CEIP Juan Fernández Latorre

A Consellería de Educación da Xunta de Galicia ven de publicar a convocatoria anual para beneficiarse dos libros gratuitos en primaria, así como as axudas para a adquisición de material escolar, para o vindeiro curso 2023-24. O prazo está aberto ata o 21 de xuño de 2023, e a presentación da solicitude pode ser presencial na secretaría do Colexio entregando os anexos I e II debidamente cumprimentados, ou ben presentando estes anexos-solicitude telemáticamente a través da aplicación Fondolibros ou en Chave 365.

• CIRCULAR DO COLEXIO
• ORDE PUBLICADA NO DOG
• ANEXOS I E II
• APLICACIÓN FONDOLIBROS
• SEDE ELECTRÓNICA DA XUNTA DE GALICIA 

Estimadas familias, informamos que dende o 15  de maio podedes consultar no taboleiro do colexio as listaxes definitivas de admitidos-as e non admitidos-as para o vindeiro curso 23-24. Para a vosa tranquilidade avisamos de que non varían respecto das provisionáis.

MATRÍCULA DO NOVO ALUMNADO: Lembrade que é imprescindible matricular no centro ao novo alumnado admitido, entre os días 20 e 30 de xuño. A documentación necesaria e horarios de atención ao público dispoñibles facendo clic na imaxe.

• Impreso de matrícula debidamente cuberto (pódese recoller tamén en conserxería)
• Enquisa de uso da língua galega cuberto (pódese recoller tamén en conserxería)

• Este curso quixemos celebrar o día das Letras Galegas coa actividade “Espallando as Letras polo barrio”.

O noso alumnado copiou, ilustrou e gravouse lendo textos de Francisco Fernández del Riego para poder dar con eles unha sorpresa á veciñanza do barrio.

Se escaneades os códigos QR podedes escoitalos.

Agardamos que as persoas que reciban este agasallo nos distintos comercios e entidades do barrio lles faga moita ilusión, pois está feito con moito agarimo polo alumnado do noso colexio. 

Nesta presentación deixamos fotos do noso alumnado repartindo as bolsiñas cos textos:

Grazas os comerciantes e entidades de proximidade por colaborar nesta iniciativa!!!

• Entrega de premios ao alumnado que participou na actividade de Contos Compartidos en familia. Parabéns!!!

• Contacontos en familia na escola. Grazas familias por tanta colaboración!!!

• Agasallamos ao alumnado con marcapáxinas e díptico do Seminario Galán do que formamos parte.

• E aquí tedes a nosa revista escolar con algunhas das noticias acontecidas este curso, esperamos que vos guste moito!!!

Que pasedes un feliz Día das Letras Galegas!!!!

Este ano a Real Academia Galega dedícalle a Francisco Fernández del Riego o Día das Letras Galegas.

Aquí tedes diferentes recursos educativos para coñecer mellor a súa vida e obra. Recomendarvos:

• A páxina do Seminario Galán, con gran variedade de xogos interactivos, actividades en papel, escolma de textos...

• A páxina “Primavera das Letras”:

Destacar este fermoso filme “A orixe da nosa lingua guapa” producido pola Real Academia Galega a partir dunha idea de Fina Casalderrey.

E a canción do libro-disco LINGUA GUAPA, Cantos que Contan, de Fina Casalderrey e Néstor Blanco, publicado pola Editorial Galaxia.

• O Portal da Lingua Galega:

Neste 2023 quixemos recuperar a idea non realizada do ano da pandemia polo COVID. Realizamos unha complexa organización entre os seis centros participantes para xogar entre todos-as a catro deportes emerxentes e novedosos que comezan a introducirse no ensino dende hai poucos anos, son Kinball, Noqball, Datchball e Tag Rugby. Así os colexios de Victor López Seoane, Salesianos, San Pedro de Visma, Novo Mesoiro, Curros Enríquez e Juan Fdez Latorre conmemoramos o Día da EF na rúa, solicitando máis horas de EF nos colexios e máis e mellores instalacións deportivas na cidade. Agradecemos a colaboración ao COLEF- Galicia, ao CRAT Coruña e ao Concello de A Coruña.

 Todos e todas sabemos que o mes de abril é o "mes dos libros".

Ler é moi, moi divertido e entretido, e para demostralo, propoñémosvos a seguinte actividade:

Retámosvos a que enviedes unha foto divertida e orixinal vosa (ou de calquera da familia, amizade, etc.) cun libro.

Pode ser de calquera tipo; deixade voar a imaxinación, mergulládevos nalgún libro e xa veredes que foto marabillosa conseguides.

As fotos debedes mandalas ao correo da biblioteca do cole:

osonosnagaiola@gmail.com

Irémolas publicando ao longo de todo o mes de abril na web do cole.

Tedes todo o mes  facelo, así que:

Adiante!

ABRIL 2023 de Dolores

Iniciamos o terceiro trimestre do curso e xa temos planificadas a maioría das actividades complementarias e extraescolares para os diferentes cursos neste tramo final. Podedes ter información de elas facendo clic na seguinte imaxe. Lembrade que é un documento que pode sufrir variacións en función das previsións meteorolóxicas ou outros factores, en todo caso sería actualizado.

Velaquí o traballo de todo o alumnado do cole para conmemorar o Día de Rosalía de Castro e o 8 de Marzo, e que seguro vos sacará máis dun sorriso. Sementando Galego!!! 

 Preme nas imaxes

Entre o 1 e o 20 de marzo está aberto o prazo para presentar solicitudes de admisión de alumnado para o vindeiro curso escolar 2023-2024. A presentación pode realizarse tanto por vía telemática, como presencialmente na secretaría do noso colexio en horario de atención ao público. (Non é necesario solicitar cita previa). A continuación tedes toda a información actualizada necesaria para preparar e presentar as vosas solicitudes.

• SOLICITUDE ORDINARIA : GALEGO - CASTELÁN
• SOLICITUDE EXTRAORDINARIA  GALEGO - CASTELÁN
• CIRCULAR INFORMATIVA CON VACANTES OFERTADAS
• DOCUMENTACIÓN NECESARIA
• HORARIO DE SECRETARÍA
• CRITERIOS DE VALORACIÓN
• RÚAS DA AREA DE INFLUENCIA DO NOSO COLEXIO
• MAPA DE ZONAS DE COLEXIOS DE A CORUÑA
• SORTEO PRIORIDADE NO CASO DE EMPATE A PUNTOS

Este ano retomamos a plena normalidade e polo tanto realizaremos a tradicional XORNADA DE PORTAS ABERTAS O VINDEIRO LUNS 6 DE MARZO ÁS 18,15H. Tamén poñemos a vosa disposición dúas presentacións de imaxes das instalacións do colexio, unha delas con fotos en 360º. Tamén un lip dub feito hai uns anos, pero que fai un divertido percorrido polo colexio. Por último contades cun tríptico e un documento de preguntas frecuentes que aportan moita información sobre o funcionamento, dependencias e persoal.