noelia Vázquez, nai do noso compañeiro Manuel Vázquez.

    Eles viñeron a compartir co resto do colexio o libro ¿Por qué estás triste, Casilda? escrito por María de Mondo.

   Durante esta lectura coñecemos a Casilda, unha nena que unha tarde chegou un pouco triste do colexio porque á súa amiga Claudia non lle gustaran as súas zapatillas de luces.

    Pero pouco lle durou ese sentimento porque despois dunha charla cos seus pais entendeu que cada persoa ten os seus propios gustos e iso é o que fai que cada un de nós sexamos únicos e especiais.

    Aínda así a Casilda quedoulle unha dúbida: que pasa se nos importa a opinión dos demais? debe importarnos a opinión das persoas ás que queremos? 

    Pois como ben lle dixo a súa nai: "No podemos gustar a todo el mundo. Lo principal es que te gustes a ti misma".

    Despois a súa nai propúxolle tres preguntas:

  " ¿Qué tres cosas bonitas dirías sobre ti?

    ¿Qué te gusta hacer y te pone contenta?

    ¿ Qué se te da bien?"

   Contestando a estas preguntas, Casilda deuse de conta de que tiña moitísimas cousas boas, de que era única e especial; e de que ese era o seu súperpoder.

    Atréveste ti a contestar ás mesmas preguntas que lle fixo a Casilda a súa nai para atopar o teu superpoder?

    Antes de marchar, Noelia e Manuel, tamén pasaron polos estudos de Radiuvín para deixar gravado este conto tan chulo e que todos o poidades escoitar tantas veces como queirades.

MOITAS  GRAZAS  POR  VIR  A  COMPARTIR  CON   NÓS   UN  RATIÑO  E  ACHEGARNOS  REFLEXIÓNS  TAN  IMPORTANTES  COMO  AS  QUE  SE  RECOLLEN  NO  LIBRO:

- O QUE TES NON TE DEFINE.  O IMPORTANTE É COMO ES.

- NON PODES GUSTAR A TODO O MUNDO.  O IMPORTANTE É QUE TE GUSTES A TI MESMO.

- É IMPORTANTE QUE  COÑEZAS AS  TÚAS  VIRTUDES  PARA QUE TE GUSTES. 

GALERÍA  DE  IMAXES

    Un ano máis, Luisa Astray, educadora social e responsable de prevención da Unidade Asistencial de Prevención de Drogodependenciasde Monforte de Lemos, adicou tres sesións de traballo aos rapaces e rapazas de 5º e 6º de Primaria sobre os riscos e tipos de dependencias.

    Nestes obradoiros o tema principal é o tabaco: composición, riscos, consecuencias, efectos... para intentar que os alumnos e alumnas adquiran hábitos e actitudes saudables e non cheguen a ser fumadores no futuro.

 

 

    Ademáis de darlles información sobre esta substancia, realizan experimentos nos que poden observar como o feito de fumar prexudica gravemente a nosa saúde.

 

   Tamén puxeron en común fórmulas para rexeitar os ofrecementos de tabaco e asinaron un contrato de compromiso no que se asinaron que non ían a fumar no futuro.

     Cada ano facemos adornos novos para a nosa árbore de Nadal que signifiquen algo para o noso alumnado e que teñan sentido para eles.

       Este ano quixemos traballar cos desexos de Nadal dos nenos e as nenas facendo unha reflexión sobre o consumismo destas datas e a importancia real dos agasallos. Despois cada un de nós escribiu o seu desexo de Nadal nunha etiqueta que colgamos da ÁRBORE  DOS  DESEXOS.

 

MIRADE  QUE  BONITIÑA  QUEDOU!

OXALÁ  SE  CUMPRAN   TODOS  OS  DESEXOS!