Skip to main content

LIA

LECTURA E FAMILIAS - BIBLIOTECA HUMANA #LecturaeFamilias #FamiliasnaBE #poloscreativos #bibliotecacreativa #bescolaresgal

 

Familias e alumnado compartindo contos e obradoiros.

Eva Blanco Damota, agasalla ao alumnado con "Punano" 

de Yolanda Castaño e "A vaca que puxo un ovo".

de Andy Cutbill. Posteriormente realizaron un

obradoiro nas salas da biblioteca escolar.

 

 

 

 

VISITA FAMILIAS - PORTAS ABERTAS - FORMACIÓN USUARIOS ADULTOS #Formacióndeusuarios #bescolaresgal #bescolaresgalabertas

O voluntariado da biblioteca escolar, específicamente os de sexto curso,

fixeron unha presentación a través da aplicación Canva, para explicar o

funcionamento dos diversos espazos da biblioteca e da escola.

Posteriormente, realizaron unha visita guiada por toda a escola

para explicar e amosar as instalacións e recursos.

 

Sempre contaron coa axuda e supervisión do profesorado da

biblioteca escolar e do coordinador de Polos Creativos.

 

 

 

LECTURA E FAMILIAS CONTACONTOS CHIBOS CHIBÓNS #LecturaeFamilias #FamiliasnaBE #poloscreativos #bibliotecacreativa #bescolaresgal

Familias e alumnado compartindo música e contos, tempos tenros para a infancia.

Aida Lozano e Agustín Berenguer López, agasallan ao alumnado con "Chibos Chibóns" , conto adaptado

por Olalla González, ilustrado por Federico Fernández e editado por Kalandraka.

 Agradecer á familia, a implicación e elaboración de

materiais para realizar o contacontos.

A Lúa Berenguer Lozano a incorporación de sons.

Foi moi lindo ver o que gozaron e o interese que

suscitou o movemento dos monicreques.

 

 

 

 

 

 

 

LECTURA E FAMILIAS CARLOTA PICOS #LecturaeFamilias #FamiliasnaBE #Nadal #poloscreativos #bibliotecacreativa #bescolaresgal

 

O alumnado de 3 anos tivo unha visita especial, a de Carlota Picos,

a mamá de David. Con ela realizaron un obradoiro de árbores de

Nadal de milfollas. Boa parte quedou nas fontes e foi ao forno,

outra a levaron posta. De seguro foi unha mañá máis que doce e divertida!

Esta é unha actividade enmarcada na Biblioteca Humana/Polos Creativos,

no programa "Lectura e familas" da Asesoría de Bibliotecas.

 

 

 

 

 

GALLETAS NADAL #Nadal #Cedeira #bibliotecacreativa #bibliotecainclusiva #bescolaresgal #bescolaresgalabertas

A biblioteca leva todo o mes ulindo moi ben!

A razón é que a cociña non para! Desta volta tocaron

galletas cos Vagalumes de 2ºC. En grupos cooperativos

prepararon unha tanda de galletas para meter no forno,

arrefriaron un día e ao seguinte as embolsaron e adobiaron

cunha manualidade de nadal que xa tiñan preparada

e reservada para esta ocasión tan especial.

 

 

 

 

 

CONVOCATORIA PARA AS FAMILIAS - FORMACIÓN DE USUARIOS #Formacióndeusuarios #bescolaresgal #bescolaresgalabertas

Agora é a quenda da comunidade educativa e os diferentes axentes sociais.

O vindeiro 15 de decembro, o voluntariado de 6º de primaria levará a cabo

unha formación de usuarios para as familias. Para realizar esta visita agradecemos

que vos apuntedes seguindo as indicacións do cartaz,

aínda que non queremos que ninguén quede sen facer a visita,

se é que pode vir no último momento.

A rapazada vos guiará pola Biblioteca Lía a través dunha presentación,

vos explicará que é a CDU, fará un mini xogo e vos acompañará a unha

visita guiada polas instalacións. A formación durará aproximadamente unha hora.

Esta formación é algo necesario e importante, as portas da biblioteca e da escola

ábrense ese día para que as familias coñezades un espazo cheo de recursos,

que alberga múltiples proxectos. Un espazo que é da rapazada pero tamén do pobo.

Esperamos vervos o 15 de decembro ás 12:30h. na Biblioteca Escolar "Carlos Labraña".

 

 

 

 

 

 

FORMACIÓN USUARIOS PROFESORADO #CDU #PLAMBE #bescolaresgal #bescolaresgalsbertas

Sesión de martes de tarde con Formación de Usuarios para o profesorado.

 

 

 

 

 

 

RECREOS NA BE "CARLOS LABRAÑA" #bescolaresgal #bescolaresgalabertas

Unha biblioteca na que collemos todas e todos,

con actividades diversas e un equipo de voluntarias

e voluntarios que son peza clave na organización

e funcionamento na hora de lecer.

 

 

 

 

 

 

OBRADOIRO DE GOMINOLAS #SamaínCedeira #bescolaresgal #bescolaresgalsbertas

Obradoiro de gominolas polo Samaín a cargo do alumnado de segundo A e B.

 

Un traballo en gran grupo cun resultado moi saboroso!

 

 

 

 

 

FORMACIÓN DE USUARIOS ALUMNADO #CDU #PLAMBE #bescolaresgal #bescolaresgalsbertas

Rematamos nestes días a formación de usuarios para o alumnado de 5 anos

a 6º de primaria, reparando en cousas importantes dentro da biblioteca,

a CDU e a axuda que nos presta para atopar ou colocar un libro, que tipos

 

 

de fondos atopamos en cada sala, que outros recursos alberga a nosa

biblioteca Lía, como podemos gozar deses recursos, cales son as normas

que permiten que a convivencia na biblioteca sexa diversa, pacífica,

fluida e na que todas e todos nos sintamos cómodos e respectados.

 

 

 

 

 

 

TRUE TRUE ROBÓTICA #poloscrativos #bibliotecacreativa #bibliotecainclusiva #LIA #bescolaresgal #bescolaresgalabertas

Na Biblioteca Creativa a programación de robots é unha das

actividades máis demandada pola rapazada, a tecnoloxía

leva implícita a motivación. Con esta premisa por diante,

iniciamos ao alumnado na lectura e interpretación de

secuencias de programación.

Nesta ocasión sobre a Prehistoria.

 

 

 

 

 

HORA DE LER #bescolaresgal #bescolaresgalabertas

A hora de ler é unha actividade imprescindible, dinámica e diversa,

pode desenvolverse en múltiples espazos, con diversidade

de textos, a calquera idade, pode ser individual, compartida...

O importante é brindarlles unha boa selección e que sexa

comprendida polo lector ou que teña outra

persoa que lle tenda unha ponte para interpretala.

 

 

 

 

 

NAVEGANTES #voluntariadonaBE #AliciaFreire #FamiliasnaBE #bibliotecacreativa #bibliotecainclusiva #LIA #bescolaresgal #bescolaresgalabertas

Ledos de compartir coa comunidade educativa, que onte non colleu

no Auditorio, o filme de Alicia Freire e a rapazada do voluntariado escolar,

esas mociñas e mociños que agasallan co seu tempo libre a outro alumnado.

Convidando a ler, organizando andeis, aconsellando xogos, lecturas, axudando a investigar...

Gracias Alicia, por ser como es, unha artista de pes a cabeza pero cunha sensibilidade

especial. Fuches quen de escoitar á rapazada e facer que a súa palabra tomase decisións!

Parabéns por esta fermosa curtametraxe!

Preparade panos!

 

 

 

 

 

 

QUE É UNHA ONG? - CLAUDIA PÉREZ RODRÍGUEZ #bescolaresgal #bescolaresgalabertas

O alumnado de sexto de primaria tivo a oportunidade de coñecer

de primeira man unha ONG, Plan Internacional.

Claudia Pérez Rodríguez, coa axuda dunhas fotografías

e vídeos foi comentando os diversos proxectos nos que están

inmersos, en Ucrania, Sudán... e a rapazada tivo a oportunidade

de resolver unha morea de curiosidades e dúbidas. 

Moitas gracias por participar!

 

Axenda 2030

 

 

 

 

 

GRAVACIÓNS FILME ALICIA FREIRE #voluntariadonaBE #arte #bibliotecacreativa #bibliotecainclusiva #LIA #bescolaresgal #bescolaresgalabertas

A semana pasada remataron as gravacións do filme que

Alicia Freire está realizando co alumnado voluntario da

biblioteca escolar. A rapazada está moi ilusionada coa rodaxe

e con moitas ganas de ver o producto final. Un traballo árduo

que Alicia Freire afronta día a día. Horas de gravacións, dedicación,

repasando cada unha das tomas, escollendo cada segundo, estabilizando imaxes,

cores, sons... de 53 navegantes. Non serán eles sós os protagonistas

tamén veremos adultos. Xa queda menos para a estrea, estade moi

pendentes ás próximas publicacións.

A Alicia Freire e ao seu Sherpa, Ares, gracias por tanto!

 

 

 

 

MAKING OF NAVEGANTES - CURTAMETRAXE ALICIA FREIRE VERA #voluntariadonaBE #arte #bibliotecacreativa #bibliotecainclusiva #LIA #bescolaresgal #bescolaresgalabertas

O voluntariado de lectura da Biblioteca Escolar,  que

desexou apuntarse,  continúa realizando as gravacións

para a curtametraxe dirixida por Alicia Freire Vera.

Cada día é unha nova oportunidade para aprender

sobre o mundo do cine: focos, cámaras, acción!

Non hai máis que palabras de agradecemento para Alicia,

que se desvive por ofrecerlles oportunidades inesquecibles para

aprender, valorarse, quererse, descubrirse...

Porque moita rapazada non sabe o que ten dentro, conectar con esa

persoa que veu abrir a chave dos teus desexos, sentimentos,

do que te move, da ilusión durmida é máxico.

Gracias Alicia!

 

 

 

 

 

 

OBRADOIROS DO ALUMNADO - MANUALIDADES #bibliotecacreativa #bescolaresgal #bescolaresgalabertas

Casan os paxariños e as manualidades xiran ao redor das mellores verbas e sentimentos.

Antía, Martina, Claudia e Iriana sacaron adiante un obradoiro de debuxo

amosando unha coordinación e preparación do taller excelente.

Bravas! Moitos parabéns!

 

 

 

 

MATEMÁTICAS NA BIBLIO #bibliotecacreativa #bescolaresgal #bescolaresgalabertas

A biblioteca non só oferta recursos para a lectura, somos unha biblioteca LÍA,

o que a configura  como un espazo de aprendizaxe dotado de recursos que favorecen

as metodoloxías activas e colaborativas, brindando experiencias de aprendizaxe inclusivas e equitativas.

Esta é unha mostra traballando no espazo web Penyagolosa Educa. Unha boa ferramenta para traballar o cálculo.

 

 

 

 

COCIÑA DE SAMAÍN #Samaín #EscribiraBE #bibliotecacreativa #bescolaresgal #bescolaresgalabertas

O venres o alumnado de 1º de Educación Primaria realizou diversas receitas de Samaín.

 

 

Escribindo e lendo os pasos dun texto instructivo conseguiron realizar unhas creacións moi saborosas.


 

Aquí están en acción.

Hai un anexo en pdf por se queredes probar na casa!

A gozar dun Samaín de medo e sabor!

 

 

 

 

COÑECES A BE "CARLOS LABRAÑA"? #bescolaresgal #bescolarersgalabertas

Somos sabedores das dificultades das familias para acudir á nosa biblioteca de xeito aberto,

como antes da pandemia, debido ás restriccións. Moitas delas incorporáronse xusto neste período

e non saben nin coñecen os espazos dos que gozan os seus fillos e fillas.

Queremos poñer un pequeno parche e abrir un buratiño na Biblioteca Carlos Labraña,

así podedes ollar como é un Laboratorio Creativo de Aprendizaxe, a nosa biblioteca Lía.

Imos recuperar algúns arquivos para amosarvos...

Polo 2019 veñen gravarnos dende a Asesoría de Bibliotecas e publican este vídeo tan bonito.

Dende aquela xa choveu e a biblioteca sufriú novas remodelacións. 

Nunha das salas incorporamos ata unha cociña, si na mesma biblioteca non lestes mal, non!

Nela tamén hai uns asentos bancadas para escoitar exposicións, autores, contacontos e mesas de

montaxe rápida para realizar os obradoiros. As mestras/es e incluso alumnado deseñan

estas actividades para poder gozalas todas as semanas. É un espazo que oferta múltiples usos.

 

Tamén temos un xardín interior para ler, conversar e facer zumes de limón no verán!

A Biblioteca "Carlos Labraña" está aberta a todo o alumnado e profesorado.

Por suposto tamén a toda a comunidade educativa. Temos habilitados uns

foros para que calquera persoa que se identifique faga as súas consultas.

Tamén podedes facelo a través do correo da biblioteca: biblio.nicolas.del.rio@gmail.com

ou seguirnos no Facebook ou no Twitter.

Nestes cursos buscamos proxectos para ter ás familias moi presentes e achegalas o máis que nos permiten,

como é o caso da Biblioteca Humana e que vos convidamos a participar.

Confiamos que para o vindeiro curso, o burato se abra totalmente deixando que a vosa marea nos inunde

e que as portas abertas para as familias sexan a nosa nova realidade.

 

 

Distribuir contido