Skip to Content

Que facemos?

Enquisas valoración OMQQ

 

ENQUISA ALUMNADO MULLER

ENQUISA ALUMNADO HOME

ENQUISA ALUMNADO SEN DEFINIR

Un Vicente Ferrer para o Pedra da Aguia

O IESP Pedra da Aguia acaba de ser recoñecido co Premio Nacional de Educación para o Desenvolvemento “Vicente Ferrer”, convocado pola Agencia Española de Cooperación Internacional, que recoñece o labor desenvolvido arredor da Axenda 2030 para o Desenvolvemento Sustentable impulsada pola ONU. De entre os seus obxectivos, o alumnado escolleu a Igualdade e a desigualdade de xénero para traballar ao longo de seis meses desde o Plan Proxecta O Mundo que Queremos, que convoca a Consellería de Educación.

Foi tempo de experiencias con diversos medios de creación e comunicación como o audiovisual, o teatro, a radio, a cartelería, a escrita creativa... impulsadas de xeito interdisciplinar desde os departamentos de Lingua Castelá e Ciencias Sociais, coordinadas desde a Biblioteca Escolar, e co apoio de todo o centro. O resultado foi un proceso de aprendizaxe enriquecido polos traballos do alumnado en prol da igualdade social e de xénero nas súas múltiples facetas e concretado nunha mostra final o pasado maio, na que deron a coñecer a toda a comunidade educativa as conclusións e reflexións dos seus traballos.

E chegou o día... Acto de clausura de O Mundo que Queremos!

Chegou o día e despois de tanto traballo e preparativos, só nos quedaba gozar do momento... E con máis ou menos nervios, o equipo de alumnado de O Mundo que Queremos fíxoo xenial! Un orgullo ver o ben que vos desenvolvedes! Explicar cada unha das actividades, acompañar ao resto de compañeiros e compañeiras do instituto por todo o centro para mostrarlles o voso traballo de todo un curso, coidar de que todo saíse ben... E como colofón final, Lara González e Érika Blanco facendo balance de todo o programa e convidando a toda a comunidade educativa a sumarse a eses pequenos xestos que fan posibles grandes cousas! O esforzo pagou a pena! As profesoras que guiamos o proxecto estamos moi orgullosas do voso resultado!

Parabéns a todos e todas vós! Se queres recordar todo o camiño, preme AQUÍ para o Prezi do acto de clausura... E se prefires ver un vídeo repaso dos mellores momentos, AQUÍ.

Curtametraxes para reflexións longas...

Despois dos obradoiros de vídeo, escribir o guión e converter o instituto en escenarios de gravación onde parte do alumnado fixeron de actores e actrices por un día, podemos mostrarvos o resultado! Non perdades ningunha das cinco curtas que saíron desta rapazada. Nunha curta cabe unha reflexión grande!

Velaquí as ligazóns de acceso á nosa canle de Youtube:

 

"TRANSFOBIA"   https://youtu.be/skMbLbcsFiU

"CAMBIEMOS O CONTO"    https://youtu.be/vAh0ThoRkss

"COIDA DA TÚA IMAXE SOCIAL"   https://youtu.be/V3N13ggjwFQ

"NUNCA SUBESTIMES"  https://youtu.be/627GUTRVJXg

"ORIXE"   https://youtu.be/MZrFo1Jzsrs

O noso programa de radio está a punto!

  

Velaquí o traballo realizado polo equipo de radio de O Mundo que Queremos do noso centro. O programa conta con varias seccións e moita ilusión. Nel escoitaredes as reflexións do alumnado sobre varios produtos culturais que consumimos habitualmente, como literatura ou música, para detectar as desigualdes de xénero polas que están atravesados... Pero a cousa non queda aí! Esta rapazada vénlle de dar unha volta a todo isto e facer propostas alternativas e inclusivas. Só queda escoitalo! Preme en PODCAST para escoitalo!

 

Distribuir contido


by Dr. Radut