No mes de xuño, celebramos os aniversarios dos compañeiros e compañeiras que cumprían anos neste mes, ou nos meses de vacacións, cando non sería posible celebrarlos lo no colexio.

Por esa razón, nesta última celebración do curso, os homenaxeados e homenaxeadas eran unha chea.

Coa axuda de todos e todas prepararon unha tarta para convidar a todos e todas nunha fantástica festa.

Os compañeiros e compañeiras das súas aulas, preparáronlle as camisetas de agasalo. Quedaron fantásticas. Tamén decoraron a súas coroas de aniversario.

Cos ingredientes que trouxeron, un día antes da celebración, prepararon, con axuda dos restantes compañeiros e compañeiras das dúas aulas de infantil, a tarta seguindo os pasos da receita elixida. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lle cantábamos o "cumpleanos feliz" e "parabéns para ti".

Así o fixeron os compañeiros e compañeiras que cumprían 5 anos.

E así o compañeiro que cumpría 6 anos, neste caso en verán.

E por fin chegou o momento de que os homenaxeados repartiran a tarta entre os seu convidados e convidadas.  

Estaba boísima!!!

Rematamos esta última festa con zume, algunhas patacas fritidas e gusanitos.

Despois de varios cursos sen poder facelo, por mor das restriccións pola "pandemia da COVID-19", por fin este curso puidemos volver a recibir a visita dos compañeiros e compañeiras da Galiña Azul, que estarán o vindeiro curso nas nosas aulas.

Preparámoslle uns marcos de agasallo días antes da súa visita, que tiñamos anotada no noso calendario oline.

Cada un dos equipos de cada unha das dúas aulas, foi creando un marco para o "neno/a", que estaría con eles e elas o día da visita. 

Cando por fin chegou o gran día, o primeiro que fixemos, tras recibilos foi facernos unha foto de grupo todos xuntos e xuntas. E reencontranos coas nosas profes de cando eramos "máis pequenos".

Na biblioteca, os compañeiros e comapañeiras de 1º e segundo, tíñanlle preparada unha sorpresa fantástica, organizada pola profe Zaira... un conto fantástico, ademais de regalarlle un ratiño de la, que fixeran eles/elas mesmos/as.

De volta nas aulas, xa por equipos, pegamos a fotografía de grupo e decoramos o marco con pegatinas, xunto cos futuros compañeiros e compañeiras, para que puidesen levalo o máis bonito posible.

Sen esquecernos de escribirlle detrás o nome de cada un, para que non se mesturaran.

Xa co marco rematado, chegou o momento de xogar todos xuntos e xuntas no patio.

Pasámolo xenial... As profes da "Galiña" convidáronnos a uns "pauciños de pan", que compartimos  entre todos e todas.

E finalmente chegou o momento da despedida... verémonos despois do verán, cando sexades compañeiros e compañeiras de Infantil 1 e Infantili 2.

Grazas pola visita, o curso que ven repetirémola de novo.

O 12 de xuño, xunto aos compañeiros e compañeiras de 1º e 2º de primaria, viaxamos ata O Grove na excursión de fin de curso, en xornada de mañá e tarde.

A primeira hora montamos no autobús, e comezamos a nosa viaxe para chegar ata o Grove.

Cando chegamos ao porto do Grove, xa estaba agardándonos o barco (catamarán), no que íamos facer unha viaxe pola ría de Arousa.

Puidemos ver algún golfiño, as bateas, gaivotas e... ata o fondo mariño.

Cando baixamos do barco, chegou o momento facer unha parada para tomar a merenda, antes de encamiñarnos ao noso seguinte destino.

O autobús levounos ata a Illa da Toxa, onde despois de camiñar un anaco, chegamos ata a máxica "Aldea Grobit", onde había unhas casas moi curiosas e columpios.

Chegada a hora, comimos a nosa comida de modo autónomo, dentro da propia aldea...

No camiño de volta ata o autobús, para poder viaxar ata o acuario, atopámonos con varios burros que vivían por alí.

Xa no acuario, coñecimos a Yara, a que sería a nosa guía durante a vista.

Fomos percorrendo as diferentes salas, aprendendo unha chea dos peixes, e outros animais mariños que había no acuario.

Ata nos atopamos cos peixes paiaso, ciruxáns, cabaliños de mar... e ata pirañas. Incluso puidemos tocar unha estrela de mar.

E, por suposto, puidemos ver algún tabeirón, o que estabamos desexando desde que chegamos.

E deste xeito, rematamos a nosa visita ao acuario e montamos novamente no autobús para voltar ao colexio, onde nos estaban a agardar as nosas familias. 

Pasámolo xenial, divertímonos moitísimo e aprendimos unha chea.

No mes de maio, cumpría anos a nosa compañeiras VALENTINA. Coa axuda de todos e todas ía preparar unha tarta para convidar a todos e todas nunha fantástica festa.

Os compañeiros e compañeiras da súa aula, preparáronlle a camiseta de agasalo. Quedou fantástica. Tamén decorou a súa coroa de aniversario.

A homenaxeada escolleru do libro de receitas a súa tarta favorita.

cos ingredientes que trouxo, un día antes da celebración, preparou,  con axuda dos compañeiros e compañeiras das dúas aulas de infantil, a tarta seguindo os pasos da receita elixida. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lle cantábamos o "cumpleanos feliz", nesta ocasión en inglés-

E por fin chegou o momento de que a homenaxeada repartira a tarta entre os seu convidados e convidadas.  

Rematamos a festa con zume, algunhas patacas fritidas e gusanitos.

No mes de xuño, o último do curso, celebraremos tanto os anivesarios dos compañeiros e compañeiras que cumpren anos no mesmo, como daqueles que o farán ao longo do verán.

Como sempre poderedes velo publicado neste mesmo blog.

No mes de marzo estivero de aniversario a nosa compañeira NOA xunto cos profes PABLO e ÓSCAR, así aparecía no calendario online, onde sinalamos tamén o día en que os celebraríamos ao rematar o mes. Nesa data axuda de todos e todas preparían unha tarta para convidar aos seus compañeiros e compañeiras/as e celebrar unha pequena festa.

Os compañeiros e compañeiras da súa aula, preparáronlle unha camiseta de agasalo, co seus nome e o debuxo que escollera Tamén decorou, como quixo, a súa coroa de aniversario.

Os homenaxeados escolleron do libro de receitas a súa tarta favorita, despois de poñerse dacordo.

Cos ingredientes que trouxeron, o día anterior da celebración, prepararon a tarta seguindo os pasos da receita elixida, coa axuda dos compañeiros e compañeiras de ámbalas dúas aulas. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz", "parabens para ti" e "happy birthday", usando os tres idiomas que coñecemos.

E por fin chegou o momento de que a homenaxeada repartira a tarta entre os seu convidados e convidadas.  

Encantounos a todos e todas. Estaba boísima!!!

E como remate festa patacas fritidas, gusanitos e zume... e por suposto, aqueles que o preferiron, a súa merenda.

O vindeiro mes celebraremos os aniversarios do mes de xuño, como sempre, poderedes estar ao tanto neste mesmo blog.

Despois de elaborar o noso traballo, tal como xa vos contamos nunha entrada anterior e que podedes ver de seguido; chegou o día de participar nas actividades organizadas polo "Salón do Libro Infantil e xuvenil de Pontevedra".

(2022-2023) Creamos o noso "xogo-libro" para o Salón do Libro 2023. Queres velo? 

Para poder participar, quedaba por diante unha viaxe en autobús ata Pontevedra.

Fomos seguindo o mapa que fixeramos na clase, para chegar ata o salón do libro.

Finalmente demos chegado ao Pazo da Cultura de Pontevedra, onde nos estaba agardando unha estatua do lobo ORBIL, que sinalaba a entrada ao Salón do Libro. 

Alí reencontrámonos co lobo ORBIL... estabamos desexando darlle unha aperta enorme.

Queliña contounos unha chea de contos fantásticos, sobre animais e uns ovos misteriosos.

Antes de marchar despédimonos do mono Sabio. 

Unha vez rematada a sesión de conta-contos, Uxía acompañounos na visita, para ver todo o que había nas diferentes salas do Salón adicado ao "xogo" e aos "libros".

Cando rematamos a visita pola exposición, chegamos ao lugar onde estaba expostos os traballos, feitos polos compañeiros e compañeiras de tódolos colexios participantes.

E alí estaba, xunto aos dos demais colexios, o noso libro-xogo. Seguro que lles encantou a todos e todas.

Percorrimos tamén un divertido labirinto, menos mal que demos atopado a saída todos xuntos e xuntas.

Antes de voltar ao colexio adicamos un momento para tomar a merenda. Tiñamos tamén planeado xogar nun parque, pero por mor do mal tempo non quedou máis remedio que voltar ao Centro unha vez rematada a visita ao Salón.

Lembra que podes ver moitas máis fotos da nosa visita, no seguinte álbum da galería fotográfica:

Álbum (Galería fotográfica): (2022-2023) Participamos nas actividades do Salón do Libro 2023

Lembrade que podedes ir a visitar a exposición, ver o noso traballo e participar nas actividaes do "Salón do libro 2023", no "Pazo da Cultura de Pontevedra" desde o 21 de abril ao 7 de maio de 2023.

Tes toda a información sobre datas e horarios na web oficial: www.salondolibro.gal.

Este ano voltaremos a participar nas actividades do "Salón do libro infantil e xuvenil de Pontevedra". Nesta ocasión o tema é o Xogo.

Para poder visitar o Salón, e reencontrarnos co noso amigo ORBIL, creamos un xogo de mesa xigante cuns libros moi divertidos para levalos ao Pazo da cultura, onde se celebrarán as actividades do Salón.

Anotamos no calendario online a data na que visitaremos o Salón para participar nas súas actividades, e poder ver o noso traballo xunto co dos restantes colexios participantes.

Lembramos, visitando a web do colexio, como eran as visitas ao Salón dos compañeiros e compañeiras de cursos anteriores.

Para elaborar o "xogo-libro" trabalamos a reo os nenos e nenas de Infantil, xunto aos compañeiros e compañeiras de 1º e 2º.

En INFANTIL 1 encargáronse de facer as fichas do xogo. Unha delas ten o libro que inventaron "A receita do arco da vella".

Así crearon o seu libro-ficha, coa historia "A receita do arco da vella", cunha páxina dunha cor diferente.

No caso de INFANTIL 2 crearon un dado-libro xigante para o xogo de mesa. Co libro titulado "O dado que perdeu os puntos".

A través de sucesivos borradores acabaron inventando a historia do dado e todo o que lle pasaba.

Unha vez acordada a historia, chegou o momento de convertila no libro-dado. Para elo por quendas fomos elexindo e creando as ilustracións, e escribindo o texto entre todos e todas.  

Tan só quedaba enumerar a páxinas para deixar o libro-dado rematado.

Os compañeiros e compañeiras de 1º e 2º DE PRIMARIA encargáronse de facer o tabloeiro do xogo e de escribir as instrucións do mesmo.

Así quedou o traballo, unha vez rematado, coas partes feitas por cada un.

De seguido, podes ver como quedaron os 3 libros unha vez rematados:

EI1: A receita do arco da vella (fichas do xogo)

EI2: O dado que perdeu os puntos (dado do xogo)

1º e 2º: tabloeiro e instrucións do xogo.

Tan só nos quedaba levalo ao Pazo da Cultura, para que ORBIL poida poñelo la exposición xunto cos restantes trataballos dos outros colexios que participan.

Xa vos contaremos como nos foi na visita ao Salón, que terá lugar o día 24 de abril, nunha próxima entrada.

Ata entón lembrade que podedes ir a visitar a exposición, ver o noso traballo e participar nas actividaes do "Salón do libro 2023", no "Pazo da Cultura de Pontevedra" desde o 21 de abril ao 7 de maio de 2023.

Tes toda a información sobre datas e horarios na web oficial: www.salondolibro.gal.

No mes de marzo estiveron de aniversario os nosos compañeiros e compañeiras ANA, KARINA E YOEL, así aparecía no calendario online, onde sinalamos tamén o día en que os celebraríamos ao rematar o mes. Nesa data axuda de todos e todas preparían unha tarta para convidar aos seus compañeiros e compañeiras/as e celebrar unha pequena festa.

Os compañeiros e compañeiras de cadansúa aula, preparáronlle unhas camisetas de agasalo, cos seus nomes e o debuxo que escollean (mans estampadas, arco da vella...). Tamén decoraron, como quixeron, a súas coroas de aniversario.

Os homenaxeados escolleron do libro de receitas a súa tarta favorita, despois de poñerse dacordo.

Cos ingredientes que trouxeron, o día anterior da celebración, prepararon a tarta seguindo os pasos da receita elixida, coa axuda dos compañeiros e compañeiras de ámbalas dúas aulas. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz", "parabens para ti" e "happy birthday", usando os tres idiomas que coñecemos.

 E por fin chegou o momento de que os homenaxeados repartiran a tarta entre os seu convidados e convidadas.  

Estaba boísima!!! 

E como remate festa patacas fritidas, gusanitos e zume... e por suposto, aqueles que o preferiron, a súa merenda.

O vindeiro mes celebraremos os aniversarios do mes de abril, como sempre, poderedes estar ao tanto neste mesmo blog.

No mes de febreiro estivo de aniversario o noso compañeiro XOEL, así aparecía no calendario online, onde sinalamos tamén o día en que o celebraríamos ao rematar o mes. Coa axuda de todos e todas preparía unha tarta para convidar aos seus compañeiros e compañeiras/as e celebrar unha pequena festa.

Os compañeiros e compañeiras da súa aula, preparáronlle unha camiseta de agasalo, cos seus nomes e as súas mans estampadas. Quedou fantástica.

Tamén decorou, como quixo, a súa coroa de aniversario.

O homenaxeado escolleu do libro de receitas a súa tarta favorita e, cos ingredientes que trouxo, un día antes da celebración, preparou a tarta seguindo os pasos da receita elixida, co axuda dos compañeiros e compañeiras de ámbalas dúas aulas. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz".

E por fin chegou o momento de que o homenaxeado repartira a tarta entre os seu convidados e convidadas.  

E como remate festa patacas fritidas, gusanitos e zume... e por suposto, aqueles que o preferiron, a súa merenda.

O vindeiro mes celebraremos os aniversarios do mes de marzo. Xa o contaremos neste blog cando chegue o momento.

Cando comezou o mes de febreiro, anotamos nos nosos calendarios online, unhas datas moi importantes. O día do desfile do Entroido e o día do obradoiro de disfraces, cando as nosas familias virían ás nosas aulas para axudarnos a facer o disfraz, nun obradoiro que teríamos que organizar antes de que viñeran.

Visionamos na web do colexio todo o que fixeramos na celebración do curso pasado, e descubrimos que este curso, sen restricións COVID-19, poderíamos recuperar o obradoiro de disfraces coas nosas familias.

Cada día da semana do Entroido, o Porcoespín Serafín, a mascota da biblioteca, foinos "mandando" traer posto algo diferente (cada un dos grupos de compañeiros e compañeiras do colexio, foron os encargados de escollelo).

Nós, en infantil, eliximos que viñeran todos co pixama posto o LUNS.

Despois de ir a buscar a "Serafín", escribimos un cartel anunciando a nosa decisión, que pegamos debaixo da mascota, para que todos e todas coñeceran o que mandaba traer.

Cada día, fomos a ver cal era a instrución, elixida polo resto dos compañeiros e compañeiras, anotándoo nunha nota que levamos para casa.

O luns os de infantil escollimos vir con PIXAMA:

O martes en primeiro e segundo decidiron que había que traer ALGO NA CABEZA:

O mércores en terceiro e cuarto acordaron que viñéramos con roupa dun FAMILIAR:

O xoves, os de quinto e sexto, pensaron que o mellor era que cada un trouxera posto un DISFRAZ: 

Cada día fomos pegando a fotografía de grupo, co que traíamos posto, rexistrando e escribindo o nome da instrución. Tan só quedaba o venres, que sería o desfile co noso disfraz de "emoción".

Para participar no desfile do Entroido, este curso todo o colexio iría disfrazado de "emoticonas" con emocións, así pois escollimos dez delas e logo, por sorteo, correspondeunos por parellas unha delas. Ese sería o noso disfraz.

Pero primeiro, antes de que viñeran as nosas familias a participar no obradoiro de disfraces, onde nos axudarían a facelos, tivemos que pintar os dous círculos do noso disfraz de cor amarela. 

Tamén previamente a que viñeran as nosas familias, a participar no obradoiro de disfraces, había que acordar, crear e escribir as instrucións de como facer o disfraz, para que os nosos familiares puideran lelas e seguilas o día do obradoiro. Fixemos unhas instrucións en cada unha das aulas.

Cando chegou o día que tiñamos marcada no calendario online, por fin viñeron as nosas familias a participar no obradoiro de disfraces que xa tiñamos organizado.

Nunha lista puidemos comprobar se nos tocaba na primeira ou na segunda quenda, buscando o noso nome, e vendo se estabamos antes (enriba) ou despois (debaixo) do recreo.

Xunto coas nosas familias, seguindo as instrucións, traballamos reo para facer os nosos disfraces de emocións... usando todo o material que xa tiñamos preparado e o modelo de emoticona que nos correspondera.

Encantounos poder traballar coas nosas familias na clase, e poder explicarlles cales eran os pasos que había que seguir para facer o disfraz.

Había que recrear a emoción, que nos tocara, na parte dianteira, e escribila na parte traseira. decorándoa como quixeramos. 

Grazas á colaboración das nosas familias, xa tiñamos os nosos disfraces listos, e agarandándonos para usalos no desfile.

Así de fantásticos quedaron os nosos difraces, unha vez rematados:

Cando chegou o día do desfile, que tiñamos anotado nos nosos calenadarios online, fomos recollendo os postres do Entroido, que trouxemos da casa para o fin de festa.

Fomos probando un anaco de cada un deles, e coñecendo os nomes dos diferentes postres típicos do Entroido, antes de xuntar os das dúas aulas, para deixalos listos para a festa posterior. Comentamos cales nos gustaban máis ou menos a cada un.

Tamén visionamos o percorrido que faríamos no desfile nun mapa na pantalla, e creamos a nosa pancarta para o desfile.

Quedou divertida.... verdade? 

Despois do recreo, e xa con todo preparado, percorrimos as rúas do concello no desfile do Entroido, acompañados e acompañadas polas nosas familias e os compañeiros e compañeiras de todo o colexio.

Cando rematamos de desfilar, xa de volta no colexio e como fin de festa, degustamos postres típicos do Entroido.

De seguido, podes ver o vídeo de ben que o pasamos durante o desfile polas rúas do concello.

Podes ver tódalas imaxes do desfile, e da festa posterior cos postres do Entroido, no seguinte álbum da galería fotográfica.

Álbum da galería fotográfica: (2022-2023) Desfile do Entroido 2023