1º e 2º nivel de Primaria

DÍA INTERNACIONAL DA ACCIÓN POLOS RÍOS en 2ºB, 14 de marzo

O 14 de marzo celébrase o Día Internacional de Acción dos Ríos coa intención de coidar e protexer unha das principais fontes de auga limpa de todo o planeta, así como concienciar á poboación para o coidado e protección deste valioso recurso. natural esencial para a vida.

Os ríos son moi importantes xa que son correntes de auga doce que nacen como consecuencia da choiva, as fontes, a neve e o xeo. Están espallados por todo o planeta, sendo o río Amazonas o máis longo do mundo. A súa orixe pode darse a través dun manancial, un lago ou polo derretemento dun glaciar.

No seu interior vive unha diversidade de fauna e flora de gran valor. Tamén podes atopar moitos minerais que contribúen ao equilibrio perfecto destes ecosistemas.

Na clase de 2ºB elaboramos un esquema coas accións mais importantes para levar a cabo para coidar este elemento tan importante da natureza:

       

 

 

ENCONTRO CON MARÍA CANOSA, 15 de marzo

A merca e a lectura do libro titulado A FÁBRICA DE BICOS fixo que a escritora do mesmo se achegara ao centro, María Canosa. Foi unha xornada moi interesante onde reconstruimos a historia partindo da falta de memoria da propia escritora. 

Este libro, segundo a escritora, parte da idea da súa filla Mariña a que non lle gustan os bicos. 

Tamén comentou que a idea de que sexa unha porquiña a protagonista non ten nada que ver, xa que o ilustrador, Dani Padrón, cando se lle encargou o traballo, dixo que non podía ser outra que unha porquiña, con esos beizos preparados para saír e lanzar bicos.

 

 

Adicounos os libros preguntándonos cales son os bicos que mais nos gustan...cantos sabores diferentes!

 

O alumnado de 2ºB coa escritora

PROXECTO COMPETENCIAL DE 2º NIVEL DE EP

E seguimos coa sementeira para obter plantas diferentes... Hoxe tocou remolacha, cebolo, leituga e acelgas.

        

Agora toca esperar e coidar día a día as nosas sementes!

 

DÍA DAS MATEMÁTICAS E DIA DO NÚMERO PI en 2ºB o 14 de marzo

O 14 de marzo conmemórase o DÍA DAS MATEMÁTICAS e DO NÚMERO PI, polo que na nosa clase de 2ºB decidimos organizar algo xa que as mates é unha das asignaturas preferidas: brílannos os ollos!!!

O Día do número PI, ese número constante 3,14 que forma parte de todo o redondo que podemos ver nas nosas vidas, celebrámolo co visionado dun video informativo e logo decoramos con creatividade ese símbolo matemático:

  

O tema para 2024 do Día das Matemáticas é: "Xogando coas matemáticas".

A organización proponnos celebrar esta data con xogos matemáticos e outras actividades lúdicas pero tamén "xogar" coas propias matemáticas, explorar, experimentar e descubrir.

            

VIAXAMOS CON GOOGLE EARTH en 2ºB

A partir de agora todos os martes empezamos a traballar con ordenadores portátiles na aula...toda unha aventura!

  

Foi este martes un primeiro contacto: acendido, apagado, programas...e ademais viaxamos a diferentes lugares de Planeta coa aplicación GOOGLE EARTH. 

Encantounos!

Viaxar mediante esta aplicación permiteunos ir a moitos sitios que investigaramos no proxecto MOCHILEIROS E MOCHILEIRAS POLO MUNDO.

Tamén aproveitamos para investigar sobre Jorge Peteiro, pintor escultor coruñés no que imos traballar na saída do 20 de marzo ao MUNCYT.

TAZAS AGRUPADAS QUE XUNTAS FAN UN 8M MARABILLOSO en 2ºB

Cando nos xuntamos acompañados e acompañadas dunha boa taza de chocolate, bebida que nos encanta e sobre todo con churros, podemos (en equipo) acadar os nosos soños e sobre todo a enerxía para loitar pola IGUALDADE.

ÚNETE A NÓS!

           

SEGUIMOS CO 8M en 2ºB de EP

Na nosa clase queremos que 8M sexa todos os días do ano, onde predomine o lema dunha muller que admiramos

 “Enamórate de ti, de la vida y luego de lo que tú quieras” de Frida Kahlo.

E para iso seguimos traballando nesta temática A IGUALDADE ENTRE MULLERES E HOMES escoitando de fondo unha cancion de Miley Cyrus: Flowers, que nos dá sentido ao que traballamos e o que di Frida.

Para iso deseñamos uns broches moi orixinais:

E un fermoso vídeo cos nosos 17 puños para loitar, onde nos encantou tatuar os nosos antebrazos con diferentes símbolos:

 

8M en 2º nivel de EP

Un 8 de marzo, con motivo do Día Mundial da Muller, o cantante e poeta Marwan decidiu lanzar estes fermosas palabras nas redes sociais "adicados á muller, á súa forza, á súa valentía". 

Partindo desas palabras traballamos, na clase de 2ºB, contidos relacionados con esta conmemoración poñendo énfase na procura da igualdade entre sexos.

COMPAÑEIRAS

O mellor que pode facer un home cando ve a unha muller bicar ao seu fillo, cando ve a unha muller romperlle o inverno na cara e romperlle as costas para o resto, é retroceder, mirar con atención, erguerse. Escandar dixo que alí onde miraba só vía mulleres loitando. Mulleres cargando, mulleres abrindo, mulleres curando. Nais que rompen o corazón agachándose para quitar as pedras que puxeron no teu camiño, para que eu non tropece.

Sempre as veredes preparadas, lobas que amamantan, coidan dos seus cachorros, coidan de todo, nais de brazos abertos, peito aberto, alma aberta. Son perfectas polo simple feito de existir, de ter nacido, de devolver ese agasallo dando a luz outra vida. Deberías aplaudilas mentres as ves pasar, limpando o mundo, cos seus fillos, con febreiro detrás, encargada da casa, encargada da produción, da vida. Están por todas partes, abrindo o camiño, achegándoche luz, borrando as pantasmas da túa fronte.

Mulleres ás que lles apuñalan os cóbados para que non ascendan na orde social que establecen os homes porque o deben ao fogar. Mundo de homes, mulleres comedidas, mundo patriarcal, mundo doente, mulleres botadas, mulleres sen Edén. Limitándose a amar, ver a distribución desigual do poder e seguir amando. Mulleres que aman, división sexual do traballo, mulleres que aman, obstáculos para o ascenso, traballo non remunerado (amar e calar), mulleres que aman, competentes pero que non destacan, mundo patriarcal, mundo doente, mundo doente, mundo doente.

Muller de publicidade para que o goces, para que o mires, obxeto muller. Muller bombardeada: Epilady®, Axe®, Nivea®, complexos e máis complexos, vendas e máis vendas.

Mulleres que obrigamos a ser nais, amantes, xarrón, costela, Cenicienta, cociñeiras, educadoras, costela de Adán, felpudo, vinte e catro sete, sempre perfectas, costela e culpable, pecado orixinal, sempre preparadas como eu quero, como queren os homes, sempre a man. E non só costela, e non só María Magdalena, e non só prostíbulo, tamén burka, Juana La Loca, tamén escisión, Xoana de Arco, matrimonios concertados, tamén Penélope, Casandra, tamén Pandora, tamén culpa, non só costela.

Violencia doméstica, con malleira ou sen, xustificacións, costumes, escusas, normas sociais aceptadas, aceptadas por todos porque non temos a valentía de reiniciar o mundo, con eles ao mando, con nós no control, con todos no control, tribunais que exonerar.

Se non as ves eres un idiota! Están loitando, rompendo o corazón por todos. Moitos din que se gobernasen o mundo non habería guerras. Ninguén animaría a matar o neno que outra muller levaba no seu ventre porque só eles conciben a dor interminable de perder un fillo. Nunca privarían a outra nai do milagre de selo. Nunca. Nunca o farían.

Só quero que descansen, que as deixemos descansar, que este século pouco a pouco lles devolva o que perderon, os seus horarios, que deixen de limpar o noso camiño, de resolver os nosos crucigramas, de que xa teñen abondo cos seus, de que xa lles abondo. as súas pantasmas, que elas esquecen e as miñas, as túas.

O espello de Frida, o espello de Szymborska, o espello de Rosa Parks, as nais da Praza de Maio, Mafalda, Femen, Simone de Beauvoir, as mulleres na loita contra a historia, as mans da Madre Teresa de Calcuta, Indira Gandhi, Victoria Kent e a súa mirada. no preso. O exemplo, o camiño marcado.

Nais, mulleres, irmás, parellas, compañeiras, eternas, compañeiras, milagre, compañeiras, sen dono, compañeiras, sempre, compañeiras.

E para completar esta actividade puxemos en marcha unha técnica plástica chamada entintado nun debuxo que o mesmo autor presentou na portada dun libro titulado TODOS MIS FUTUROS SON CONTIGO, onde un home abra unha peza de xadrez moi importante que representa a muller, a REINA.

 

        

PROXECTO COMPETENCIAL DE 2º NIVEL DE EP

Seguimos coa sementeira para obter plantas para o noso horto da clase: cenorias, ceboliños, rabanetes...

         

Seguimos plantando e informando do avance desta materia de 2º nivel de EP

PROXECTO COMPETENCIAL DE 2º NIVEL DE EP

Dende que sementamos ata o día de hoxe ás nosas plantas foron medrando, cada semente dunha maneira distinta. Todos os días observamos os cambios que van acontecendo e traballando diferentes especies con esta actividade:

    • 9 fabas
    • 9 lentellas
    • 9 garavanzos
    • 9 cabazas

    

Hoxe  faremos unha gráfica, un diagrama de barras,  onde cada alumno/a recollerá os pertinentes datos: será unha táboa de dobre entrada, por un lado as plantas e por outro as medidas acadadas neste periodo de tempo.

   

Aproveitamos tamén para deixar constancia do desenvolvemento gráfico dunha semente, unha faba, despois dun proceso de investigación:

  

Powered by Drupal - Design by artinet