CEIP Juan Fernández Latorre

Esta mañá, na que rematou o actual curso escolar, Imma e Eva, Presidenta e Secretaria da AFA do Centro, fixeron entrega ao alumnado finalista e gañador da convocatoria para deseñar un logo para a Asociación de Familias do Alumnado o seu premio: un vale por unhas clases de debuxo e pintura.

Despois de explicar que foi moi difícial elixir tres, porque a calidade dos traballos era moi boa, aínda resultou máis complicado otorgar un primeiro posto. Valoraron moitísimo todos os traballos e agradeceron a alumnado e profesorado a súa implicación.

O resultado foi:

3º Premio: Aitana Vázquez Vila (6º B)

2º Premio: Angelo Flores Farromeque (6ºB)

1º Premio: Ana Rivera Tomé (5º B)

Parabéns a todos e todas quen participastes, moitas felicidades aos finalistas e grazas tamén á AFA pola convocatoria e recoñecemento ao traballo realizado polo alumnado.

Entrega premios concurso logo AFA de CEIP Fernández Latorre

O alumnado admitido de nova incorporación ao centro deberá formalizar a matrícula do 20 ao 30 de xuño. Para máis información, fai clic na imaxe.

IMPRESO MATRÍCULA

ENQUISA GALEGO

Chegando xa ao remate do curso, deixamos aquí as ligazóns para acceder á circular de final de curso e ás listaxes de material de E. Infantil e libros de texto de Primaria para o vindeiro curso.

Lembrade que os ACTIVITY BOOK de 3º e 4º e  os libros de MÚSICA, hai que mercalos, porque son libros nos que se escribe e non poden usarse dun ano para outro.

CIRCULAR FIN DE CURSO

MATERIAL EDUCACIÓN INFANTIL E LIBROS DE PRIMARIA

Xa levamos uns cantos anos conmemorando este día en colaboración con outros centros educativos da cidade e a contorna, ademáis da colaboración coa UDC. Este ano tivemos que aprazar pola choiva, pero finalmente o xoves 30 de maio o celebramos en María Pita xogando os 400 alumnos-as a xogos alternativos como "Rosquilla", Twincon e NoqBall. Ao final xuntámonos todos-as para representar o noso logo +EF.

O pasado venres 24 de maio marchamos de peregrinos-as a Santiago e foinos así de ben.

CEIP Juan Fernández Latorre - A CORUÑA - VEXO VEO XACOBEO 23·24 from Turismo de Galicia on Vimeo.

Deixámovos unha pequena mostra do que foi a nosa viaxe a Madrid o pasado 22 e 23 de maio. Esta mobilidade enmárcase dentro do Proxecto Brotes Verdes e pretende ofrecer ao alumnado a experiencia de convivir con rapazada doutros centros e coñecer outras realidades. Para as mestras tamén foi moi enriquecedor xa que volvemos cargadas de novas ideas.

Acompoñounos un fantástico día na nosa habitual ruta entre Furelos e Ribadiso, onde o alumnado de 5ºEP realizou este fermoso tramo do Camiño Francés disfrutando das paisaxes e a convivencia cos compañeiros e outros peregrinos. Tamén aproveitamos para reforzar "in situ" contidos de historia e arte nos que estamos a traballar en ciencias sociais. Unha xornada redonda!!

A Consellería de Educación da Xunta de Galicia ven de publicar a convocatoria anual para beneficiarse dos libros gratuitos en primaria, así como as axudas para a adquisición de material escolar, para o vindeiro curso 2024-25. O prazo está aberto ata o 21 de xuño de 2024, e a presentación da solicitude pode ser presencial na secretaría do Colexio entregando os anexos I e II debidamente cumprimentados, ou ben presentando estes anexos-solicitude telemáticamente a través da aplicación Fondolibros ou en Chave 365.

• CIRCULAR INFORMATIVA DO COLEXIO
• ORDE PUBLICADA NO DOG
• ANEXOS I E II
• APLICACIÓN FONDOLIBROS
• SEDE ELECTRÓNICA DA XUNTA DE GALICIA 

Infórmase da publicación no taboleiro do centro das LISTAXES DEFINITIVAS DE ADMITIDOS E NON ADMITIDOS para o curso 2024-2025.