En Primeiro xa empezamos a traballar no Patrimonio Cultural de Arzúa, empezamos polos PAZOS, un tipo de construción rural de determinadas características.

Se queredes ver máis preme na imaxe 

E como todo pazo ten o seu escudo, investigamos algúnha posibilidade do noso apelido

Xa chegou a primavera!

Os nenos e nenas de 1º A quixemos reflexala coas nosas dotes na pintura dunha maneira distinta, utilizando a técnica da acuarela para amosarvos a variedade , o colorido e o noso interese por intentar facelo o mellor posible

Esperamos que vos guste a Primavera de 1º A e para visitar o noso peculiar museo pincha aquí

Os rapaces e rapazas de 1º A xa fomos nomeados damas e cabaleiros da excelentísima Orde dos Lectores, proposta polo equipo da Biblioteca.

Con este nomeamento comprometémosnos a defender e protexer a eses seres inanimados , á vez tan fantásticos e tan máxicos, OS LIBROS.

O acto foi moi maxestuoso , tal como esixía o acto, para vernos pincha aquí

Con motivo da profesión de escritor/a e ilustrador/a, os nenos e nenas de 1º A van facer un libro titulado O NOSO LIBRO VIAXEIRO onde cada un fará o seu conto co personaxe que lle sexa asignado e para a súa ilustración poderá empregar a técnica que elixa, a que máis lle guste ( collage, debuxo, recortes, fotografías...)

A nova, en primicia , é que o de viaxeiro vai polo de ir de casa en casa para facer esta profesión de escritor e ilustrador axudados , como ata agora, pola insustituible colaboración de pais e nais. Cada neno/a terá unha semana, de venres ao seguinte luns para facer o seu conto e ilustralo, claro está. Rematado ese prazo traerá de novo o libro viaxeiro para que o leve outro compañeiro/a e así sucesivamente ata que o fagan os catorce fantásticos alumnos e alumnas desta clase.

Cada conto non pode ocupar máis dunha páxina polo dous lados. Así ao remate desta actividade terán un libro feito por eles mesmos, escrito e ilustrado , un gran mérito profesional, que é iso o que se pretende

Estou segura que o noso libro viaxeiro vai ser un éxito!

Os nenos e nenas de 1º A estamos a participar nunha actividade proposta dende o equipo da Biblioteca para ordenarnos cabaleiros e cabaleiras e ¡ xa falta moi pouquiño! ata incluso estamos practicando o ritual do nomeamento...

Temos que ler dous libros de lendas medievais e... xa rematamos hoxe o último

¡NON VOS DAMOS ENVEXA!

Noraboa aos nenos e nenas de 1º A que xa teñen o seu recuncho na páxina web do seu cole...

Algunhas das actividades que fixeron e están a facer, se queres velas pincha aquí