Aí vén o Maio pola porta do xardín,
aí ven o Maio de enterrar ao pai abril.
Aí vén o Maio pola porta da campía,
aí vén o Maio, galán da cotovía.
O Maio garrido cansino de chorar,
enxoito o seu pranto con panos de luar.
O Maio garrido tiña un cambai brunedo
i o sol esfarrapoullo cos seus dourados dedos.
Aí vén o Maio pola porta da devesa,
aí vén o Maio cos seus brincas de cereixas.
Aí vén o Maio pola porta do soutelo,
aí vén o Maio co seu colete amarelo.
O Maio garrido anda a bebe-los ventos
pola terra rapaza de doces arrecendos.
O Maio garrido, para saudar o verán,
pon luvas de etiqueta con flores de san Xoán.
Aí vén o Maio pola porta do valado,
aí vén o Maio co seu traxe branco.
Aí vén o Maio, ¡Ábrelle as portas, moza,
que trae, por gorentarte, caraveis e rosas!
M. Delgado Gurriarán
Homenaxeado Día das Letras Galegas 2022
Música: Anxo Rey
Ver máis recursos sobre os Maios - Ver recursos sobre F. Delgado Gurriarán (Letras Galegas 2022)
VIDEO