Un curso máis comezamos a plantar no invernadoiro, xunto ós compañeiros e compañeiras de todo o colexio.

Nesta ocasión, ós de infantil, correspondeunos plantar leitugas de tres tipos diferentes.

Entre todos e todas fomos plantándoas nos tres lugares que nos correspondían.

Cada día da semana imos a regalas e observamos como van medrando.

Para que todo o mundo soubese o que plantamos escribímolo nun cartel, que pendeuramos dentro.

Podes ver o que plantaron os compañeiros e compañeiras dos outros cursos na seguinte entrada do blog:

Outros traballos e recoñecementos (2021-2022) Plantacións no invernadoiro 2022

Este mes exerimentaríamos con laranxas, parafusos, cables, moedas e un reloxo. Que se podería facer con todo este material?

Xuntámonos os compañeiros e compañeiras de Infantil 1 e Infantil 2 e, a través do diáogo chegamos a conclusión de que seguramente as laranxas farían funcionar o reloxo. Seríamos capaces de conseguilo?

Primeiro verificamos que o reloxo funcionase, usando unha "pila" para encendelo cos seus cables conectados.

Experimentamos todos xuntos, e logo por parellas/equipos, para convertir as laranxas, os parafusos e as moedas nunha pila.

Todos e todas conseguimos que reloxo encedense, sempre e cando se puxeran os cables, parafusos e moedas no lugar e orde correcta. 

O equipo IRONMAN PRINCESA, de Infantil 2, sería o encargado de contar nun vídeo como facer este experimento, para o que primeiro tiveron que preparar o seu "panel dos materiais".

Usarían este panel durante a gravación do seu vídeo e, despois de acordar o que diría cada un, puxémonos mans á obra.

Así de fantástico quedou o vídeo unha vez rematado. Atréveste a repetir os pasos do experimento na túa casa?

Plasmamos os materiais e o resultado final obtido no experimento, no caderno de campo individual. Xa imos polo experimento número 3!

Lembra que podes acceder ós vídeos de tódolos experimentos que facemos na aula desde aquí.

Este curso, para celebrar o Día da Paz e da non violencia, nas aulas de Infantil investigamos ós gañadores do premio Nobel da Paz.

Dialogamos sobre o tema e descubrimos o que eran eses premios, e a quen llos deran ó longo dos anos.

Observamos que eran case todos homes e moi poucas mulleres. Así pois decidimos investigar sobre elas, para coñecer porque lle deran o premio.

Plasmamos en paneis, feitos por cada un dos equipos, todo o que descubríramos de cada unha da gañadoras.

Cada panel incluía unha fotografía, o ano do premio, o motivo de seren premiadas, o país de orixe e a súa localización nun mapa. Finalmente tamén incluímos un código QR co vídeo gravado, como xa vos contaremos de seguido.

Colgamos os paneis, xa rematados no corredor, que quedaron así de fantásticos. 

Se queres ver os nosos paneis máis polo miudo podes facelo de seguido: 

Creamos tamén un mapa xigante, no que sinalamos a orixe de cada unha das mulleres gañadoras.

Elaboramos unha gráfica estatística, facendo dúas columnas coas fotografías dos gañadores do premio Nobel, divididos en homes e mulleres.

Cando contamos os que había en cada unha delas observamos que había moitísimos máis homes que mulleres gañadoras, o cal non nos pareceu moi "xusto".

Tamén creamos tamén medallas do premio Nobel, coas caras das gañadoras, para colgar no corredor.

Así quedaron xunto cos demais traballos expostos.

Con todos os datos que indicamos nos diferentes paneis, gravamos diferentes vídeos, nos que falabamos de cada unha delas.

Para que puidesen verse rápidamente engadimos códigos QR nos diferentes paneis.

Probamos que funcionaban o código coa táblet. 

Así quedaron tódolos vídeos unha vez rematados, os mesmos que aparecen cando se escanean co código QR de cada panel.

Así quedou o noso corredor, unha vez rematada a nosa investigación. Agora xa poden descubrir todos e todas, ás mulleres gañadoras do premio Nobel da Paz.   

Días antes da celebración do "Día da Paz e a non violencia", colaboramos con todo o colexio no pintado do muro "solidario"

Tamén interpretamos unha canción xunto cos compañeiros e compañeiras de primaria.

Podes ver no seguinte vídeo como participamos no acto de celebración.

Descubre todo o que fixemos, como centro, para celebrar o "Día da paz e da non vioelncia", na seguinte ligazón:

(2021-2022) Celebramos o Día da Paz e a non violencia 2022. Queres ver o que fixemos?

Co comezo do ano, no mes de xaneiro, as nosas compañeiras ELSA e VALERIA, estaban de anivesario. Como sempre celebraríamolo a última semana do mes.

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Preparamos as súas camisetas de agasallo e a coroa para as homenaxeadas.

O día sinalado no calendario online ámbalas dúas sopraron as candeas coa súa idade.

Por suposto despois de cantarlle as correspondentes cancións en castelán e galego.

Coa chegada do Nadal comezamos a preparar unha das celebracións que máis nos gustan. Decoramos o corredor, creamos unha árbore de Nadal, organizamos a nosa participación no Festival do colexio... e moito máis.

De seguido poderás coñecer, máis polo miudo, todo o que sucedeu nas aulas de Infantil ó longo destas semanas previas ó Nadal.

DECORAMOS O CORREDOR:

Decoramos o corredor con adobíos feitos por equipos, que tiveron que poñerse dacordo para decidir tanto cal querían facer, como pintalos xuntos e decoralos.

Dentro de cada un dos adornos xigantes incluímos unha foto de cada equipo, convertidos en Santa Claus. Así de ben quedaron todos e todas:

Con tódolos adornos rematados fomos decorando o corredor:

Tamén colgamos as cadenetas que fixeramos coa profe Zaira, facendo series de macarróns pintados de cores.

Cun cartel de "BO NADAL", que tivemos que poñer ordenando as letras na orde correcta, quedou rematada esta parte da decoración.  

ASÍ FIXEMOS A NOSA ÁRBORE DE NADAL:

Elaboramos os adornos para a árbore xigante que puxemos no corredor: unhas bolas con estrelas brillantes.

Así quedou unha vez rematado. Ata tiña luces e todo!

Ensaiamos e preparamos as nosas ACTUACIÓNS PARA O FESTIVAL DE NADAL:

No Festival de Nadal on-line que se organizaría no colexio, iamos participar cunha obra de teatro. 

Puxémonos mans á obra para preparar todo o material, vestiario e atrezzo que iamos precisar.

Repartimos os papeis, e fixemos varios ensaios ata que todo estivo listo para a gravación:

Gravamos a nosa obra de teatro, para incluíla no Festival de Nadal online, xunto coas actuacións dos restantes compañeiros e compañeiras do colexio. 

Uns úlitmos retoques de montaxe e edición e xa estaba todo listo. 

O último día do trimestre, antes das vacacións de Nadal visualizamos Festival de Nadal completo, incluída a nosa obra "A Toupiña que quería saber quen lle fixera aquilo na cabeza na noite de Nadal" (incluído o baile das cacas) ;)

Xa podes ver as nosas actuacións no Festival de Nadal online, que un curso máis, por mor da COVID-19 non puido contar coa presenza física das familias. Podes ver as nosas actuacións ó comezo do mesmo:

CREAMOS E ENVÍAMOS POSTAIS ÁS NOSAS CASAS:

Creamos unhas postais de Nadal, con forma de árbore, para enviar ás nosas casas por correo. Seguro que cando cheguen serán unha sorpresa para as nosas familias.

Coas postais xa dentro dos sobres, e cos nosos enderezos escritos neles, estaba todo listo para levalas ó buzón de correos. Eso si non podíamos esquecernos de pegarlle os selos.

Fomos camiñando ata o buzón que estaba preto do colexio, para metelas dentro.

Tamén escribimos as nosas cartas a Santa Claus, os Reis Magos e/ou ó apalpador.

Ó longo das semanas participamos no "calendario de Advento" organizado pola Biblioteca do centro. Respostamos á preguntas para ver ver si eramos un dos afortunados que levaba un premio.

O alumnado e profesorado de Educación infantil, queremos desexarvos:

FELICES FESTAS E UN MELLOR 2022

Antes de rematar o trimestre, no mes de decembro, celebramos os aniversarios dos compañeiros que cumplían anos antes de acabar o ano. Nesta ocasión DANI e ENZO.

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Como sempre preparámoslle unha camiseta de agasallo feita por todos e todas.

O día da celebración, o último día de colexio antes das vacacións de Nadal, DANI non puido vir ó colexio polo que só ENZO sorpou a candea cos seus anos, despois de que lle cantaramos entre todos e todas a canción de "cumpleaños feliz".

O pasado 13 de decembro, organizada pola Biblioteca pública do Concello de Campo Lameiro e o CEMIT, participamos nunha vídeo-conferencia con Santa Claus.

Cando chegamos estaba Cruz, a encargada da biblioteca, agardándonos, para ensinarnos como tiñan decorada a Biblioteca polo Nadal; mentras agardábamos a conexión con Santa Claus.

Despois de agardar un anaco, por fin comezou a vídeo-conferencia con Papá Noel.

Cada quen puido falar con el e pedirlle o que quería, usando o micrófono.

Cando rematamos, despois de despedirnos de Santa Claus,  visitamos os adornos que había alí ó lado, preto da Casa do Concello.

Había un pequeno pobo de Nadal en miniatura. Cruz contounos todo o que alí había. Ata un buzón para deixar as cartas.

Antes de marchar fixemos unha fotografía todos xuntos e xuntas, dentro do regalo xigante que atopamos diante do edificio do Concelllo. 

Co remate do mes de novembro, chegou o momento de celebrar os aniversarios dos compañeiros e compañeiras, que cumprían anos neste mes (BRAIS, MARIO e MANUEL).

Novamente, por mor da COVID-19 non podemos celebralo como nos gustaría (e como facíamos en cursos anteriores), pero aínda así os homenaxeados tiveron o seu momento especial.

Como sempre fixemos unha camiseta de agasallo para os que estaban de aniversario ese mes, onde escribimos os nosos nomes e a decoramos con pintura especial para tela.

E, por suposto, cadansúa coroa de aniversario.

Cando chegou a data sinalada, que tiñamos anotada no noso calendario online, cada un deles soprou a candea co número de anos que cumprían.

Coa canción en tres idiomas: galego, castelán e inglés.

Agora temos que agadar a que remate mes de decembro para voltar a celebrar os novos aniversarios.      

Un curso máis, coa chegada do outono celebramos o Magosto en infantil. Despois de non poder celebralo o pasado curso, por mor da COVID-19, este curso voltaríamos a celebralo no "monte de San Antoniño".

Visitamos a páxina web do colexio para lembrar como o celebráramos en cursos anteriores. Visualizamos tamén o mapa do percorrido, posto que subiríamos en autobús e baixaríamos camiñando. Preparamos tamén os nosos cestos e as castañas quee, cos compañeiros e compañeiras de primaria, fomos xuntando.

O 11 de novembro xa estabamos todos e todas preparados para partir cara a "San Antoniño", onde celebraríamos o magosto. Subiríamos en autobús.

Cando chegamos, xa estaba o profe XOSE LUIS preparando as castañas.

Mentras se facían as castañas e agardábamos a que comezasen os xogos, exploramos o contorno descubrindo un petroglifo e outras moitas cousas.

Fixemos unhas fotos de grupo de recordo.

Rematada  a nosa exploración, participamos nos xogos do Magosto que organizou o profe Paulo. Foron xeniais.

Algúns dos xogos facíanse con castañas, como o "come-castañas".

Rematados os xogos chegou o momento da merenda...

... e cando rematou era a hora de comer as castañas.

Usamos os cestos que fixéramos na clase para meter dentro as castañas asadas, que estaban moi quentiñas.

Estaban boísimas.

Rematada a xornada era o momento baixar camiñando ata o colexio.

Xa preto do colexio pasamos pla casa de ENZO, onde nos presentou o seu can "ZUMA".

Por fin chegamos ó colexio, rematando a noso percorrido a pel polo monte.

 Foi un día fantástico!

Podes ver a celebración de todo o colexio na seguinte entrada.

11/11/21: (2021-2022) Magosto 2021 en San Antonio

Cando comezou o mes de outubro, sinalamos nos nosos calendarios online unha data das máis agardadas, a festa do Samaín. Para explicarlle en que consistía, ós novos compañeiros e compañeiras deste ano, miramos na web do centro como o celebraramos en cursos anteriores.

Alí puidemos ver que nunha ocasión puxeramos no corredor unha cabaza xigante, na que podías entrar pola súa enorme boca; noutra ocasión creamos un castelo xigante polo que podías entrar pola súa porta.

Entre as propostas que xurdiron, a través dun diálogo en gran gurpo, apareceu a de crear unha "casiña de chocolate" xigante cunha bruxa, para decorar a corredor no Samaín. Encantounos a idea e comezamos a organizar todo material e o traballo que sería necesario.

Primeiro pintamos a bruxa que vixilaría a casa.

Para continuar "construíndo" a casiña de chocolate xigante.

Pouco a pouco, coa colaboración de todos e todas a casa de "chocolate", vixiada pola bruxa, foi tomando forma.

Así estaba, casi lista para ser colgada no corredor.

Dentro da casa, no resto do corredor, estaría decorada de caramelos e morcegos, feitos tamén por nós.

Xa estaba todo listo, pero aínda faltaba "as portas" polas que puidesemos entrar.

Cuns sacos negros quedou solucionado. Agora podíamos entrar e saír pola porta grande, ou pola pequena.

Adiviñades cal nos gusta usar máis?

E por fin chegou o día de celebrar o SAMAÍN, tal como o tiñamos sinalado no calendario online. Ese día viñemos todos e todas disfrazados, incluídos o profe PABLO e ÓSCAR, por suposto.

Colocamos as nosas fantásticas cabazas na exposición, onde por certo ocupamos a meirande parte da mesma.

Así quedou a exposición de cabazas xa completa, coas dos compañeiros e compañeiras de todo o colexio:

Participamos nos diferentes obradoiros que estaban distribuidos por todo o centro:

No obradoiro de baile, fixémolo así de ben, seguindo a coreografía deseñada polo profe Paulo.

No fotomatón sacamos unhas fotos terroríficas. Cada un dos equipos tivo que poñerse dacordo para escoller que imaxe querían poñer de fondo, no lugar da tela verde.

Podes ver todas as que sacamos, facendo click nas seguintes imaxes.

No obradoiro de manualidades creamos unhas máscaras terroríficas.

Na biblioteca visualizamos varias curtametraxes e cancións de Samaín.

Rematados os obradoiros, participamos na votación das cabazas da exposición, elixindo a nosa favorita.

Finalmente, un compañeiro e unha compañeira de cada unha das dúas aulas de infantil, foron as máis votadas por todo o colexio e recibiron un agasallo.

Tamén houbo diplomas conmemorativos ás "cabazás máis orixinais", dos cales houbo moitos tamén en infantil.