Este mes, na nosa aula fixemos un experimento con auga, iodo, vitamina C e arroz.

Que poderíamos facer con todo ese material?. Un por un fomos plantexando as nosas hipóteses:

• Explotaría cando o mesturásemos.
• Sairía por fora.
• Cambiaría de cor.
• Desaparecería.
• etc...

Fomos seguindo os pasos do experimento, facéndoo entre todos e todas...

... ata que descubrimos que coa vitamina C se limpaba a auga e on arroz que estaba manchada de iodo. 

Fomos repetindo o mesmo experimento, seguindo o pasos, en cada un dos equipo cooperativos da aula.

En todos se repetiu o resultado observado, e confirmamos así a teoría que plantexaramos da primeira observación.

Chegaba o momento de contar o descuberto nun vídeo, que nesta ocasión nos correspondería a nós crealo. Preparamos o panel dos materais que precisaríamos e organizamos, quen diría cada parte, no noso vídeo.

Así quedou o vídeo unha vez rematado. Agora xa podes repetilo na túa casa, seguindo as instrucións que che contamos. 

Lembra que podes ver ós vídeos de tódolos experimentos que creamos, daqueles que facemos na aula desde aquí.

Tan só nos restaba anotar as observacións nos caderno de campo individuais.

Á volta das vacacións de Nadal, nos meses de xaneiro e febreiro, na nosa aula sucedeu todo isto, que xa vos comentamos en entradas anteriores:

01/03/22: [Infantil xuntos] (2021-2022) Polo Entroido seguimos as instrucións de Serafín e convertímonos en Súper López. Así deseñamos e creamos o disfraz para o desfile “de cómics" 
24/02/22: [Infantil xuntos] (2021-2022) Celebrando os aniversarios do mes de febreiro 
21/02/22: (2021-2022) Experimentamos coa capilaridade: A ponte de cores 
22/02/22: [Infantil xuntos] (2021-2022) Sementamos e coidamos leitugas no invernadoiro 
01/02/22: [Infantil xuntos] (2021-2022) - Queres saber como facer funcionar un reloxo con laranxas? Explicámoscho no vídeo do noso experimento do mes 
01/02/22: [Infantil xuntos] (2021-2022) Descubrimos ás gañadoras do premio Nobel da paz e gravamos vídeos delas. 
29/01/22: [Infantil xuntos] (2021-2022) Celebramos os aniversarios do mes de xaneiro

Tamén continuamos coa nosa investigación sobre os "Cans Salchica", da que publicaremos unha entrada moi pronto contándovos todo o que fomos descubrindo.

Pero ademais tamén tivo lugar todo isto que vos contamos de seguido:

O encargado de cada día seguiu a desempeñar as súas importantes funcións:

Engadindo unha nova rutina ás que desenvolve cada día, debuxarse no "calendario online"

Xogamos a crear palabras coas letras móbiles:

Máis palabras se foron sumando ó noso dicionario xigante.

Grazas a un dado decidimos "cantas" tiñamos que pegar no noso dicionario individual:

Continuamos a levar libros da biblioteca de aula, os venres, para as nosas casas. Rexistrámolos na aplicación online, para poder imprimiar a portada, e así pegala no rexistro individual en papel.

Encántanos xogar, de cando en vez, ós xogos de memoria. 

Reconstruímos, e volta mos a usar, os nosos buzóns de correo individuais; nos que podemos recibir cartas escritas polos nosos compañeiros e compañeiras. Os profes tamén teñen o seu propio buzón.

Afondamos nas nosas habilidades creativas pintando con témpera.

Lembra que podes ver máis polo miudo todo o que sucedeu nestes meses, máis aló do que vos contamos aquí, nas ligazóns que podedes atopar ó comezo desta publicación.

Este mes experimentamos coa capilaridade, facendo unha ponte de cores.

O primeiro foi plantexar hipóteses sobre o que poderíamos facer co material, xurdiron diferentes ideas.

Despois de seguir os pasos do experimento "construímos as  pontes de cores" entre todos e todas.

Observamos como as cores ían subindo polas "pontes de papel", grazas á capilaridade. 

Chegou despois o momento de repetir o mesmo experimento, pero xa nos equiposz cooperativos. Todos eles foron capaces de repetir os pasos do mesmo.

En tódolos experimentos as cores subiron polas pontes de papel.

Tan só quedaba plasmar o proceso e o resultado final, no caderno de campo dos experimentos. 

Nesta ocasión foron os compañeiros e compañeiras de Educación Infantil 1, os encargados de crear o vídeo do experimento.

Lembra que podes ver o vídeo creado polos compañeiros e compañeiras de Infantil 1 e ós vídeos de tódolos experimentos que facemos na aula desde aquí.

Ó longo deste mes, na nosa aula, sucedeu todo isto que xa vos comentamos en entradas anteriores:

22/12/21: [Infantil xuntos] (2021-2022) Chegou o Nadal a infantil: así o celebramos e participamos no festival do colexio. Queres ver a nosa actuación? 

22/12/21: [Infantil xuntos]: (2021-2022) Celebramos os aniversarios do mes de decembro 

14/12/21: [Infantil xuntos] (2021-2022) Falamos con Santa Claus por vídeo-conferencia 

08/12/21: (2021-2022) Recibimos información e atopamos a primeira resposta na nosa investigación sobre os cans salchicha

Pero ademais tamén tivo lugar todo isto que vos contamos de seguido:

Asistimos á proxección da película "Valentina" nun cine, xunto ós compañeiros e compañeiras do todo o colexio.

Continuamos a traballar a lóxica matemática coa profe ZAIRA,  como por exemplo facendo as cadenetas de series de macorróns de cores; que usamos como decoración para o corredor no Nadal (ver entrada correspondente).

Novas letras foron completando o noso diccionario xigante e individual. Continuaremos con el á volta das vacacións de Nadal. 

O encargado continuou a desenvolver as súas funcións, completando o calendario oline, facendo os diferentes rexistros e, por suposto, dándolle de comer ás nosas tartarugas.

Asistimos á actividade "Ti si que eres un bo peixe", dentro do programa "Aliméntate ben", no que participa o centro.

Coa elaboración do noso boletín de auto-avaliación trimestral, xunto con todo o que vos contamos ó comezo desta publicación, dimos por rematado este primeiro trimestre.

Lembra que podes ver máis polo miudo todo o que sucedeu en decembro, máis aló do que vos contamos aquí, nas ligazóns que podedes atopar ó comezo desta publicación.

Podes ver os pasos previos desta investigación nas seguintes entradas publicadas neste mesmo blogue:

05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

Ó longo dos seguintes días, despois de decidir o que iamos investigar no noso primeiro proxecto deste curso, comezamos a xuntar moita información sobre o tema.

Algunha recibímola das nosas familias por e-mail, respostando a cada un deles agradecéndolle a información.

Tamén conseguimos uns libros que falaban dos cans salchicha. Seguro que serán de utilidade nalguha das preguntas.

Fomos xuntándoo todo no noso recanto da información, para poder consultala cando a precisemos.

Tamén completamos o noso recanto virtual da información, na web do colexio (recanto de infantil > vídeos), onde publicamos as ligazóns e vídeos que nos chegaron por e-mail, e todo aquilo que non se podían imprimir.

Con toda esta información xa podíamos comezar a investigar, asi foi como atopamos a resposta a unha das preguntas que nos plantexáramos:

Cal é o nome verdadeiro dos cans salchicha?

Atopamos a resposta visualizando un dos vídeos no noso recanto virtual da información. Alí explicaba que tiñan dous nomes alemáns e o que significaban.

Anotamos as respostas escribíndoas na pizarra branca.

Decidimos plasmala no mural da investigación indicando tamén, de onde viñan eses dous nomes que teñen. Ademais acordamos con que imaxe acompañaríamos a resposta.

Así quedou plasmada no mural da investigación esta primeira resposta que atopamos.

Á volta do Nadal, que agora estamos "líados" con outras cousas ;),  continuaremos con esta investigación, buscando as respostas a tódalas preguntas que aínda nos quedan pendentes.

Xa sabedes que poderedes estar ó tanto de todo o que fagamos neste bloge.

Ó longo do mes de novembro, na nosa aula, sucedeu todo isto que xa vos comentamos en entradas anteriores:

• 27/11/21: (2021-2022) Creamos un ovo saltarín no exeperimento deste mes. Queres ver como se fai?
• 29/11/21: [Infantil xuntos] (2021-2022) Así celebramos os aniversarios do mes de novembro 
• 12/11/21: [Infantil xuntos] (2021-2022) Así celebramos o Magosto en Infantil 
• 05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

Pero ademáis, no día a día en Infantil 2, tamén tivo lugar todo o que vos contamos de seguido:

O día 25 de novembro celebramos o "Día internacional para a eliminación da violencia contra as mulleres", creando e poñéndonos o lazo morado representativo...

... e participando na creación da árbore "para a igualdade" no muro do colexio, xunto ós demais compañeiros e compañeiras do colexio. Nós encargámonos de estampar a nosas mans de cor morado.

Así de xenial quedou rematado.

Podes ver como o creamos no seguinte vídeo:

Deixamos tamén as nosas impresións sobre esta data tan sinalada, no programa que gravamos na "radio escolar".

Continuamos a completar o noso dicionario xigante para logo encher os dicionarios individuais, coas nosas palabras favoritas. 

Escribindo a palabra na aplicación do "dicionario" (que podes atopar no recanto de infantil) e, imprimindo tantas fotos delas como precisaríamos.

Participamos no concurso para elixir un nome e un logotipo da nosa radio escolar. Nunhas semanas saberemos cal foi o escollido, de entre os elaborados polos compañeiros e compañeiras de todo o colexio. 

Continuamos a desenvolver as nosas habilidades creativas...

+ 

... experimentando con diferentes técnicas

Participamos na gravación dun podcast xunto a tódolos compañeiros e compañeiras do colexio. Ós de Infantil correspondeunos falar dos morcegos.

E ata recibimos un agasallo, feito con follas, elaborado polos nosos compañeiros e compañeiras de 1º e 2º; que fixeron coa profe Bea de inglés (podes ver a publicación correspondente no recanto de inglés). Quedou así de fantástico no corredor da zona de infantil do colexio.

Agora en decembro, preto xa do Nadal, están a acontecer unha chea de cousas. Poderedes velas en futuras entradas deste blog.

Este mes experimentamos cun ovo, vinagre e un vaso. Que poderíamos facer con todo isto?

Entre todos e todas plantexamos hipóteses do que críamos que ía suceder:

• Estouparía
• Rompería
• Cambiaría de cor
• Convertiríase nunha pelota
• ...

Metimos un ovo en auga e outro en vinagre, e deixámolos varios días. Sucedería algo do que plantexábamos?

Escribimos o nome do líquido no que se atopaban, para diferencialos, e fomos observándoos ó longo dos días.

Cada un dos equipos cooperativos cooperativos reproduciu, de forma autónoma e chegando a acordos, os pasos do experimento...

..e fixo a auto-avaliación o seu traballo, de forma figuro-analóxica, cando remataron.

Os vasos cos "ovos" de cada equipo, correctamente etiquetados cos nome dos mesmos, estaban listos para agardar uns días... que sucedería?

Despois de 4 días chegou o momento de verificar o resulado final. A profe ZAIRA, que estaba tamén connosco na aula ese día, comprobou que sucedía se se tiraba o ovo que estaba en auga... 

... que rompeu.

Cando o fixo o mesmo co ovo en vinagre, rebotaba. Convertírase en "saltarín"!!!

Chegou logo o momento de que cada equipo, comprobase que sucedía co seu ovo en vinagre. Repitiríase o resultado e así poderíamos ter unha "teoría científica"?.

Cada equipo verificou a teoría, e descubrimos que todos "eran saltaríns" grazas ó vinagre e a deixalos varios días "transformándose".

E sí, por suposto, fomos tirándoo cada vez desde máis alto ata que rompeu. Houbo que facelo desde moi alto para que non rebotase e "emporcallase toda a mesa" ;)

Tan só nos quedaba por completar o noso caderno de campo dos experimentos individual. Nel anotamos o material que empregamos, escribimos o nome do mesmo e o seu número, pregándolle unha fotografía nosa facendo o experimento.

Este mes os compañeiros e compañeiras da aula de EI1 foron os encargados de crear o vídeo do experimento. De seguido podes ver o ven que lles quedou. Agora tamén podes tentalo ti na casa se queres.

No seguinte experimento, seremos nós novamente os encargados de crear o vídeo. Que será o que nos toque experimentar?

Lembra que podes acceder ós vídeos de tódolos experimentos que facemos na aula desde aquí.

Despois dunhas primeiras semanas de atapación dos novos compañeiras e compañeiras a Infantil 2, por fin puidemos poñernos mans á obra e iniciar unha nova investigación na aula. A primeira dese curso.

Antes de comezar lembramos, visitando entradas antigas da web, como foi todo o proceso da investigación que levamos a cabo o curso pasado, cando investigamos os ponis. Fomos comentándoo cos novos compañeiros e compañeiras.

Para escoller o tema a investigar, despois de varios diálogos e debates, acordamos propoñer unha serie de temas que nos interesaban. Cando cada quen propoñía un tema, tiña que argumentar que aspectos concretos do mesmo quería descubrir.

Despois de levar a cabo unha votación a "man alzada", quedamos con 4 finalistas. Entre eles levaríamos a cabo unha nova votación, xa en furna,  da que sairía o tema de investigación que levaríamos a cabo. 

Para elo preparamos as papeletas de votación, escollendo as imaxes dos temas entre todos e todas.

Xa coas papeletas listas organizamos a mesa electoral, na que CLAUDIA, encargada dese día, fixo as veces de presidenta para "vixiar a limpeza de todo o proceso" ;).

Para poder votar, cada compañeiro ou compañeira, tiña que traer a súa papeleta cuberta, ben dobrada, co tema que elixira rodeado. Tamén tiña que traer o seu carnet "para confirmar a súa identidade" e que tiña dereito a depositar o seu voto.

A presidenta da mesa foi anotando nunha lista, a medida que iamos votando todos e todas, para evitar que alguén puidese votar máis dunha vez.

Rematada a votación chegou o momento de facer o reconto de votos...

.... con este resultado final. O tema elexido foron "OS CANS SALCHICHA".

Xa co tema elixido comezamos a preparar o "mural da investigación", anotando nel o títuo do tema e escollendo, imprimindo e recortando, unha imaxe representativa que buscamos en internet.

Tamén acordamos entre todos e todas, que co descuberto, crearíamos unha exposición para contarllo ó todo o mundo xunto cun pequeno documental.

Plasmámolo tamén no mural, para telo presente sempre, tanto escrito como cunha imaxe representativa que buscamos por equipos en internet.

Entre todos e todas fomos anotando os nosos coñementos previos: 

E todo o que queríamos descubrir na investigación.

Tamén anotamos onde poderíamos buscar a información, preparando unha nota para levar a casa, pedindo axuda ás nosas familias.

Agora tan só nos queda agardar uns días, mentras preparamos a celebración do Magosto, para ir recopilando toda a información posible sobre o tema, e poder iniciar a busca e respostas. Tanto en papel como en formato dixital, no noso recanto da investigación da web.

Se tes algún tipo de información sobre este tema, estamos encantados de recibila en infantilcampolameiro@gmail.com 

Xa vos contaremos nas sucesivas entradas deste mesmo blog, como nos vai na nosa investigación. Permanecede atentos.

Ó longo das últimas semanas, na nosa aula, sucedeu todo isto que xa vos comentamos en entradas anteriores:

• 29/10/21: [Infantil xuntos] (2020-2021) Polo Samaín creamos unha casiña de cocholate “xigante” e participamos nos obradoiros do centro 
• 29/10/21: [Infantil xuntos] (2021-2022) Celebramos os aniversarios do mes de outubro en Infantil. 
• 19/10/21: (2021-2022) Experimentamos coa luz negra. Xa podes ver o vídeo que creamos explicándoo.
• 01/10/21: (2021-2022) Acordamos e refacemos as normas da nosa aula 
    

Pero ademáis, no día a día en Infantil 2, tamén tivo lugar todo o que vos contamos de seguido do que, de seguro, xa vos falaron os vosos fillos e fillas:

O encargado de cada día ten moitas reponsabilidades ese día: ordenar as letras do seu nome na árbore do encargado, completar o calendario online co seu canet QR (marcar o tempo, temperatura, quen está no colexio e quen falta, datas sinaladas, aniversarios...), organizar as entradas e saídas, etc.

Por suposto tamén se encarga de que todos e todas lavemos as mans con xabón.

E non pode esquecerse de darlle de comer ás nosas tartarugas: RAYO e EVAN.

Diariamente comentamos todo o que queiramos na nosa asamblea diaria, onde aprendemos respectar as quendas de palabra, as opións dos outros e, sobre todo, desenvolvemos a nosa expresión e comunicación oral.

Obviamente existen outros momentos ó longo da xornada na que tamén existen momentos de diálogo, tanto en gran grupo como dentro dos equipos cooperativos, presentes en moitos dos traballos que levamos a cabo.

Comezamos a completar dicionario xigante, coas nosas palabras favoritas de cada letra. Deste xeito podemos ir completando tamén o noso diccionario individual, escollendo de entre todas elas as que queiramos incluír.

Este dicionario invidual comezámolo en 3 anos, cando entramos no colexio, e rematámolo cando imos para primaria. Desde xeito podemos ver como fomos evolucionando no noso proceso de aproximación á lecto-escritura, a medida que fomos medrando e madurando.

Para facelo decidimos, nun diálogo, entre todos e todas que palabras poñer, buscámolas no dicionario online, e imprimimos a foto grande (para o xigante), así como tantas pequenas como pensamos que precisaremos para os dicionarios individuais.

Comezamos o préstamo de libros da biblioteca de aula, que levamos para casa dos venres. Deste xeito cada un de nós escolle o libro que quere levar e, usando o seu carnet QR na aplicación da biblioteca online, consigue imprimir a portada do libro (se introduce correctamente o número do mesmo).

Con esa portada pode completar o seu libro de rexistos en papel. Segundo a idade completarán máis ou menos datos.

A profe ZAIRA, proponnos cada semana diferentes xogos para desenvolver a nosa "lóxica matemática".

Sempre son moi divertidos e nos que, habitualmente, traballamos por equipos. Con eles ademais de afondar no traballo de aspectos lóxico-matemáticos, tamén desenvolvemos a nosa atención, hábitos e cooperación e usod do diálogo para chegar a acordos.

Tamén adicamos algún anaco a xogar no EDI, como ó xogo de memoria, que permite que desenvolvamos a nosa atención e memoria, así como moitos outros: ós que tamén podedes xogar na casa, e que atoparedes no recanto de infantil desta mesma web.

Durante as merenda comezamos a facer o rexistro de "merendas saudables" que, tal como sucedera no curso pasado, organizou o profe PAULO.

Por suposto, tamén adicamos tempo da xornada ó xogo libre que permite a socialización, a resolución de conflictos, aprender a través do xogo simbólico..., tanto na aula como no patio, como por exemplo nos recreos.

Antes de rematar o mes, e xusto coincidindo coa semana na que celebramos o Samaín (que podes ver noutra entrada), participamos nas actividades organizada pola Biblioteca pública do Concello, para celebrar o "Día internacional das Bibliotecas"

Alí coñecimos a Cruz, a responsable da Biblioteca pública, quen nos tiña preparadas unha chea de propostas. 

Deste xeito rematou o mes de outubro, no que tamén, comezamos a "ogranizar" un novo proxecto de investigación que comezaremos a vindeira semana, e comezamos a traballar cos nosos robots educativos.

Pero diso xa vos iremos contando en próximas entradas deste blog.

Na última semana levamos a cabo na nosa aula o primeiro experimento científico do curso: Descubrimos como crear unha "luz negra".

Xunto ós compañeiros e compañeiras de EI1 miramos un vídeo onde aparecía este mesmo experimento, pero explicado por antigos compañeiros de infantil de cursos anteriores.

Despois de plantexar hipóteses sobre como se podía crear unha "luz negra", e para que servía. Seguindo os pasos indicados no vídeo e puxémonos mans á obra.

Pintamos entre todos e todas as 20 capas de cor azul con rotulador.

O equipo CONEJITO, que sería o encargado de crear o vídeo explicativo deste experimento, creou o cartel dos materiais necesarios, que logo empregaría durante a grabación.

Precisarás todo este material. 

Xa coa luz negra preparada, chegou o momento de debuxar, por equipos con rotuladores fluorescentes e azuis, en diferentes papeis. Como se verían coa luz negra?

Cando encendemos a "luz negra" observamos como os "fluorescentes brillaban", e os rotuladores azuis case non se vían.

Finalmente creamos un gran "debuxo" entre todos e todas, para probar, por última vez, se funcionaba a luz negra nun papel tan grande. 

Fomos comprobando como se vía cada un dos debuxos que creáramos coa luz negra.

Durante todas estas probas, o equipo CONEJITO, foi grabando as diferentes escenas para a creación do vídeo explicativo.

Así quedou o seu vídeo unha vez rematado. Atréveste a repetir este experimento na casa?

Tan só nos quedaba por completar o noso caderno de campo dos experimentos individual. Nel anotamos o material que empregamos, escribimos o nome do mesmo e o seu número, pregándolle unha fotografía nosa facendo o experimento.

Lembra que podes acceder ós vídeos de tódolos experimentos que facemos na aula desde aquí.