E agora que facemos?
O Apalpador non é o único personaxe que habita nos montes e baixa aos pobos e ás vilas no Nadal... noutras partes do mundo, fóra de Galicia, hai outros personaxes semellantes que debemos coñecer. Queremos que lle fagades un carné de identidade a cada un destes personaxes: o Tió de Nadal, o Olentzero, o Esteru, Sinterklass, Ded Moroz, Joulupukki, Stekkjastaur, a bruxa Befana e, como non ao noso benquerido Apalpador.
O carné de identidade destes personaxes terá que levar:
- un debuxo feito por vós
- o seu nome
- o seu lugar de procedencia
- o seu oficio
- os regalos que fai
Primeiro terás que imprimir os carnés, e logo cubrilos. Para imprimilos preme no carné que colocamos aquí abaixo e se abrirá un documento en pdf que podes imprimir facilmente.
Logo imprime tamén este mapa, premendo nel e imprimindo o documento que se abra, e sitúa no seu fogar a cada un dos personaxes seguintes:
- O apalpador
- Olentzero
- Tió de Nadal
- Esteru
Continúa á páxina seguinte onde terás os enlaces ás páxinas nas que podes atopar información sobre estes personaxes.
| Anexo | Tamaño |
|---|---|
| carne.pdf | 17.4 KB |
| mapa.pdf | 197.44 KB |
