Escornabots
Scratch con Elías e Rocío - 3º e 4º de Primaria (8 - 5 - 2017)
Desta sesión de Scratch non queremos contarvos nada; xa que Elías, Rocío e os alumnos de 3º e 4º están preprando algo que vos vai a sorprender...
O que si que vos contamos é que para este proxecto tiveron que aprender entre outras cousas, a traballar co eixe de coordenadas.
Intrigados?
Aquí vos deixamos un par de pistas
SCRATCH CON ELÍAS Y ROCÍO - 3º y 4º de Primaria
Os alumnos de 3º e 4º seguen ampliando conceptos no entorno de Scratch da man de Rocío e Elías.
Nesta sesión traballaron os disfraces dos obxectos, cambios de escenarios e intercambio de mensaxes.
Despois aplicaron o aprendido para facer un programa no que a través do intercambio de mensaxes, os obxectos mudaban de apariencia e a súa vez cambiaban de escenario.
MOITAS GRAZAS!!
SCRATCH CON ELÍAS E ROCÍO - 3º y 4º de Primaria
Despois de que o alumnado de 1º e 2º de Primaria traballara con Scratch Junior, agora é a quenda dos nenos e nenas de 3º e 4º. Estes alumnos traballarán coa plataforma Scratch para aprender fundamentos básicos de programación dun xeito sinxelo.
O primeiro que nos explican Rocío e Elías é que é programar e onde podemos atopar programación hoxe en día: ordenadores, electrodomésticos, semáforos...
A continuación explicáronnos cales son as ordes básicas deste programa a través dunha aplicación práctica con todos os nenos e nenas da clase.
Despois de familiarizarnos coas ordes e a súa representación pasamos aos ordenadores onde comezan a traballar con fondos, cambio de personaxes e da súa apariencia...
ESTAMOS DESEXANDO QUE CHEGUE A SEGUINTE SESIÓN!!
OS ESCORNABOT VAN DE EXCURSIÓN
Aos escornabots tamén lles gustan as excursións e os nosos están coñecendo aos nenos e nenas do CEIP Monte Baliño de Ferreira.
Alí quedarán dous escornabots en préstamo uns días para que os poidan disfrutar!!
INGLÉS COS ESCORNABOTS: AÍNDA MÁIS DIFÍCIL!! (5/04/2017)
Traballar o vocabulario de inglés cos escornabots é algo que os nenos lles resulta moi divertido, interesante e, polo tanto, máis educativo xa que poñen moita máis atención.
Por iso, podemos subir o nivel de dificultade das actividades propostas. Neste xaso, a nosa auxiliar de conversa mezclou tarxetas de diferentes campos semánticos: animais, asignaturas, profesións... aínda así; aos escornabots guiados polos nosos nenos non lles costou atopar as palabras correctas!!!
MI TAMBOR - Canción infantil (3/4/2017)
En Educación Musical, es nenos de Infantil están traballando as onomatopeias e os sons fortes e débiles coa canción "Mi tambor" e como aos Escornabots tamén lles gusta a música; fixemos un taboleiro que nos leva de animal en animal mentres cantamos a canción.
SCRATCH JUNIOR CON ELÍAS E ROCÍO: Sesión final (27/3/2017)
Hoxe tivemos a última sesión de Scratch junior para os nenos e nenas de 1º e 2º de Primaria.
Nesta sesión tiñan que resolver unha misión espacial: chegar á Lúa e saudar a un alieníxena.
O primeiro foi elexir un escenario desde o que saír e facerse unha foto para poñerlle a nosa cara ao astronauta encargado de ir a Lúa. Despois empezou a parte máis difícil.
Ao astronauta progamámolo de xeito que cando toquemos a bandeira verde, camiñe hacia o foguete. Para que pareza que entra nel; facémolo máis pequeno e mandámolo desaparecer.
Ao foguete, facémolo despegar e chegar á Lúa cun cambio de escenario cando o toquemos.
Ao chegar á Lúa o foguete aterra programándoo para que baixe e lle mande unha mensaxe ao astronauta.
O astronauta ten dúas ordes; a primeira para que ao principio esté desaparecido do esceario e a segunda para que cando reciba a mensaxe apareza e camiñe hacia o alieníxena. Pola ausencia d gravidade, o astronauta desprazarase dando pequenos saltos.
Para rematar, programamos ao noso alieníxena para que cando o astronauta chegue xunto a el; nos saúde cunha grabación de audio feita por nós.
E aquí tedes a secuencia completa.
MISIÓN ESPACIAL SUPERADA!!!
FORMAS, CORES E TAMAÑOS (27/3/2017)
A actividade de combinar formas e tamaños que xa fixeran os nenos e nenas de Infantil; engadímoslle unha dificultade máis: o tamaño!
Agora o dado de formas tamén ten tamaños de xeito que terán que combinar as formas xeométricas cadrado, triángulo e círculo; coas cores amarelo, azul e vermello e o tamaño grande ou pequeno.
Unha actividade moi interesante!!
SCRATCH JUNIOR CON ELÍAS E ROCÍO (II)
O alumnado de 1º e 2º continúa aprendendo fundamentos básicos de programación a través de Scratch junior con Elías e Rocío.
Nesta sesión ensináronnos que os movementos dos personaxes non teñen que comezar sempre coa bandeira verde senón que poden comenzar cando os tocamos co dedo, cando os toca outro personaxe ou cando reciben unha mensaxe doutro.
Co que aprendemos, pudiemos facer unha secuencia que imita ao xogo do pilla-pilla.
Primeiro programamos a gato para que cando o toquemos, el diga: "Preparados, listos, ya!" e envíe unha mensaxe ao can.
Despois programamos ao can para que cando reciba esta mensaxe camiñe cara a dereita intentando pillar a un coello.
Por último programamos ao coello para que salte cando o can chegue ata el así parecerá que está intentando escapar.
Aquí podedes ver un vídeo coa secuencia completa
XA ESTAMOS DESEXANDO QUE CHEGUE A SEGUINTE SESIÓN!!
ARGALLANDO, ARGALLANDO (23/3/2017)
Mirade como estaba hoxe na biblioteca o espazo para argallar e xogar cos escornabots... é moi satisfactorio ver como o noso alumnado desfruta argallando.
Algo do que tamén estamos moi orgullosos é de como os maiores axudan aos máis pequenos e como interactúan con eles.
