Skip to Content

Fondo solidario de libros de texto e axudas para adquirir libros de texto e material escolar para o curso 2022/23

Información da axuda na seguinte páxina.

O prazo para presentar solicitudes iniciarase o día seguinte ao da publicación desta orde no Diario Oficial de Galicia e rematará o día 22 de xuño de 2022 (este incluído).

É necesario entregar os anexos I e II cubertos. No anexo II deberán rexistrarse todos os membros da unidade familiar agás o solicitante (nai ou pai).

Encontro con Antía Yáñez

O próximo mércores 18 de maio, aproveitando a celebración do Día das Letras Galegas, temos o pracer de recibir no noso instituto a Antía Yáñez Rodríguez, gañadora do premio dos Clubs de Lectura 2022.

O encontro estará dirixido ao alumnado de 1ºESO que, durante este trimestre, leu a súa obra titulada "O misterio de Portomarín". Tamén gozará da xuntanza o alumnado participante dos Clubs de Lectura de 2ºESO e 4ºESO.

Día da Terra 2022

Hoxe celébrase o Día da Terra e, desde o noso IES, aproveitamos a ocasión para amosarvos o traballo realizado polo alumnado de 2ºESO que, neste día, acabaron de plantar vexetais, plantas aromáticas e ornamentais no invernadoiro.

Deixámosvos o link ao vídeo con algunhas das fotografías de todo o proceso.

Esta actividade encádrase dentro do proxecto VIDA, coordinado pola Biblioteca escolar e no que colaboran varios departamentos.

Concurso Letras Galegas Concello de Camariñas 2022

Co desexo de fomentar a creatividade literaria dirixida ao mundo dos nenos e nenas, convócase o concurso de literatura infantil e xuvenil Letras Galegas Camariñas 2022.

 BASES

  1.-Poderán participar todas as persoas que cursen estudos de educación infantil, primaria e secundaria nalgún dos centros educativos do Concello de Camariñas ou residentes do Concello de Camariñas que cursen estudos nun centro educativo doutro concello.

  2.-Establécense uns premios que consisten en bonos para cambiar por calquera artigo nos establecementos do Concello de Camariñas, tal e como aparece no documento adxunto.

Convocatoria certame literario e artístico

Conmemorando o Día do Libro, a Biblioteca escolar convoca un concuro literario, fotográfico e de ilustración a partir dunha frase escollida do libro O Mercader de Venecia de Willian Shakespeare, morto un 23 de abril de 1616.

"El amor, como ciego que es, impide a los amantes ver las divertidas tonterías que cometen"

"O amor, como cego que é, impide aos amantes ver as divertidas parvadas que cometen"

 

As bases da convocatoria podedes lelas nos taboleiros das aulas, adxunto nesta páxina ou na Biblioteca.

Data límite de entrega dos traballos: Mércores 20 de abril

Entrega de premios: Luns 25 de abril

Animádevos a participar!

Bolsas do Ministerio de Educación para facer Bacharelato ou FP no curso 2022/23

Desde o día 30 de marzo de 2022 até o 12 de maio de 2022 todo o alumnado que vaia cursar estudos de Bacharelato ou FP no vindeiro curso e desexe solicitar unha bolsa do Ministerio de Educación terá que facer o trámite en liña no seguinte enderezo (onde ademais está toda a información necesaria sobre estas axudas):

https://www.educacionyfp.gob.es/servicios-al-ciudadano/catalogo/general/...

O Concello de Camariñas pon á disposición do estudantado ou as familias que precisen axuda para cubrir as solicitudes o teléfono 981738004 no que poden solicitar cita previa para recbir asesoramento presencial nas instalacións da Casa de Pedra do Concello (Praza da Insuela, nº 56).

Distribuir contido


by Dr. Radut