Excursións
XORNADA DE CONVIVENCIA C.E.I.P. A GÁNDARA
O día 3 de decembro alumnado de 1º e 2º de Primaria do C.E.I.P. A Gándara, estivo de excursión na nosa comarca coñecendo a olería de Gundivós e a Escola de Hostalería de Rosende. Aproveitando esta visita; organizouse unha xornada de convivencia entre os dous colexios.
Nesta xornada os nenos e nenas de ambos centros puideron disfrutar de moitas actividades xuntos.
Á hora de comer, foi o momento de coñecernos e do xogo libre no pavillón que xa facía tempo que non estaba tan cheo de rapaces e rapazas.
INAUGURACIÓN DO MURAL DA PRAZA DO TOURAL
Os alumnos e alumnas de Primaria asistimos hoxe á inauguración oficial do mural do anfiteatro da Praza do Toural feito pola artista Doa Ocampo (ex-alumna do colexio).
Na inauguración o alcalde e a autora do mesmo explicáronnos esta iniciativa e o traballo realizado así como o significado do mural: o paso das estacións nunha viña.
Ademais os alumnos puideron preguntarlle a autora todas as súas dúbidas: tipo de pintura empregada, tempo de realización... e ata descubriron con ela a súa firma nunhas pólas entrelazadas.
Se queredes ver todas as imaxes desta visita, premede no seguinte enlace:
VIAXE ÁS TERMAS - 2014
Hoxe fomos de excursión ás termas de Ourense. Primeiro demos un paseíño no minitren turístico:
E despois aproveitamos o bo día para disfrutar de varias termas. Empezamos polas do Muíño da Veiga e a continuación as de Outariz para acabar na fonte do Tinteiro.
Se queredes ver todas as fotos da excursión ou se queredes máis información sobre as termas que visitamos podedes facelo nos seguintes enlaces:
CAMISETAS MANUEL - MARÍA
Xa chegaron as camisetas tan bonitas que pintamos coa caricatura de Manuel María.
Mirade que ben locen!!
EXCURSIÓN A OUTEIRO DE REI E LUGO (2014)
Para conmemorar o Día das Letras Galegas, fixemos unha excursión dedicada ao autor Manuel María. Primeiro visitamos a súa casa (agora convertida nun museo) na que puidemos ver unha reprodución da súa casa de Outeiro de Rei pero tamén da súa casa de Monforte tal como era mentres el viviu: a súa habitación, o seu despacho, o salón...
Ademais de coñecer a súa casa, participamos nun obradoiro de pintado de camisetas coa súa caricatura que foi moi entretido.
Estamos desexando que a pintura seque para que poidamos estrenalas!
Se queres saber máis sobre a súa casa - fundación podes premer na imaxe
Desde alí, fomo a comer a Santa Isabel, unha preciosa zona ao lado do río na que pasamos un rato moi divertido.
Pola tarde fomos a visitar Lugo. Primeiro fomos a Radio Lugo para gravar os noso poemas dedicados a Manuel María dentro do programa escolar O son da nosa fala que aínda non sabemos cando se vai emitir; pero tranquilos que xa nos han de avisar da emisora para que esteamos atentos.
E para rematar a excursión un paseo pola zona monumental de Lugo:A Catedral e a muralla
Se queredes ver todas as fotos da excursión podedes facelo na galería de imaxes
EXCURSIÓN Á PRAIA (2013)
Chega o final de curso e o verán; pero antes das vacacións imos de excursión para pasar un día de praia cos nosos compañeiros e compañeiras.
Este ano achegámonos á praia de Samil onde nos acompañou o bo tempo e puidemos bañarnos e disfrutar dun día estupendo.
MARIÑEIROS POR UN DÍA (MAIO - 2013)
Mariñeiros por un día é unha iniciativa para achegar o mundo da pesca e do mar a colexios do interior da provincia de Lugo. En colaboración coa Consellería de Cultura, Educación e O.U. e a cofradía de pescadores "Santiago Apóstolo" os nenos e nenas que se desprazaron ata o Porto de Celeiro en Viveiro puideron visitar e coñecer da man dos profesionais do mar as actividades e instalacións que pertencen ao seu día a día: primeiros auxilios, lonxa, salvamento marítimo, heliporto...
EXCURSIÓN Á PRAIA E AO DINOPARK (Xuño 2012)
Ao chegar o verán e o final de curso; antes das vacacións, apetece pasar un día de praia cos amigos que non veremos tan a miúdo en xullo e agosto. O problema foi o mal día que fixo así que tivemos que aproveitar o único ratiño da mañá que non choveu para que os nenos darnos un baño no mar aínda que fose curto.
Pola tarde visitamos o parque móbil de dinosaurios instalado en Nigrán, con máis de 30 dinosaurios a tamaño real movéndose e ruxindo nos seus hábitats naturais...
coma no Xurásico!
Informacións, explicacións, excavacións,xogos, debuxos... todo o necesario para parecer verdadeiros paleontólogos.
VISITAMOS O CONCELLO (Maio 2012)
Unha das leccións de Coñecemento do Medio que damos no 1º ciclo, explícanos que é un concello, quen o goberna, como se elixe o alcalde... e que mellor maneira de aprendelo que facer unha excursión á Casa do Concello e que o propio alcalde nos reciba e nos explique as súas funcións?
Moitas grazas ao alcalde Luis Fernández Guitián por recibirnos e agasallarnos cuns preciosos calendarios do Concello de Sober e uns libros e uns pins do noso concello
PARQUE ACUÁTICO DE CERCEDA 2011
Para rematar o curso, imos de excurisón ao Aquapark de Cerceda, alí disfrutamos moito da auga, do seu parque, das atraccións e dos tobogáns.
Que mágoa que non fixera moito calor! Aínda así pasámolo moi ben
- « primeira
- ‹ anterior
- 1
- 2
- 3
- 4
- 5