Estas son as recomendacións lectoras para o Día das Letras Galegas.

Hoxe, dentro das actividades organizadas para a celebración das Letras Galegas, os alumnos do Club de Teatro de 2º A e B, representaron diante das súas familias dúas obras "A pelexa das cores" e "A bruxa Regañadentes". O evento tivo lugar no salón de actos do colexio e ten un fin solidario recaudar alimentos non perecedeiros para o Banco de Alimentos de Santiago(Balrial). Estes pequenos actores e atrices mostraron a súa paixón e talento nas obras que prepararon con esmero, nos recreos, ao longo do curso. Foron merecedores dos aplausos das súas familias, compañeiros e profesorado. Arte e solidaridade da man para axudar aos que máis o precisan. Ao mesmo tempo a Biblioteca segue co seu mercadiño solidario de libros, un libro un alimento.

Despois de diversas actividades levadas a cabo, dende o comezo do mes de maio, para homenaxear a lingua galega, chegou o DÍA GRANDE DAS NOSAS LETRAS! 

Comezamos a mañá cun alfareiro de Buño. Ensinounos moitas cousas sobre o barro e os utensilios que se empregan para elaborar as diferentes pezas. Estivo traballando e despois puidemos ser nós os protagonistas. Que interesante!

Xa despois do recreo levouse a cabo o acto principal no patio. Comezamos co baile que todo o alumnado do cole estivo preparando ao longo do mes "O pesiño" de Leilía. Todos a bailar uns puntos de muñeira!

A continuación, xa sentados nas gradas, completamos o crebacabezas de Francisco Fernández Del Riego, mentres aprendemos interesantes informacións del.

Despois tivo lugar a entrega de premios do concurso das Letras Galegas.

De seguido puidemos disfrutar da canción "Lela" interpretada pola gran alumna Alicia, o baile de muiñeira do alumnado de Lembranzas do Tambre e para rematar, bailamos todos xuntos. Unha gran xornada. Pero non se acaban aquí as actividades das Letras, seguiremos interpretando as obras de teatro para as familias ao longo do mes e visitaremos a Residencia de Porto Avieira.

Clicade nas imaxes para ver o material das Letras Galegas 23, nelas atoparedes  actividades para alumnado de infantil e primaria. 

Seminario Galán

Real Academia Galega   Primavera das Letras

No mes das nosas Letras, o alumnado do obradoiro de teatro vainos agasallar coa representación das obras que estiveron a preparar durante o curso.  Serán tres martes, con dúas sesións de diferentes grupos por día. O obxectivo, ademais de mostrar ás familias o noso modesto traballo, é solidario. Pedímoslle ás familias que nos traian un alimento para doar ao Banco de Alimentos para a xente necesitada. Ao mesmo tempo dende a Biblioteca promovemos un Mercado Solidario coa mesma finalidade. Quen o desexe poderá levar un libro a cambio dun alimento. 

Comezamos.... PRIMEIRAS SESIÓNS: 3º e 4º. GRAZAS POR VIR VERNOS!

No día de hoxe fíxose entrega dos galardóns do concurso que organiza o concello de Oroso "Escribe unha carta a ...", para promocionar o Camiño Inglés. Este ano o personaxe histórico que peregrinou a Compostela en 1473 e 1483 e ao que se lle escribiu a carta, foi o irlandés James Rice. A gañadora do 1º premio do noso colexio foi Iria Beiroa Sánchez e o 2º premio recaeu en Enma Pazos Villa, ámbalas dúas de 6º C. Como en cada edición posteriormente procedeuse a descubrir unha placa en recordo deste ilustre personaxe no Paseo do Peregrino.

PARABÉNS para Iria e Enma polo seu traballo!

Hoxe, 5 de maio, celebramos a Festa dos Maios no cole. Xa comezamos onte a elaboración de dous maios, un para Infantil e 1º e outro para o resto de Primaria. Foi sorprendente ver como as estructuras de madeira se iban cubrindo de ramas verdes e de flores e tornándose cada vez máis bonitas. Todo unha explosión de Primavera. Xa no día de hoxe trasladámolos á pista e cantamos as coplas á vez que xiramos arredor deles. Foi moi divertido!

MURAL COMO SE DI?

Clica na imaxe para ver as actividades do Día do Libro.

O luns o alumnado de 6º tivo unha visita especial! Cando chegaron ao salón de actos estaba Berta Dávila, autora de "Demetrio Demoscopio perdeu a chispa" esperando para falar con eles do libro, de como e cando comezou a escribir, dos seus libros... O máis importante foi que descubrimos que é a chispa, que é algo diferente para cada un de nós, iso que nos fai emocionar. O encontro rematou coa firma de libros. Esperamos volver a verte pronto cunha nova aventura.