Código: G2101022

Datas: 28/09/2021 a 14/12/2021

Duración: 50 h

Data límite de inscrición: 15/09/2021

Modalidade: Na Rede

Obxectivos

1.Coñecer os principios da ensinanza baseada en proxectos en relación coas distintas etapas, situacións e materias educativas.

2.Deseñar proxectos de ensinanza e aprendizaxe en ciclos de deseño reflexivo e cooperativo a través da Rede.

3.Enriquecer os mecanismos tradicionais de avaliación con propostas alternativas como o uso de rúbricas, os diarios de aprendizaxe e o portafolios.

Contidos

1.A aprendizaxe baseada en proxectos: prácticas de referencia.

2.Preguntas, problemas e retos: o motor de arranque dun proxecto.

3.Movemento na aula, aprendizaxe cooperativa e investigación de campo.

4.As comunidades de aprendizaxe e as TIC.

5.A avaliación na ABP.

   5.1.Diario de aprendizaxe, rúbricas e portafolios.

6.A xestión de proxectos de aprendizaxe no centro escolar.

7.A aprendizaxe baseada en proxectos como proceso de capacitación e desenvolvemento profesional docente.

Inscripcións abertas en Fprofe

Achegámosvos aquí a ligazón ao panel que recolle todas as aportacións de experiencias educativas dixitais por parte do profesorado galego de cara á súa difusión na Xornada Educación Dixital 20-21 celebrada o pasado 8 de maio.

Moitas grazas pola vosa colaboración e noraboa pola grande calidade das propostas!

Achegámosvos aquí a ligazón ao panel que recolle todas as aportacións de experiencias educativas dixitais por parte do profesorado galego de cara á súa difusión na Xornada Educación Dixital 20-21 celebrada o pasado 8 de maio.

Moitas grazas pola vosa colaboración e noraboa pola grande calidade das propostas!

O pasado 26 de maio de 2021 tivo lugar no Aeródromo de Rozas (Lugo) o lanzamento dos satélites na fase galega da iniciativa Cansat.

Podedes ver toda a xornada de lanzamentos na canle de YouTube do CAFI. Asemande, tedes ao voso dispór toda a información ao respecto na páxina de agueiro: Cansat 2021. De Galicia ao espazo e nas redes sociais nos cancelos #cansat e #cansatgal.

O 2 de xuño terá lugar a entrega de premios. Seguiremos informando! 

Ponse a disposición do profesorado unha serie de guías encamiñadas a facilitar a xestión das actividades de formación do profesorado organizadas polo CFR de A Coruña ou para axudar na procura de actividades ofertadas na rede de formación.  

LIGAZÓN ás guías (acceso aberto):

https://www.edu.xunta.gal/centros/cfrcoruna/aulavirtual/course/view.php?id=1968

Vimos de vivir un tempo revolto onde a tecnoloxía, antes reservada a aquelas persoas máis mañosas con ela, converteuse no eixo principal da educación. Esta situación conlevou que todo o profesorado, incluso aquelas persoas que non tiñan soltura, se tiveran que adaptar rapidamente, reinventando as súas metodoloxías e o xeito de dar aulas. Púxose de manifesto a enorme resiliencia do profesorado e as habilidades que moitas persoas crían que non tiñan, que converteron os nosos mestres e mestras en superheroes e superheroínas que contan agora cunha mochila chea de recursos e aprendizaxes cos que motivar ó alumnado.

Nesta xornada pretendemos sacar do anonimato a docentes superheroes e superheroínas, ‘superdocentes’, que levaron a cabo boas prácticas na aula, poñendo as TIC ó servizo da metodoloxía para proporcionarlle ó seu alumnado a mellor das experiencias.

A educación dixital agora máis presente ca nunca! 

Aínda estás a tempo de inscribirte na xornada en fprofe co código G2002140!!

Consulta aquí o programa do vindeiro sábado, 8 de maio. (Máis información). 

O vindeiro 4 de xuño desenvolverase durante todo o día a xornada de Educación no Museo Gaiás virtual, réplica do museo físico do complexo compostelán. Esta xornada inclúese dentro da Maker Faire Galicia que volve na súa sétima edición de xeito 100% online.

Nesta interesante xornada haberá stands informativos, charlas con profesionais de referencia na educación, obradoiros prácticos así como unha exposición online de proxectos e premios.

Se no voso centro educativo (centro de educación primaria, secundaria, FP ou facultade universitaria) tedes un proxecto innovador e sorprendente, podedes amosalo e participar nesta xornada, onde compartiredes coñecemento coa comunidade educativa interesada na cultura maker. 

 Os proxectos seleccionados competirán en tres categorías:

• Minimaker (ata 12 anos)
• Maker (de 12 a 18 anos)
• Maker pro (a partir de 18 anos)

Os participantes no proxecto (docentes e alumnado) realizaran unha presentación diante dun xurado experto que premiará a aqueles máis innovadores.

Se queredes inscribir o voso proxecto deixade os vosos datos de contacto neste formulario.

Podes atopar máis información da edición anterior na páxina web da Maker Faire Galicia e na publicación de Aula Nova.