Bo día amantes da música! Este segundo trimestre os alumnos de 5º traballaron de novo no proxecto dos podcast, esta vez investigando e traballando con diferentes estilos musicais.

Temos ao grupo "Os de Galiza" falando do Rock'n Roll:

O grupo "Los músicos del bosque" falando do Pop e do Pop rock:

E por último, o grupo "Stranger Music" falando do Blues e o Jazz! :

Un aplauso para todes eles! Cada vez traballan mellor buscando información e recursos e vanse adaptando ao traballo en equipo, que non é nada doado!

Para as nosas investigacións utilizamos blogues de internet como a Wikipedia, e un libro moi interesante sobre a evolución da música e os grandes artistas de cada un dos diferentes estilos musicais, " Maestros de la música. Una historia de la música para niños" de Mick Manning e Brita Granström. 

Desfrutade da música!

Os alumnos e alumnas de 4º EP prepararon por grupos pequenas presentacións para explicar solfeo aos seus compañeiros do CEIP de Arzúa. Queredes estudar con eles? A ver que tal o fixeron na súa primeira presentación como mestres e mestras de música :)

Esta semana celebramos o 8M, Día da muller, e para a ocasión, en Música estivemos traballando con moito entusiasmo nunha versión en galego do tema "Así bailaba" de Amaia e Rigoberta Bandini, que transforman unha canción popular na que unha nena "non pode xogar porque ten que fregar" nun grito á liberdade e ao optimismo que rima " a nena non pode lavar poque ten que bailar". Coa enerxía de todos os nenos e nenas dende infantil ata Primaria, a cooperación das mestras e compañeiras, e a axuda inestimable dos alumnos e alumnas de 4º, 5º e 6º de EP que se esforzaron moito co seu papel de protagonistas levando a voz cantante do tema, o noso videoclip quedou tal que así... agardamos que vos guste!

Boa tarde!

Aquí deixo un par de vídeos para que os nenos e nenas de 1º e 2º EP poidan repasar os ritmos do libro.

1º EP --> Páx. 20 do libro

2º EP --> Páx. 19 do libro

Os vídeos estarán dispoñibles online ata o día do exame.

Bo día!

Déixovos aquí o vídeo dos alumnos e alumnas de 1º A e B bailando as cancións do tema 3 do libro, para que poidan practicar na casa cando queran. As cancións atópanse nas páxinas 17 e 18. 

Xa as saben moi ben! E tamén axudaron a crear a coreografía :)

Os rapaces e rapazas de 3ºA cantando "Blanca Navidad" para despedirmos antes das vacacións de Nadal. Tan só tiveron unha clase para preparala e estaban un pouco nervioses, pero con esforzo todo paga a pena!

Felices vacacións!

Shadia

Non tivemos moito tempo para ensaiar, pero os nenos e nenas de 2ºA quixeron celebrar o nadal na clase de música improvisando estas panxoliñas!

Desfrutade as vacacións!

Felicitación cun toque Wednesday

Os alumnos e alumnas de 6º EP do CEIP de Arzúa preparan esta felicitación de Nadal un poco diferente... co baile de moda de tiktok de Wednesday Adams!

Shadia

Este trimestre, os alumnos e alumnas de 5º de Primaria traballaron en grupos para crear un podcast sobre Música Popular. É a primeira vez que preparan un proxecto de investigación musical tan laborioso e a verdade é que... non se lles da nada mal! Queremos compartir convosco algún dos podcast, así que aquí tedes aos locutores de Stranger Music que nos falan da importancia da música popular e tamén falan da música tradicional doutras culturas.

Shadia

Xa estamos os nenos e nenas de 5º en plena celebración!!!!

acadaremso algún premio? 

COIDAMOS QUE SÍ !!!!