Rosalía está feita unha moza! 140 anos non son nada!
Se non existise unha data para ela, habería que programala. Sendo a primeira autora en ser homenaxeada no día das nosas Letras, pola súa trascendencia, era ben merecente dunha xornada propia.
Desde a Biblioteca, en colaboración cos departamentos de Lingua Galega, Lingua Castelá, Música e o Equipo de Normalización e Dinamización da Lingua Galega, quixemos organizar este luns, 25 de febreiro, un tempo e un espazo para dar voz e continuidade ás inquedanzas da autora de Padrón.
Se queres ler como se desenvolveu a actividade e ver unha mostra da lectura de poemas, preme AQUÍ.
Entre os días 11 e 15 de febreiro de 2019, os 16 embaixadores júnior do Parlamento Europeo viaxaron por Europa para coñecer institucións comunitarias que normalmente non son obxecto de visita. Deste xeito, desprazáronse ata Luxemburgo para visitar o Tribunal de Xustiza e tamén estiveron en Frankfurt para unha visita guiada ao Banco Central Europeo. A viaxe completouse cun intercambio de ideas con outra escola embaixadora de Luxemburgo, as visitas aos cemiterios alemán e americano da II GM e aos museo e cemiterio xudeus.
