Para o experimento deste mes empregaríamos únicamente dous materiais:

• Coca-cola
• Mentos

Como sempre plantexamos as nosas hipóteses de que sucería e como deberíamos facer o experimento.  

Cal das hipóteses sería a máis próxima o resultado final que poderíamos observar? 

Despois de facer unha proba entre todos e todas, chegou o momento de que cada un dos equipos reproducise o experimento, para verificar que sempre sucedía o mesmo tal como dicta "o método científico".    

Contaron 3 mentos, un para un dos integrantes do equipo, e organizáronse para poder meter os caramelos á vez, e para poder escapar antes da "explosión" ;)

O resultado final foi tan sorprendente como divertido... conseguimos producir "unha explosión de coca-cola" despois duns segundos.

Mantivemos diálogos para plantexar as nosas teorías de "porque sucedía este fenómeno".   

Tan só nos quedaba plasmar as observacións, deste cuarto experimento do curso, no noso caderno de campo.

Nesta ocasión, serán os compañeiros e compañeiras de EI 1 os encargados de crear o vídeo explicativo deste experimento. Poderás velo nesta mesma web unha vez dispoñible, accedendo ó apartado de videos > experimento, no recanto de infantil. 

Lembra que, ata qeu estea dispoñible nuns días, podes acceder ós vídeos dos experimentos anteriores desde aquí.

Durante as pasadas semanas na nosa aula, durante o mes de abril, sucedeu todo isto que xa vos contamos en entradas anteriores:

29/04/21: [Infantil xuntos] (2020-2021) ECO BIO SAN 2.0 - Os de infantil plantamos berenxenas no invernadoiro 
24/04/21: (2020-2021) Así celebramos os aniversarios do mes de abril 
19/04/21: (2020-2021) Descubrimos o MBOT, e moito máis, nas experiencias de robótica na aula. 
12/04/21: (2020-2021) Experimentamos cun fluido non newtoniano... queres ver o como o explicamos en vídeo? 
06/04/21: (2020-2021) INFANTIL 2 - Xa podes ver o documental que fixemos sobre os ponis

Pero ademais tamén nos embarcamos no seguinte:

Comezamos a anotar tamén a temperatura no noso calendario online.

Continuamos a anotar os libros que levamos para casa os venres.

O noso dicionario xigante, continúa a medrar coas nosas palabras favoritas de cada letra. Tamén vai medrando o noso calendario individual.

Continuamos a anotar as merendas saudables no panel "do profe Paulo".

O encacargado, ademais de todo o que ten encomendado ese día, non pode esquecerse de darlle de comer a "Rayo" e Evan, as nosas tartarugas.

Creamos unhas bolas de lana e cola para pendurar no corredor, xunto ós compañeiros e compañeiras de Infantil 1. 

Pola semana do libro participamos na idea plantexada desde a Biblioteca do colexio: facer uns corazóns cos nosos libros favoritos.

Continuamos a desenvolver as nosas habilidade artísticas coñecendo, e reinterpretando con diferentes técnicas, cadros famosos.

Creamos estes fantásticos colares, como regalo para as nosas nais.

Que sucederá no mes de maio que agora comeza?... Poderédelo descubrir neste mesmo blog, nas sucesivas entradas que iremos publicando.

Pese a tódalas restriccións como consecuencia da COVID-19, que nos impiden facelo como en cursos anteriores, así celebramos os aniversarios do mes de abril.

Este mes os homenaxeados eran NEREA e o profe ÓSCAR, tal como tiñamos anotado no noso calendario online e en papel.

Non podía faltar a coroa de homenaxeada e a camiseta de agasallo que lle fixemos entre todos e todas.

O día da celebración, despois de cantar as cancións "do anivesario", en varios idiomas, sorpou a candea co número de anos que cumpría, nunha tarta "de mentiras".

Como xa vos fomos contando en entradas anteriores, estivemos traballando con diferentes robots na aula.

Durante as últimas semanas incorporamos ó M-BOT á nosa "familia robótica".

Descubrimos e observamos tódalas partes que tiña, como se acendía e como programalo. 

A diferencia dos outros que xa coñecíamos, este programábase empregando un programa no ordenador. "O programa do panda".

Con diferentes instrucións conseguimos que camiñase e parase, e ata logramos que marcara goles na portería empuxando unha pelota. 

Tamén escribimos mensaxes na súa pantalla traseira, debuxándoo no programa da pantalla.

Descubrimos como programar o Beebot a partir da interpretación de códigos escritos na pantalla.  

Xogamos tamén a descubrir cal era o código que lían os Ozobots, e a que tarxeta se correspondía cada un deles, a partir da observación das accións e movemento do robot, ó pasar sobre eles.

Logo, xa por equipos, xogamos a adiviñar os códigos que iamos poñendo uns ós outros

Este mes experimentamos con auga e fariña de millo, como sempre antes de levar a cabo o experimento, plantexamos hipóteses sobre o que se podería facer con estes materiais e cal sería o resultado final.

Fomos mesturando os dous materiais ata conseguir facer unha pasta moi "pringosa".

Esa pasta, que o profe nos dixo que se chamaba "fluido non newtoniano", "facía cousas moi raras". Cando lle dabas un golpe forte estaba moi dura, pero cando o facías a modiño estaba branda.

Cada un de nós, os que quixemos, fomos probando se nos funcionaba a todos e todas.

Tan só nos quedaba gravar o vídeo onde explicaríamos como facer este experimento. Así todo o mundo podería pasalo tan ben coma nós.

Pero antes de comezar a gravación había que preparar o panel de materiais...

... e tamén poñerse dacordo en que contaríamos, como o faríamos e en que parte do vídeo falaría cada un dos integrantes do equipo "TIBURÓN"; encargados este mes de gravar o vídeo.

Así quedou o noso vídeo, unha vez rematado. Agora xa podes tentalo na casa ti tamén.

Finalmente anotamos as nosas observacións no caderno de campo dos experimentos.

Lembra que podes acceder ós vídeos dos experimentos anteriores desde aquí.

Xa temos rematado o noso documental sobre os ponis, despois da investigación que levamos a cabo durante os últimos meses. Queres velo?

Podes ver os pasos previos desta investigación nas seguintes entradas publicadas neste mesmo blogue:

14/11/20: (2020-2021) Decidimos investigar sobre os PONIS para crear un documental. Tes algunha información?

27/11/20: (2020-2021) Seguimos coa nosa investigación sobre os “ponis”. Xa temos as primeiras respostas. 

18/01/21: (2020-2021) Continuamos a nosa investigación sobre os ponis e atopamos dúas novas respostas.

26/02/21: (2020-2021) Atopamos novas respostas na nosa investigación sobre os ponis

27/03/21: (2020-2021) Rematamos a investigación sobre os “ponis" e comezamos a preparar o noso documental

Ó longo do mes de marzo, antes de marchar de vacacións, tal como xa vos contamos en entradas anteriores, rematamos a nosa investigación sobre os ponis, celebramos os aniversarios, continuamos a traballar con robots na aula, recolleitamos a nosas leitugas do invernadoiro, continuamos co préstamo de libros para casa os venres e a completar o noso dicionario xigante.

Pero ademais de todo iso, tamén sucedeu na aula de infantil 2 o que vos contamos de seguido:

O encargado continuou a desempeñar as súas funcións cada día: facer o rexistro diario no calendario online e levar a cabo todas as responsabilidades "asociadas ó cargo" ;)

Se esquecerse de coidar ás nosas tartarugas: RAYO e EVAN.

Polo día internacional dos bosques, xunto cos compañeiros e compañeiras de Infantil 1, e co resto de compañeiros e compañeiras do colexio, plantamos dúas árbores no patio: unha pereira e unha maceira.

Continuamos a desenvolver os nosos "pilares de pensamento", usando o diálogo, xogando a pensar (filosfía para nenos/as), con diferentes vídeos e xogos de imaxes ocultas.

Celebramos o día internacional das mulleres, visualizando un vídeo no cal descubrimos que tódalas profesións poden ser desempeñadas por igual por homes e mulleres.

Fixemos un chaveiro como regalo para os nosos pais, usando unhas planchas de pástico, que no forno se facían pequenas e moi duras.

Por suposto tamén houbo que crear o papel de regalo para empaquetalos. 

Así era o interior dos paquete de regalo que recibiron os homenaxeados. 

Coa profe Susana pintamos grandes dexubos con tiza nos muros exteriores do colexio.

Continuamos a desenvolver a nosa creatividade, reinterpretando cadros de pintores famosos: A noite estrelada (Van Gogh), Muller tirando unha pedra a un paxaro (Miró) e Sementando ó solpor (Van Gogh).

Para elo fomos emprengando diferentes técnicas: pintamos con témpera, sobre lixa, pegando papeis e mesmo "cos pes".

Cada semana, coas nosas creacións, vai cambiando a exposición pictórica que temos na aula.

Nos últimos días completamos o noso boletín de auto-avaliación, onde plasmamos e lembramos algúns dos feitos que tiveron lugar neste trimestre. Que rápido pasou o tempo!

Tan só restaba preparar todo nas nosas carpetas para levalo para casa.

Agardamos que aproveitedes esta semana de vacacións e  vémonos no vindeiro trimestre para continuar a contarvos todo o que sucede en Infantil 2.

Durante as últimas semanas rematamos a nosa investigación sobre os ponis para atopar as últimas respostas ás nosas preguntas.

Unha vez rematada, puidemos comezar a planificar a gravación e creación do documental, que nos plantexaramos como producto final socialmente relevante deste proxecto.

Podes ver os pasos previos desta investigación nas seguintes entradas publicadas neste mesmo blogue:

14/11/20: (2020-2021) Decidimos investigar sobre os PONIS para crear un documental. Tes algunha información?

27/11/20: (2020-2021) Seguimos coa nosa investigación sobre os “ponis”. Xa temos as primeiras respostas. 

18/01/21: (2020-2021) Continuamos a nosa investigación sobre os ponis e atopamos dúas novas respostas.

26/02/21: (2020-2021) Atopamos novas respostas na nosa investigación sobre os ponis

Tan só nos restaban dúas preguntas para dar por rematada a nosa investigación, así que decidimos investigalas todos xuntos.

Usando diferentes vídeos que tiñamos no recanto virtual da información, así como na información que tiñamo no recanto da aula, atopamos as respostas que estabamos a buscar.

Descubrimos que si lles poñían adornos, e así o plasmamos no mural.

Tamén atopamos a resposta de se cazaban e quen lle daba a comida.

Acordamos plasmalo deste xeito no mural da investigación.

Con estas dúas preguntas a nosa investigación xa estaba rematada. Deste xeito quedou o noso mural completo con tódalas respostas atopadas, amosando o gran proceso que levamos a cabo durante as últimas semanas.

Planificando e gravando o documental:

Unha vez rematada a investigación chegou o momento que estabamos agardando, poder comezar a planificar e gravar o documental.

Acordamos o que queríamos contar, de todo o descuberto na investigación.

Tamén acordamos que parte/aspecto contaría cada un de nós, tanto de modo individual como dentro do seu equipo. Para elo completamos unha táboa que poder ir usando como guía.

Marcamos no noso calendario online, as datas en que faríamos a gravación das diferentes escenas.

Tan só faltaba poñernos mans á obra para ir gravando as diferentes partes do documental, tal como tiñamos planificado.

Como xa coñecíamos como funcionaba o "croma verde", sabíamos que posteriormente teríamos que poñer no seu lugar "co ordenador", unha imaxe/vídeo do que estabamos a contar en cada caso.

A medida que iamos rodando cada escena tachávamola da nosa lista, para levar conta de canto nos faltaba por gravar. 

Coas tomas xa rodadas tan só queda "axudarlle ó profe" a xuntalas no documental, e a escoller que imaxe queríamos poñer detrás de cada un de nós ou do noso equipo.

Á volta das vacacións de Semana Santa, poderedes ver o documental xa rematado neste mesmo blogue.

Creamos e comezamos a completar o noso dossier individual:

Para poder contar nas nosas casas todo o que descubrimos na investigación, creamos un dosier individual onde aparece todo o que figura tamén no mural, como resultado do noso traballo na procura de respostas.

Ó longo dos vindeiros días, á vez que vaiamos rematando de montar o documental, completaremos tamén o noso dossier individual para poder levalo para casa. 

Como temos aínda o mural dentro da aula, podemos usalo como axuda para ilo completando.

Nunha próxima entrada presentarémosvos o documental e daremos por rematado este proxecto de investigación, para poder embarcarnos nun novo... permanecede atentos ó noso blogue.

Durante as últimas semanas continuamos a traballar cos diferentes robots que temos na aula, velaquí algúns exemplos do que descubrimos e aprendemos con eles.

Conseguimos que dous BEEBOT se desen un bico "sen chocar", para o que tivemos que calcular canto tiña que andar cada un e cando había que parar.

Falar co outro membro da parella era moi importante, para dar coa programación correcta en ámbolos dous casos.

Descubrimos os "MOUSE-BOT", uns ratiños que se programaban igual que os BEEBOT, pero que tiñan que percorrer camiños ata chegar ó queixo.

Para programar o camiño que tiñan que facer había que contar, calcular e  imaxinar os xiros que debía dar.

Os OZBOTS percorreron o mesmo camiño que nós, viaxando polo mundo, chegando a diferentes países.

Por se non te lembras, podes ver a nosa viaxe nesta entrada do blogue.

Ó final demos conseguido que chegasen a cada un dos países, dando a volta ó mundo, usando unha cor diferente en cada viaxe, porque os OZOBOTS cambian de cor segundo a liña que pecorran.

Cada un dos equipo deu programado, de forma autonóma e chegando a acordos, o mesmo percorrido polo mapa do mundo.

Tamén comezamos a explorar os "códigos" de cores dos OZOBOTS. Segundo se poña unha ou outra combinación de cores xirará, irá máis rápido, máis lento, fará un remuiño, etc.

Usando as tarxetas cos códigos (que saben ler os ozobots), cada equipo foi probando se os ozobots facían ou non o que indicaban. Cando non funcionaba había que revisar se as cores estaban na orde correcta, se tiñan un grosor que puidesen ler, etc. 

Nas vindeiras semanas continuaremos a traballar na nosa aula, con estes e con algún que outro robot que aínda non coñecedes.

Xa sabedes que poderedes estar ó tanto de todo isto, nas diferentes entradas que iremos publciando neste blogue.

Ó longo das pasadas semanas na nosa aula, tal como xa vos contamos nas respectivas entradas deste blogue,  continuamos a investigar sobre os Ponis, levamos a cabo experimentos ciéntificos, celebramos os aniversarios, traballamos e celebramos o Entroido, viaxamos polo mundo co noso pasaporte polo día da Paz e continuamos a coidar das nosas leitugas no invernadoiro.

Pero ademais tamén tivo lugar todo isto:

Coa chegada do novo mes anotamos no calendario online as datas máis significativas.

Cada xornada o encargado foi marcando cada día, sinalou o tempo que fai e controlou se estabamos todos ou non ese día.

O encargado non debe esquecerse de darlle de comer ás nosas tartarugas, e de organizar o lavado de mans.

Continuamos a completar o noso dicionario xigante, coas palabras favoritas que escollemos cada semana.

Por suposto tamén continúan a medrar os nosos dicionarios individuais. 

Seguimos a levar libros da biblioteca da aula os venres para casa, anotándoos na aplicación online usando o carnet QR; para usar a portada que imprimimos no rexistro individual.

Participamos na actividade de merendas saudables, que organizou o pofe PAULO. Cada día imos anotando as merendas saúdables que traemos.

Aproveitamos os poucos días de bo tempo que houbo, para xogar no patio... e ata merendar alí (que nos encanta)

Continuamos a reinterpretar artísticamente obras de pintores famosos, que se corresponden coas letra da semana no dicionario xigante. Deste xeito imos completando a nosa carpeta de "pinturas", que poderemos levar para casa cando remate o curso.

Participamos na creación dun "vídeo-poema", xunto a todos os compañeiros e compañeiras do centro, para celebrar día de Rosalía de Castro.

Podes ver o ben que quedou o vídeo de seguido. A ver se podes atoparnos.

Nos vindeiros días remataremos a nosa investigación sobre os ponis, e levaremos a cabo outra serie de tarefas na aula

Como sempre poderedes estar ó tanto de todo o que suceda en entradas deste blogue.