O pasado mes de xaneiro, visitou a nosa biblioteca o escritor Raul Vacas, dentro do proxecto que dende a biblio se está a levar adiante este curso: "EMOCIÓN-ARTE".

Como no 2º trimestre traballamos a poesía, ninguén mellor que el para contarnos unha morea de historias en forma de poemas. Así, a través do seu libro: "ABC DIARIO", adentrámonos no mundo dos versos contadores de contos.

E, logo pasamos  a escoitar á nosa estrela, que nos deleitou con recursos para traballar e coñecer a lingua, con poemas sonoros e frescos, e ata con raps, que...vaia como rapeamos todos e todas!!

Cando chegou, recibímolo coas paredes da biblio cheíñas dos seus poemas, que xa nalgunhas aulas estiveran a descubrir. A rapazada de 3º curso fíxolle un divertido poema e presentación...