BIBLIOTECA CARLOS LABRAÑA

As xornadas dos venres, o alumnado de 4 anos leva a cabo unha

actividade extraordinaria. As portas das dúas clases ábrense de

par en par para converterse nun só grupo, cun ambiente preparado

con diversas actividades que convidan a xogar, aprender, descobrer, experimentar...

O alumnado vai pasando e escollendo onde quere estar, se atopa sitio libre pode

quedar e pasar alí o tempo que desexe, tamén pode facelo se rapidamente

decide marchar. Son as nenas e nenos onde deciden estar.

Tomar decisións é algo moi importante xa dende as primeiras idades.

A biblioteca actúa como banco de recursos.

Pero para ver a dimensión da actividade nada mellor que unha imaxe.

Conversando dun interese común, a literatura.

Compartindo historias, aventuras, viaxes imaxinarios, novos coñecementos...

Fomentando futuros lectores e lectoras.

Novas adquisición para documentarnos no proxecto "Aprendendo, naturalmente!".

Por un Nadal de Paz e Pan! A rapazada de 1º de Primaria escoita

o conto adaptado pola aula de 4ºB, baseado en O Principio de Paula Carballeira.

Así deciden realizar a terceira fase nunha lectura "Despois da lectura".

Un anuncio que pretende abrir os ollos sobre realides actuais.

Sobre as necesidades reais de países e xentes (incluso moi próximas a nós).

De que non todo o importante é algo material e que a paz pode conseguirse con un bico,

unha conversa, unha aperta, unha mirada ou un sorriso,

estas cousas alimentan e sanan os problemas do mundo.

Unha semente para todas e todos,

pero en especial para os que poden plantar o bosque.

Felices Festas!

Esta actividade non sería posible sen a colaboración do pai dun alumno ao piano:

Antonio Rodríguez Bustabad, a profe de Música: Antía Pita Martínez que realizou a

tradución da letra ao galego e a grabación radiofónica, as mestras de 1º de E.P

(Dulce, Carlota e María José) e o mellor que temos na escola: as nenas e os nenos!

A nosa escola atópase mergullada nunha contorna natural chea de cousiñas por descubrir.

Son moitas as especies de animais e plantas que podemos ver nun simple paseo e que

ás veces non somos quen de ollar ou de percibir sexa por descoñecemento,

por non darlle importancia ao ser cousa habitual ou polo simple ir e vir da vida de

hoxe que cada día se fai máis rápida e non nos deixa pararnos a pensar, observar ou apampar.

Temos multitude de fauna miúda, paxariños que cantan ao noso paso, flores únicas, unha reserva

mariña ou simples felgos, que por non ser tan simples sobreviven dende a Era Terciaria.

 Co obxectivo de reconectar e de tecer redes interxeracionais queremos fomentar o encontro e o

intercambio de coñecementos e valores cun proxecto de traballo que vén da man da nosa biblioteca.

Trataremos de tomar tempo e observar a natureza: ulila, escoitala, explorala, prestarlle

atención e descubrir un mundo cheo de vida.

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

O alumnado de 3º de Educación Primaria traballou

as medidas e gozou dun obradoiro do máis pantasmal!

Benvidas e benvidos, persoas, proxectos, críticas constructivas e milleiros de ideas!

O verán trae consigo novos proxectos e deixou medrar outros.

Aquí temos as sementes, que veñen bulir todo e dar unha boa colleita.

Namentres, o equipo de biblioteca está preparando e argallando o entramado.

Aprendede gozando, rapazada!

INSTRUCCIÓNS PARA A ORGANIZACIÓN E FUNCIONAMENTO DA BIBLIOTECA ESCOLAR. CURSO 2022/2023

O 18 de outubro celébrase o Día das Escritoras.

Dende a nosa biblioteca queremos visibilizar a súa labor,

para iso intervimos o centro cuns marcapáxinas realizados por todo

o alumnado e expostos á vista de toda a comunidade educativa.

Este é o resultado!

O 24 de outubro celébrase o Día das Bibliotecas, coa intención de crear un recurso

útil para o alumnado compartimos as recén estreadas ilustracións das mascotas da biblioteca,

dado que ata o de agora só estaban como debuxo na parede.

Agasallo que ven da man do ilustrador Diego Cheda, sempre disposto a colaborar.

Partindo destes debuxos créanse dous xogos para coñecer a estas personaxes mellor e

achegar ao alumnado á lectoescritura dun xeito motivador e divertido.

Podedes descargar os debuxos nos ficheiros adxuntos.

Deixade voar a imaxinación e construíde historias e monicreques. Sede artistas como Diego!

AQUÍ TEMOS UNHA SELECCIÓN PARA LER, XOGAR E ARGALLAR SÓS OU EN FAMILIA.

DENTRO DA MATERIA DE LIBRE CONFIGURACIÓN: APRENDER A INVESTIGAR (QUE O ALUMNADO DE 4º E 6º DE PRIMARIA LEVAN A CABO NAS TITORIAS) TIVEMOS UNHAS SESIÓNS ESPECIAIS ONDE RAMÓN LOUREIRO, ESCRITOR E PERIODISTA NA VOZ DE GALICIA, VEU ACHEGARNOS A SÚA PROFESIÓN. ESTAS SESIÓNS ESTÁN ENMARCADAS NA CELEBRACIÓN DA SEMANA MUNDIAL DA ALFABETIZACIÓN EN MEDIOS E INFORMACIÓN A PROPOSTA DA UNESCO.

 NOTICIA MAR DE CEDEIRA DE RAMÓN LOUREIRO

QUEDADES TODAS E TODOS CONVIDADOS!

 O VOLUNTARIADO DAS BIBLIOTECAS ESCOLARES IES PUNTA CANDIEIRA E "CARLOS LABRAÑA", COA COLABORACIÓN DA BIBLIOTECA LÓPEZ CORTÓN, VEÑEN DE DOTAR DE DOUS PUNTOS DE LECTURA ÁS SALAS DE ESPERA DO CENTRO DE SAÚDE DA VILA E RENOVAR O XA EXISTENTE EN PEDIATRÍA.

ESTAMOS MOI LEDOS DE LEVAR O PRACER POLA LECTURA FÓRA DAS BIBLIOTECAS E FACER QUE O TEMPO DE ESPERA DE TODO O QUE VISITA O CENTRO  SEXA MOITO MÁIS AMENO.

AGRADECER A AUTORIZACIÓN Á DIRECCIÓN DO CENTRO DE SAÚDE.

PARABÉNS AO NOSO VOLUNTARIADO POR SEMENTAR SOLIDARIDADE!

COMO PODEDES OBSERVAR A BOA ACOLLIDA NON SE FIXO ESPERAR.