Historia do CEP Campolongo
No ano 1972, o Ministerio de Educación e Ciencia, dentro do “Plan de Urgencia para Galicia 1972”, a través da "Junta de Construcciones, Instalaciones y Equipamiento Escolar", aproba a construción dun Centro Escolar en Campolongo, para impartir a Educación Xeneral Básica (EXB). A capacidade prevista para este centro é de 16 unidades. O Ministerio responsabiliza, como Director da construción, a D. Ramón Estalella e Manso de Zúñiga.
O día 1 de marzo do ano 1972 comezaron as obras de construción do edificio que axiña se convirtirá nun centro piloto, destinado a introducir ensinanzas e experiencias innovadoras no ámbito da educación primaria. A data do remate das obras foi o 30 de setembro de 1972.
O primeiro curso escolar foi en 1973/74 como centro experimental (CEP), cunha distribución dos espazos adaptados para impartir sesións en macrogrupos para tratar temas xerais e cunha metodoloxía propia, impulsada pola súa primeira directora teresiana, Dña. María Jesús García Sánchez, quen pretendía introducir ao noso centro escolar a filosofía que tiñan no Colexio Somosaguas de Madrid, considerado como un dos máis vangardistas da época. Esta filosofía foi apoiada polo inspector da época D. Federico Cifuentes Pérez e baseábase en parte nos Principios Pedagóxicos da Educación Personalizada que defendía e promovía D. Victor García Hoz.
Neste primeiro curso estiveron no centro cinco coñecidos mestres, un, D. Victoriano A. Vidal Pazos, como profesor contratado durante dous anos e un trimestre do terceiro (logo marcharía a facer o obrigatorio servizo militar); outr@s , tales como Dª María Luísa Villanueva V. (Marisa), compañeira durante algúns anos (2008/20) neste centro, fixo as prácticas como profesora no curso da inaguracion do colexio. Logo temos a que foi a decana do centro, Dª Mª Elena Pardilla Santolaya, e para rematar con D. José Luís Argibay álvarez, que traballou parte do curso como contratado. Este último aínda actual colaborador nos últimos magostos que se fixeron no centro até a chegada da pandemia do COVID que paralizou moitas das actividades que se estaban a facer. Os aquí nomeados dan fe de que se traballou moito neses primeiros anos. Recordamos que nesa época non existía a xornada única, traballábase mañán e tarde con horas de exclusiva incluídas ( xuntanzas, coordinacións, atención ós pais/nais).
Ao longo da súa posta en marcha, o centro contou con profesorado provisional en servizos especiais, a gran maioría mestres xóvenes e procedentes dos recen renovados plans de estudo do Maxisterio, ata que no ano 1977, incorpóranse ó centro os cinco primeiros profesores/as definitivos/as que obtiveron a súa praza no concurso de traslados, para logo no 1978 incorporarse dezaseis novos profesores definitivos e cesando nos seus postos os provisionais. A partir desta data e ata a actualidade, a plantilla do centro foise consolidando con profesores definitivos con contrastada experiencia, derivada da necesidade de ter moitos puntos de experiencia laboral para poder achegarse ás solicitadas prazas no centro da cidade.
Durante os primeiros anos de funcionamento do centro, para a formación continua do profesorado, recorriuse a prestixiosos profesores das Universidades de Madison e Stanfor de USA, así como a destacados pedagogos do momento (Postiguillo, o Padre Díaz de Rábago, ...), que impartían cursos de actualización en Campolongo.
Unha mostra do vangardismo do centro era a utilización xa no ano 1974 das novas tecnoloxías aplicadas á educación, impartíndose clases prácticas en circuíto pechado de televisión e comezando a traballar con ordenadores no centro.
Despois da Lei do 70 e coa posta en marcha da LOGSE, o centro funciona cunha líña de Educación Preescolar de tres años, outra para catro e outra para cinco anos, xuntamente con tres líñeas para toda a E.X.B., chegando incluso a catro líneas durante máis de 10 anos, o que supoñía unha matrícula de case mil alumnos. Para solucionar o problema da liña 4 optouse por eliminar a liña de preescolar do centro e coller só as 3 liñas de infantil do colexio anexo ó noso (EII Crespo Rivas). Rematou o proceso de preescolar no curso 2012-13, pasou de ser un CEIP a ser CEP . No curso 2019-20 xa non había ningún nivel con liña catro.
O colexio está ubicado no Barrio de Campolongo, un dos mais modernos da cidade, formando parte do parque de Campolongo, cunha longa historia pola súa relación coa antiga Estación Vella do Ferrocarril, co Río dos Gafos, cos seus Muiños, Pontes, Lavadoiros, Cuartel Militar, etc.
Actualmente funciona como un CEP (Centro de Educación Primaria) de líña tres e cunha matrícula arredor dos 525 alumnos/as e con unha plantilla de 37 profesores, incluíndo dous profesores especialistas en Educación Física, unha profesora en Educación Musical, catro en Linguas Extranxeiras (Inglés e Francés) e tres de Relixión (unha delas pertencente o Claustro e dúas compartindo docencia con outros centros). Conta tamén con especialistas en Audición e Linguaxe, Pedagoxía Terapéutica, Orientadora, ademais dos servizos de dúas coidadoras para atender alumnos/as con necesidades educativas especiais.
O noso centro nútrese do anexo centro adscrito EEI Crespo Rivas, separado só por un enreixado e compartindo o comedor ubicado no CEP Campolongo. O alumnado, unha vez rematada a Primaria, ten como centro adscrito par facer a Secundaria e o Bacharelato o IES Sánchez Cantón.
A actividade educativa do centro vese complementada co traballo da Asociación de Nais e Pais (ANPA) que conta cunha cifra cercana ó 90% de asociados.
As instalacións contan con unha superficie aproximada de 3.500 m2, distribuídas da seguinte maneira:
a) Edificio de Dirección-Administración cos despachos de: Dirección, Xefatura de Estudios e Secretaría; despacho de ANPA., Biblioteca, Aula de Informática e Conserxería.
b) Edificio con dezanove aulas de Educación Primaria, Titorías por niveis, aula de P.T., aula de A.L., Departamento de Orientación, Aula de Idiomas, Aula de Audiovisuais, Sala de Usos Múltiples e Sala de Profesores.
c) Edificio anexo utilizado como comedor. Antes eran 3 aulas de Educación Infantil.
d) Edificio para Actividades Deportivas (Pavillón e Patio Cuberto).
e) Vivenda do Conserxe (actualmente utilizada como almacén)
f) Parque infantil.
g) Patios de recreos e deportes.
h) Pistas polideportivas exteriores de uso compartido co vecindario.
ARTIGOS RELACIONADOS : - Historia da escola en verso (50º Aniversario) - Historia da Praza de Galicia e da Estación Vella - O teu cole na historia - Na Revista Escolar" (2020/21) - Cambios importantes desde 1870/1900 en Pontevedra