Animación á lectura
CONTAVENRES "MONCHO E A MANCHA"
Hoxe, Antía García, Lucía Sestayo, Lucía Parga e Ana Mª Polanco, de 4º B, fixéronnos pasar un tempo moi divertido coa historia de "Moncho e a mancha", un libro de Kiko Dasilva", que nos demostra que todos e todas podemos ser verdadeiros artistas.
E por se iso fora pouco, ao rematar, cantamos o rap da historia.
Moitísimas grazas, mozas!
CONTAVENRES "DANI Y LOS DINOSAURIOS JUEGAN AL ESCONDITE"
Hoxe Antía García e Lucía Sestayo, de 4º A, axudados por Alexandra Sestayo, de 1º B, encheron a Biblioteca con dinosauros.
Contáronnos a historia de "Dani y los dinosaurios juegan al escondite", de Ian Whybrown e deixáronnos unhas fermosas láminas nas que fomos descubrindo onde estaban agochados eses animais.
Traballaron moito e fixérono moi ben, así que...
MOITÍSIMAS GRAZAS!
CONTAVENRES "UN CHOCOLATE MOI ESPECIAL"
O grupo de nenos e nenas de 2º A de Valores, axudados pola súa titora, prepararon o conto "Un chocolate moi especial", de Eva María Riber Herráez, un libro que fala das diferencias, neste caso, pola cor da pel.
Fixérono moi ben e todos os asistentes estiveron moi, moi atentos/as.
Grazas, rapaces, rapazas e titora!
CONTAVENRES "AUGUSTA E OS SEUS MEDOS"
Este venres, Daniela e Ainhoa, de 3º, proxectáronnos e léronnos o libro de "Augusta e os seus medos", de Sabela Fernández Trelles.
Con el ensináronnos como superar algúns dos medos que temos en moitas ocasións.
Fixérono moi, moi ben. Así que,
Grazas! e A seguir así!
CONTAVENRES "O SORRISO DE DANIELA"
No segundo trimestre seguimos cos nosos contavenres. Hoxe, Carmela, Marta, Paula, Sabela, Mencía, Ainara, Andrea e Xiana, de 3º A, contáronnos de marabilla "O sorriso de Daniela", un texto de Carmen Gil.
O certo é que traballaron moito na súa preparación, e o resultado foi excelente.
Moitas grazas e noraboa, rapazas!
CONTAVENRES "COMO ANTES"
Hoxe Lucía, Martina, Silvia, Adriana , Karla e Ainhoa, de 2º A, léronnos o conto "Como antes", de Ana Tortosa.
Nel, un neno vai lembrando, a través de fotografías como vivían algúns familiares noutro tempo, "antes".
Grazas por compartir connosco este momento!
CONTAVENRES "EN ALGÚN LUGAR DE CHINA"
Hoxe, Alba, Alejandra e Anxela, compartiron connosco o libro "En algún lugar de China", de Ana Folgueira. Elas prepararon monicreques e todo e fixéronnos pasar un tempo moi ameno.
Grazas, mozas!
CONTAVENRES "COLLER AS RENDAS"
Hoxe Lucía, Paula e Martina, de 2º de Primaria, recitáronnos uns poemas moi fermosos sobre animais como o galo, a cascuda, o can, unha vaca cachena, etc. do libro de Yolanda Castaño, " Coller as rendas".
Fixérono moi ben e dende aquí dámoslles as grazas polo seu traballo e interese.
Moitas grazas, rapazas!
CONTAVENRES DA IGUALDADE: "RICITOS DE OSO"
Hoxe, 25 de novembro, Día Internacional contra a Violencia de Xénero, na Biblioteca escoitamos e vemos a proxección do libro "Ricitos de Oso", de Stéphane Servant (Editorial Juventud).
Un pequeno osiño fíxonos reflexionar sobre os estereotipos e caer na conta de que non hai "cousas de nenos nin cousas de nenas".
CONTAVENRES: "OS BOLECHAS VAN Á MARIÑA LUCENSE"
Hoxe, Noa, Aíta e Ainhoa, unas rapazas de 3º de Primaria, léronnos "Os Bolechas van á Mariña Lucense", de Pepe Carreiro. Noraboa polo seu traballo e moitas grazas!
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »