O Instituto Superior de Engeniería da Universidade do Algarve - Campus da Penha - Faro - Portugal vai ser o escenario duns Encontros de Cociña Solar na tarde do venres 17 e mañá do 18 de maio do 2013.

Ver información e inscricón no documento adxunto.

O pasado día 6 de maio rematou o curso "Didáctica do patrimonio e traballo por proxectos" que se viña desenvolvendo no CAFI dende o 18 de febreiro. O curso funcionou como unha experiencia piloto de carácter innovador, que supuxo a combinación dunha fase presencial de 30 horas cunha fase en rede de 20 horas. As sesións incluíron exposicións teóricas de contidos relativos ao patrimonio e ao traballo por proxectos, roteiros patrimoniais pola cidade de Santiago e a presentación de novidosas experiencias didácticas de carácter colaborativo en relación co patrimonio. Nesta actividade de formación participaron, xunto con relatores da Comunidade de Galicia, poñentes procedentes do País Vasco, de Alcalá de Henares e da Comunidade Valenciana.

Do 6 de marzo ao 20 de abril  desenvolveuse no CAFI o curso S1201077_Aplicacións tradicionais e innovadoras da enerxía solar, que rematou cunha xornada ao longo do sábado día 20. Nesta sesión que puxo o broche final a esta actividade de formación, os participantes puxeron en práctica os coñecementos adquiridos coa montaxe e instalación dos fornos solares construídos e a súa aplicación no aproveitamento da enerxía solar. Cada profesor/a participante elixeu dous menús para cociñar; menús que finalmente foron compartidos convertíndose nunha xornada de convivencia. O éxito da xornada veuse reflectido na proposta do profesorado participante de realizar una nova "quedada solar" a finais de xuño.

Francesco Tonucci dará unha conferencia na Cidade da Cultura a tarde do vindeiro martes 7 de maio.

O recoñecido mestre, pedagogo e investigador compartirá cos profesionais da educación galega o seu traballo sobre as competencias reais, para a vida, que o alumnado precisa.

O encontro terá lugar ás 19:00 horas no auditorio 177 do CINC (Centro de Innovación Cultural).

As persoas interesadas deben inscribirse antes deste luns, 06 de maio, na dirección www.edu.xunta.es/fprofe

Os materiais correspondentes ás conferencias, ponencias e experiencias que tiveron lugar na I Xornada de coordinadores e coordinadoras do proxecto Abalar celebrada o pasado 19 de abril están accesibles dende o seguinte enderezo da aula virtual do CAFI: http://www.edu.xunta.gal/centros/cafi/aulavirtual/course/view.php?id=353

O día 19 de abril de 2013 celebrarase a I Xornada de coordinadores e coordinadoras do proxecto Abalar.

Os obxectivos desta Xornada son:

1. Promover o intercambio de actividades, así como o debate e a difusión de experiencias docentes con tecnoloxías da información e da comunicación.

2. Impulsar e apoiar o compromiso e a participación do profesorado coas tecnoloxías da información e da comunicación, especialmente o proxecto ABALAR.

3. Facilitar a unificación de criterios e propostas de integración das tecnoloxías da información e da comunicación para unha mellora significativa da práctica docente.

Os días 12 e 13 de abril de 2013, celebraranse os I Encontros de Educación Infantil e Educación Primaria.

Desenvolveranse no Palacio de Congresos e Exposicións de Galicia (Santiago de Compostela).

Será un espazo onde compartir experiencias, facer visible boas prácticas de aula e motivar ao profesorado destas etapas educativas, que por primeira vez se verán xuntas nun mesmo espazo.

Os obxectivos principais desta actividade formativa son:

1. Facilitar a continuidade curricular e unificar as propostas metodolóxicas.

2. Reflexionar sobre a atención á diversidade nas aulas de educación infantil e primaria.

3. Propiciar o intercambio de experiencias innovadoras e de recursos didácticos entre o profesorado.