Despois de recoller todo o que tiñamos plantado no noso invernadoiro, tal como vos comentamos en entradas anteriores, chegou o momento voltar a enchelo de novas verduras e hortalizas.

Os compañeiros e compañeiras de Infantil encargáronse plantar berenxenas.

En primeiro e segundo plantaron acelgas e berenxenas.

Os compañeiros e compañeiras de terceiro e cuarto plantaron tomates e leitugas.

Pola súa banda en quinto e sexto plantaron porros e leitugas:

Lembra que podes ver tódalas imaxes desta segunda plantación no invernadoiro, no seguinte álbum fotográfico:

(2020-2021) - ÁLBUM FOTOGRÁFICO- Prantamos novas prantas no invernadoiro no mes de abril 

Aínda que tódolos días son importantes para poñer en práctica hábitos saudables, os días 6 e 7 de abril teñen unha consideración especial dentro da vida do centro. Estamos a falar do Día Mundial da Actividade Física e do Día Mundial da Saúde, respectivamente; días nos que debemos poñer en valor e recordar a importancia de adoptar hábitos como a alimentación, o exercicio, a hixiene, o descanso e o benestar.

Os nenos e nenas de 3º, 4º, 5º e 6º, así como os mestres/as, van a darnos unha serie de consellos para mellorar a nosa calidade de vida. Tomade nota e comezade a aplicalos!

O pasado luns 22 de marzo, prantamos cinco árbores froiteiras para conmemorar o Día da Árbore 2021. Dita actividade, tamén estivo enmarcada dentro do noso proxecto de biblioteca "Eco-bio-san", no que buscamos fomentar a alimentación saudable, o consumo sostible e os hábitos de vida saudables.

Despois de comprar as árbores e organizar os espazos onde iamos prantar as froiteiras, puxémonos mans á obra.

Os nenos e nenas de infantil prantaron unha maceira e unha pereira. Coma sempre, puxéronlle moitas ganas!

Os alumnos/as de 1º e 2º escolleron unha ameixeira e deixárona moi ben prantadiña.

Como aos alumnos/as de 3º e 4º lles encantan os melocotóns, decidíronse por esta froiteira tan exquisita.

Finalmente, os nenos/as de 5º e 6º decantáronse por un cítrico, un fermoso mandarineiro.

Agora só queda regalos e mimalos para que poidamos desfrutar dos seus ricos froitos!

Despois da primeira recolleita do noso invernadoiro, chegou o momento de plantar fresas.

Os compañeiros e compañeiras de todo o colexio foron plantando as súas en testos.

Agora tan só teremos que coidalas e observar como van medrando.

Podes atopar máis imaxes neste álbum dispoñible na galería fotográfica:

(2020-2021) ÁLBUM DA GALERÍA: Plantamos fresas

Lembra que no blogue da biblioteca están publicadas diferentes entradas sobre o noso traballo co invernadoiro, dentro do proxecto de centro ECO-BIO-SAN 2.0. 

Ó longo das últimas semanas do trimestre, os compañeiros e compañeiras de Educación Infantil, continuamos a coidar as leitugas que tiñamos plantadas no invernadoiro.

Fomos observando como, grazas ós nosos coidados, pouco a pouco comezaban a facerse máis grandes. 

Fomos anotando as nosas observacións sobre o crecemento das leitugas, no caderno de campo.

Ademais de regalas, tamén tivermos que ir quitando as "malas herbas" que ían aparecendo, para que deixaran medrar ás leitugas. 

E por suposto, tamén tivemos que regalas de modo habitual, ata que medraron o suficiente para poder recollelas.

Antes de marchar de vacacións de Semana Santa, recollimos as nosas leitugas que xa estaban moi grandes.

Cada un de nós levou parte dunha leituga, para poder ensinala nas nosas casas.

Foi unha colleita fantástica!

Á volta das vacacións, os de infantil, sementaremos algo novo noso invernadoiro.

Podes ver como imos completando o noso caderno de campo de seguido:  

Fai click sobre a seguinte imaxe para velo.

Podes ver as entradas previas sobre o noso traballo no invernadorio nas seguintes entradas:

22/01/21: (2020-2021) ECO-BIO-SAN 2.0: Os de infantil plantamos e coidamos tres tipos de leitugas no invernadoiro do colexio

22/01/21: (2020-2021) ECO-BIO-SAN 2.0: En infantil ademais de coidar as leitugas do invernadorio, investigamos sobre elas para crear un libro

Podes descargar, de seguido, a modelo en formato pdf para que escribas a túa receita.

Para escribir sobre ela directamente podes empregar o programa "Xornal++".

Entrega as túas receitas no colexio á volta de Semana Santa.

RECEITAS SAUDABLES PARA OS RECREOS

MES DE MARZO:

• COOKIES DE AVENA
• BISCOITO DE IOGUR
• MADALENAS DE LIMÓN E AMÉNDOAS

MES DE ABRIL:

• NOCILLA-NUTELLA SAUDABLE
• BISCOITO DE PLÁTANO
• BROWNIE SAUDABLE

MES DE MAIO:

• KIT KAT CASEIRO (1ª semana)
• PANINI CASEIRO (2ª semana)
• PATÉ DE MEXILLÓN E ATÚN (3ª semana)
• TORTIÑAS (3º semana)

MES DE XUÑO:

• Repetir as receitas anteriores que queiramos (todo o mes)

Para celebrar o Día de Rosalía de Castro, tódolos nenos e nenas do colexio particpamos na creación deste "vídeo-poema"; no que recitamos unha das súas obras máis coñecidas.

Podes velo de seguido.

Este curso, por mor da COVID-19, non foi posible celebrar o Entroido co habitual percorrido polas rúas do concello. Así pois, tivemos que celebralo no centro sen a presencia das familias. 

Nesta ocasión cada un dos grupos foi disfrazado dun conto, que previamente traballaron nas aulas:

Educación Infantil: "Capitán Verdemán"

1º e 2º de primaria: "O Frautista de Hamelín"

3º e 4º de primaria: "Alicia no país das marabillas".

5º e 6º de primaria: "Peter Pan"

Podes atopar fotografías do desfile e celebración na seguinte galería fotográfiia.

(2020-2021) GALERÍA FOTOGRÁFICA: Celebramos o Entroido

Como non puidéstedes ver o ben que o pasamos, e o guapos e guapas que estabamos, aquí tedes un vídeo do desfile.

Para celebrar o Día da Paz, o luns 1 de febreiro, participamos na elaboración dunha "árbore con raíces e froitas da Paz". 

Pero antes de baixar ó pavillón para "crear a árbore", visionamos nas clases os vídeos que crearon os compañeiros e compañeiras de Educación Infantil, das súas viaxes polo mundo.

Podes ver estes vídeos na seguinte ligazón:

(2020-2021) Viaxamos polo mundo, co noso pasaporte, creando vídeos polo Día da Paz. Queres velos?

Xa no pavillón, cada un de nós foi completando a árbore coas froitas da "Paz",  que contiñan unha palabra, que cada quen escolleu para escribir nelas.

Os compañeiros e compañeiras de 5º e 6º foron os encargados de escribir as palabras nas raices. 

Os outros cursos, continuaron enchendo a árbore cos seus "froitos da paz".

Así de fantástica quedou a árbore unha vez rematada.

Rematada a árbore, chegou o momento de bailar a canción "El mismo sol", que preparara o profe Jose Luis en música.

Queres vernos bailar, así de ben o fixemos.