Skip to Content

Calendario Escolar Curso 2022/23

50 Aniversario

50 Aniversario

50 Aniversario

Curso 1974/75 - De visita ao Cuartel de Figueirido - CIR Nº 13

Neste curso 2022/23 estamos a celebrar o 50º Aniversario do colexio. Unha das actividades que xa está en marcha  é a de recoller fotos, recortes de prensa, traballos, etc para recordar a historia da nosa escola. A foto que aquí presentamos, é do curso 1974/75 (2º ano de funcionamento do cole), atópase nos arquivos da ANPA do colexio no sobre de fotos do 30ª Aniversario do colexio (2002/03). De momento é a máis antiga que temos.

Ver en PDF

Curso 2021-22 -Teatro - A nena que non amaba a lectura

O alumnado de 6ºC, dirixidos pola súa mestra Mª Olga M. M.,  deleitounos no Curso 2021-22 coa espectacular obra de  teatro que levou  por título "A nena que non amaba a lectura".  Ver vídeo da obra.

Ver fotos

 

Protestas durante o curso 1995/96

Foron moitas as protestas de intendencia durante este curso  1995/96: solicitude de alarma (había moitos destrozos e  roubos), hixiene no centro, Sanidade detectou  oito incidencias no centro, había unha sóa señora da limpeza para 3000 metros cadrados ... Os problemas foron tales que a comunidade escolar estivo 4 días de folga, con varias concentracións, houbo unha moción de censura no concello e onde  tivo que interceder o Conselleiro Cuíña Crespo por ser acosado no Teatro Principal de Pontevedra onde se estaba a celebrar un congreso do PP. O alcalde desa época era Pedrosa e a Concelleira Blanca Rodríguez.

 Ver en PDF

Concurso "Mascota do 50 Aniversario"

 Comezamos esta xeira do 50º Aniversario co concurso da Mascota de dito evento. Como veredes moitas están centradas no tren, foi unha das ideas que se deu.  Recordando deste xeito, que onde estamos agora antes había unha estación de tren. Aínda faltan por poñer algunhas. Podemos ir vendo xa as que hai. Cal é para ti a mellor locomotora?  E o mellor debuxo? E a mellor  torta?  Están numeradas na Galeria de Imaxes, se queres podes votar ou facer algún  comentario nas mascotas.

A modelo e actriz Maria Castro da serie "Pratos combinados" visita Campolongo - 2003

Despois de prometer nun Nadal que volvería ao cole, aproveitouse o 30ª Aniversario do cole (2002/03) para que cumprise a palabra de facer unha visita.  Ver máis fotos.

Seis científicas referentes desvelan os ‘Desafíos do Océano’ nunha miniserie documental do Campus do Mar

  Seis investigadoras referentes en distintos ámbitos do medio mariño dan a coñecer as súas visións e traballos na miniserie documental Desafíos do Océano: científicas ao mando. Especies invasoras, plásticos mariños, erosión costeira, acidificación oceánica, eventos extremos e sostibilidade son os retos que abordan en cada un dos capítulos, de 15 minutos de duración, que xa están dispoñibles na rede.

Historia da Praza de Galicia e da Estación Vella

Coa construción da estación de ferrocarril en Pontevedra, que recibíu a sua primeira locomotora o 16 de Maio de 1884, adecuouse un amplo espazo público enmarcado polo final das rúas de Augusto González Besada, Andrès Muruais e Andrés Mellado, así como polo edificio da estación.
Este espazo apenas sufriu cambios ata 1969, momento no que se procede a demolición das instalacións ferroviarias, abandonada dende 1966, pola posta en servizo dunha nova terminal máis lonxe do centro urbano. En 1968 derrubouse a Estación Vella do ferrocarril, deixando unha ampla zona para novos usos da cidade, entre as grandes torres de edificios para viviendas fíxose tamén o Centro Escolar de Campolongo.
En 1970 privase de luz, canalizándoo, o tramo do río Gafos que pasa por Campolongo (uns 520 m). En 1971 realízase a primeira ampliación da praza aproveitando os terreos que deixa libres o antigo edificio da estación, e habilítanse  marquesiñas para a parada de trolebuses. Pouco despois realizase a urbanización da Avenida de Augusto Garcia Sánchez sobre os terreos ocupados anteriormente polas vías férreas.Finalmente, na década nos noventa, realízase unha reforma en profundidade na zona, tras desaparecer o servizo de trolebuses en 1989 e eliminarse o tendido aéreo asociado a este servizo. Coa reforma a praza duplica a súa superficie, invadindo terreos da Avenida Augusto García Sánchez, partíndoa literalmente en dous, e por primeira vez adopta xardíns, árbores, unha ampla fonte central e sendas peonís, limitando a circulación rodada ao seu perímetro.

O nome  de "Estación Vella"  foi escollido para cambiar o nome da Revista Escolar do CEP Campolongo durante o curso 2017/18, o antigo nome era o de "Esperpento". Ver revistas.

Unha tese doutoral demostra os beneficios da camelia como anticanceríxena

A tese doutoral da investigadora viguesa Rocío Barreiro, cualificada cun sobresaliente 'cum laude', concluíu que o té e o aceite elaborados a partir das camelias galegas posúen propiedades anticanceríxenas, desoxidantes e antimicrobianas.  Baixo o título 'Composición química e capacidade desoxidante dos produtos obtidos de camelias de Galicia' , a tese estuda as propiedades do aceite e o té producidos a partir de camelias cultivadas en Pontevedra e propón o seu uso comercial como "fonte de riqueza" para o territorio.  Desta forma, Barreiro conclúe na súa tese que as propiedades desoxidantes e o contido en vitamina E e catequinas das camelias axudan a protexer ás células dos chamados radicais libres e que, por tanto, serven para a prevención e o tratamento do cancro.  Así mesmo, o estudo demostra que o té realizado cos brotes e follas novas desta flor, 'Camelia sinensis', está composto de "vitaminas beneficiosas" para a saúde de quen o consuma, debido a que se atoparon ata seis catequinas que engaden unha "importante bioactividad desoxidante" e, por tanto, anticanceríxena, a esta bebida.  En canto ao aceite das sementes de camelias pontevedresas, a tese galardoada destaca que posúe uns "valores similares" aos lexislados para o aceite de oliva virxe extra, debido ao seu "alto índice" de ácidos graxos saturados, minerais e vitamina E.
A investigación foi realizada na leira de O Areeiro (Pontevedra), centro dependente da Deputación provincial pontevedresa e a Universidade de Vigo, e estivo dirixida por doutóraa Carmen Salinero, xefa de servizo de Areeiro, e o doutor da Universidade da Rioxa Efrén Pérez. Ver nova na prensa

Mestres da época dos 70/80 (1973-1989) do colexio de Campolongo

N°1 María Jesús Rodríguez. R.(Chus), n°2 Pilar Regueira V. , n°3 Mª Benita Penado G. , n°4 Rosa García A., n°5 Isaura Freire L., n°6 Carmen Laredo , n°7 Aurora Vidal M.,  n°8 Mercedes Portela B. , n°9 Elena Pardilla S., n°10 José Antonio Pose, n°11 Marina Paz F., n°12 Manuel Filgueira, n°13 Augusto Laredo, n°14 Aurora Andrés E.,  n°15 María Teresa Blanco F., n°16 Maruja, (dicían Maruja Vivas, pero Vivas era o seu marido), n°17 José Luis Dios B., n°18 María Varela C. , n°19 Luis Sieiro F. (director), n°20 Germán (secretario), n°21 Marcial Pantín F. (tamén foi director), n°22 Luis Seoane , n°23 Elisardo Balea, n°24 Germán Bugallo F. (foi director), n°25 Sara López F. ,  n°26 Argimiro (estivo 2 anos e logo xubilouse), n°27 Camilo Castro R., n°28 Félix Carballal D. , n°29 Manolo (de prácticas), n°30 Leonardo Panero F. e n°31 Joaquín Ortigueira N.

A RAG dedicaralle o Día das Letras Galegas 2023 a Francisco Fernández del Riego

Ver nova na páxina web da RAG

Decía da Camelia o seguinte: Viñeron a Galicia de terras foráneas plantas de diverso feitío. Pero houbo unha que se afixo ó país de xeito especial vivindo nel vizosamente. Referímonos á camelia, que chegou de horizontes afastados para lucir as súas cores na paixase galega. Tan galega se fixo que é flor das Rías Baixas e de Galicia toda, En pazos, hortos, nas beiras litorais, en lugares de interior, a camelia amosa a variedade da súa luz e cor en xardíns dos nosos invernos grises. Como alguén dixo, nos días da gran morte da flora inverniza aparece a camelia vestida de luz. Trátase dunha fermosa visitante do arredado Oriente no noso país que aquí arraizou para se converter en florida cromática do mundo vexetal autóctono. 

 Francisco Fernández del Riego-  lntroducción de la exposición de Alex Vázquez "A camelia nos xardíns das Rías Baixas" Museo Municipal de Vigo "Quiñones de León", febreiro 2007

Distribuir contido


by Dr. Radut